سینیئر صحافی سرور منیر راوٴ کی تصنیف ’’مدینہ منورہ تاریخ کے آئینے میں‘‘ شائع
اشاعت کی تاریخ: 10th, April 2025 GMT
اسلام آباد:
نیشنل بک فاوٴنڈیشن کے زیر اہتمام ممتاز دانشور، ادیب اور سینیئر صحافی سرور منیر راوٴ کی تصنیف ’’مدینہ منورہ تاریخ کے آئینے میں‘‘ شائع ہوگئی۔
مینجنگ ڈائریکٹر نیشنل بک فاؤنڈیشن ڈاکٹر کامران جہانگیر کا کہنا ہے کہ نیشنل بک فاؤنڈیشن سے شائع ہونے والی کتاب ’’مدینہ منورہ تاریخ کے آئینے میں‘‘ اپنی نوعیت کی ایک منفرد کتاب ہے۔
تفصیلات کے مطابق نیشنل بک فاؤنڈیشن کے زیر اہتمام ممتاز دانشور ادیب اور سینیئر صحافی سرور منیر راوٴ (تمغہ امتیاز) کی نئی تصنیف ’’مدینہ منورہ تاریخ کے آئینے میں‘‘ شائع ہو کر منظر عام پر آچکی ہے۔ یہ کتاب مستند تاریخی حوالوں، نایاب معلومات اور رنگین نقشہ جات سے مزین 496 صفحات پر مشتمل ہے۔
اس کتاب میں مدینہ منورہ کی تاریخ کو تحقیقی، تجزیاتی اور دینی تناظر میں انتہائی سادہ اسلوب سے تحریر کیا گیا ہے۔ اس کتاب کی اشاعت سے پہلے سرور منیر راوٴ کی دو معروف کتب ’’میں نے بغداد جلتے دیکھا‘‘ اور ’’عراق وار‘‘ بھی نیشنل بک فاوٴنڈیشن سے شائع ہو چکی ہیں، جو اپنے وقت کی نہایت مقبول اور معلوماتی کتب ثابت ہوئیں۔
نیشنل بک فاؤنڈیشن کے مینجنگ ڈائریکٹر ڈاکٹر کامران جہانگیر نے اس کتاب کی اشاعت کے حوالے سے بتایا کہ نیشنل بک فاؤنڈیشن سے شائع ہونے والی کتاب ’’مدینہ منورہ تاریخ کے آئینے میں‘‘ اپنی نوعیت کی ایک منفرد کتاب ہے۔
نیشنل بک فاؤنڈیشن جہاں علمی ادبی، سائنسی، مذہبی، تخلیقی، تہذیبی، تحقیقی، مفید اور معلوماتی کتب شائع کر رہا ہے وہیں نیشنل بک فاؤنڈیشن سے وابستہ ان شخصیات کی خدمات، ان کی تخلیقات اور تصانیف عوام کے سامنے لانے میں مصروف عمل ہے جنہوں نے اپنے اپنے شعبوں میں نمایاں کام کیا ہے۔
فاؤنڈیشن کا مشن صرف کتابوں کی اشاعت نہیں بلکہ مطالعے کے کلچر کو فروغ دینا ہے اور ہر خاص وعام تک کتاب کی رسائی کو ممکن بناتا ہے۔
.ذریعہ: Express News
کلیدی لفظ: مدینہ منورہ تاریخ کے آئینے میں نیشنل بک فاؤنڈیشن سرور منیر راوٴ
پڑھیں:
اسٹرینجر تھنگز کا پانچواں سیزن کب ریلیز ہوگا، تاریخ سامنے آگئی
نیٹ فلکس کی مقبول ترین سیریز ’اسٹرینجر تھنگز‘ سیریز کا پانچواں سیزن بھی جلد ریلیز کے لیے تیار ہے جس نے شائقین کا جوش بڑھا دیا ہے صارفین کا کہنا ہے کہ یہ ’اسٹریجر تھنگز‘ کے دوستوں کے ساتھ ایک بار پھر جڑنے کا وقت ہے اور پانچویں سیزن کے آنے سے پہلے پچھلے 4 سیزنز کو دوبارہ دیکھ لیں۔
یہ مقبول سائنس فکشن سیریز بچوں کے گروپ کی داستان بیان کرتی ہے جو اپنی دوستی، ہمت اور قربانی کے جذبے کے ساتھ ڈیماگورگنز اور مائنڈ فلیئرز جیسے خوفناک مخلوقات سے لڑتے ہیں اور خطرناک حالات میں بھی ایک دوسرے کا ساتھ نہیں چھوڑتے۔ ان کے قصبے میں اسرار واقعات رونما ہوتے ہیں اور ایک دوسری دنیا کی موجودگی کا انکشاف ہوتا ہے جسے ’اپ سائیڈ ڈاؤن‘ کہا جاتا ہے۔
یہ سیریز پہلی بار 15 جولائی 2016 کو ریلیز ہوئی، اور فوراً ہی دنیا بھر میں پسند کی جانے لگی۔ اسٹرینجر تھنگز کے اب تک 4 سیزن ریلیز ہو چکے ہیں جبکہ پانچواں سیزن آخری ہوگا جس کا ٹریلر ریلیز کردیا گیا ہے۔
پہلا سیزن 2016 میں ریلیز ہوا تھا جس میں ول بائرز نامی لڑکے کے غائب ہونے اور الیون نامی لڑکی کے پراسرار طور پر نمودار ہونے کے واقعات دکھائے گئے تھے۔
دوسرے سیزن میں ’اپ سائیڈ ڈاؤن‘ کے ہاکنز پر بڑھتے ہوئے اثرات اور نئے خطرات کو دکھایا گیا تھا۔ نو سال پہلے ہی الیون (میلی بوبی براؤن) نے پہلی بار اسکرین پر قدم رکھا جو ایک خاموش مگر طاقتور لڑکی تھی۔ یہ جملے مکمل کرنے میں تو ہچکچاتی تھی، لیکن اسکول کے غنڈوں کو سبق سکھانے میں ذرا دیر نہ لگاتی۔
یہ بھی پڑھیں: نیٹ فلکس بھی مصنوعی ذہانت سے تیار کردہ مناظر استعمال کرنے لگا، کچھ طبقے ناخوش وجہ کیا ہے؟
جبکہ تیسرے سیزن میں ہاکنز میں ایک نئی مال کے کھلنے اور سوویت یونین کی خفیہ سرگرمیوں کو نمایاں کیا گیا۔ چوتھا سیزن کافی زیادہ بڑا تھا، جس میں کئی نئے کرداروں کو متعارف کرایا گیا تھا اور کہانی کو ایک نئے خطرناک موڑ پر لے جایا گیا تھا۔
پانچواں اور آخری سیزن 2025 میں ریلیز ہوگا اور اس کی 8 اقساط کے عنوانات کا اعلان کیا جا چکا ہے۔ اس سیزن میں 1987 کے واقعات دکھائے جائیں گے اور یہ ہاکنز کے باشندوں کی ’اپ سائیڈ ڈاؤن‘ کے خلاف آخری جنگ ہو گی، یہ سیریز اپنی بہترین کہانی، مضبوط اداکاری اور 80 کی دہائی کی نوسٹالجیا کی وجہ سے دنیا بھر میں بے حد مقبول ہوئی ہے۔
اسٹرینجر تھنگز سیریز کا آخری سیزن کا پہلا حصہ 26 نومبر کو ریلیز ہو رہا ہے، دوسرا حصہ کرسمس کے دن یعنی 25 دسمبر کو، اور فائنل اور آخری قسط نئے سال کی شام یعنی 31 دسمبر کو نشر کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹرینجر تھنگز نیٹ فلکس ہالی ووڈ
رانا ثنا اللہ کی مولانا فضل الرحمن سے اہم ملاقات