پاکستانی شہری (کل )پنک مون کا نظارہ کر سکیں گے
اشاعت کی تاریخ: 12th, April 2025 GMT
لاہور(اُردو پوائنٹ اخبارتازہ ترین - این این آئی۔ 12 اپریل2025ء)پاکستانی شہری کل (اتوار) کو پنک مون کا نظارہ کر سکیں گے،پنک مون ہر سال بہار کے آغاز پر نظر آتا ہے۔ رپورٹ کے مطابق یہ مکمل چاند اپنے عروج پر 12 اپریل کو امریکی وقت کے مطابق رات 8 بج کر 23 منٹ پر ہوگا تاہم پاکستان میں یہ چاند 13 اپریل کی رات کراچی میں تقریباً 9:08 بجے رات طلوع ہوگا اور پوری رات آسمان پر جگمگاتا رہے گا۔
(جاری ہے)
ماہرین کا کہنا ہے کہ چاند کو طلوع کے وقت دیکھنا سب سے خوبصورت ہوتا ہے، اس وقت چاند کچھ زیادہ بڑا اور روشن دکھائی دیتا ہیپاکستان میں ناظرین چاند کو مشرقی افق پر سورج غروب ہونے کے فوری بعد دیکھ سکتے ہیں، اور یہ مغرب میں طلوعِ آفتاب تک آسمان پر موجود رہے گا۔اگلا مکمل فلاور مون کے نام سے 12 مئی کو نظر آئے گا۔ 2025 میں مجموعی طور پر 12 مکمل چاند ہوں گے جن میں 3 سپر مونز اور 2 مکمل چاند گرہن بھی شامل ہیں،ان میں سے ایک چاند گرہن 7 اور 8 ستمبر کی درمیانی رات کو کراچی میں بھی دیکھا جا سکے گا۔.ذریعہ: UrduPoint
کلیدی لفظ: تلاش کیجئے
پڑھیں:
جرمنی: ایران کے لیے جاسوسی کے الزام میں ڈنمارک کا شہری گرفتار
اسلام آباد (اُردو پوائنٹ ۔ DW اردو۔ 02 جولائی 2025ء) جرمن استغاثہ نے منگل کو بتایا کہ ڈنمارک کے ایک شہری کو ایران کے لیے جاسوسی کے شبے میں گرفتار کیا گیا ہے۔
استغاثہ کے مطابق اس شخص کا مشتبہ مقصد برلن میںیہودی مقامات اور افراد کے بارے میں معلومات اکٹھا کرنا تھا۔
ہم مبینہ جاسوسی کے بارے میں کیا جانتے ہیں؟استغاثہ کے مطابق، اس شخص نے جون 2025 میں مبینہ طور پر تین یہودی اداروں کی جاسوسی کی، اور اس کے ساتھ ہی ممکنہ طور پر یہودی اہداف پر دہشت گردانہ حملوں کی تیاری کر رہا تھا، جس کے لیے مزید انٹیلیجنس سرگرمیوں میں ملوث تھا۔
کیا جرمنی کو ’مذہبی شدت پسندی‘ سے خطرہ ہے؟
بیان میں ان مخصوص مقامات اور افراد کی وضاحت نہیں کی گئی ہے، حالانکہ جرمن میگزین ڈیر اشپیگل کی ایک رپورٹ میں کہا گیا ہے کہ مشتبہ شخص نے گھروں کی تصاویر لیں، جن میں جرمنی کی ایک اہم تنظیم جرمن-اسرائیلی سوسائٹی (ڈی آئی جی) کا ہیڈکوارٹر بھی شامل ہے جو اسرائیل کے ساتھ تعلقات کو فروغ دیتا ہے۔
(جاری ہے)
رپورٹ میں یہ بھی کہا گیا ہے کہ اس شخص کو پاسداران انقلاب کے بیرون ملک مقیم بازو قدس فورس سے احکامات ملے تھے، جو جرمنی میں دہشت گرد تنظیموں کے طور پر درجہ بند عسکریت پسند گروپوں جیسے حماس اور حزب اللہ کے ساتھ ساتھ یمن میں حوثیوں کی حمایت کرتی ہے۔
دوہری شہریت رکھنے والے جرمن شہری شارمہد کو ایران میں پھانسی دے دی گئی
استغاثہ کا کہنا تھا کہ اس شخص کو جرمن دارالحکومت میں "ایک ایرانی انٹیلی جنس سروس سے یہودی علاقوں اور مخصوص یہودی افراد کے بارے میں معلومات اکٹھی کرنے کا حکم ملا تھا"۔
جرمن رازداری کے قانون کے مطابق، اس شخص کی شناخت صرف علی ایس کے نام سے ہوئی ہے۔ استغاثہ کے مطابق، اس کی گرفتاری ڈنمارک کے شہر آرہس میں مقامی پولیس کے تعاون سے عمل میں آئی۔
ایرانی سفارت خانے نے ابھی تک ان الزامات پر کوئی ردعمل ظاہر نہیں کیا ہے۔
جرمنی میں یہودی مقامات کی سکیورٹی کی صورتحالجب کہ ایران اور اسرائیل کے درمیان جنگ بندی جاری ہے، مغربی انٹیلیجنس ایجنسیوں کا خیال ہے کہ ایران اب بھی مغربی ممالک میں یہودی اور اسرائیلی اہداف کے خلاف حملے کرنے کی کوشش کر رہا ہے۔
جرمنی کا کالعدم تنظیم کے ایرانی سربراہ کو ملک چھوڑنے کا حکم
جرمنی میں، جہاں حملوں کے خدشے کی وجہ سے اکثر یہودی مقامات کی پولیس کی مسلسل حفاظت کی جاتی ہے، اسرائیل اور ایران کے درمیان جنگ شروع ہونے کے بعد سکیورٹی کو مزید مستحکم کیا گیا ہے۔
جرمنی اسرائیل کے قریبی اتحادیوں میں سے ایک ہے جبکہ ایران کے ساتھ اس کے تعلقات کافی کشیدہ ہیں۔
اکتوبر 2024 میں، ایران کی جانب سے ایرانی جرمن قیدی جمشید شارمہد کو پھانسی دینے کے جواب میں جرمنی میں تینوں ایرانی قونصل خانے بند کر دیے گئے، جس کے بعد برلن میں ایرانی سفارت خانہ ملک میں تہران کی واحد سرکاری نمائندگی کے دفتر کے طور پر رہ گیا۔
ادارت: صلاح الدین زین
’اپنا میٹر، اپنی ریڈنگ‘ ایپ متعارف، پاکستان میں صارفین کو کیا فائدہ ہوگا؟