لیبیا میں تارکین وطن کی کشتی ڈوبنے سے 11 افراد جاں بحق، 4 پاکستانی شامل
اشاعت کی تاریخ: 15th, April 2025 GMT
اسلام آباد:
لیبیا میں تارکین وطن کی ایک اور کشتی ڈوب گئی ہے، حادثے میں گیارہ نعشیں نکال لی گئی ہیں،جن میں سے چار کی پاکستانیوں کے طور پر شناخت کر لی گئی ہے۔
لیبیا میں پاکستانی سفارتخانے کی جانب سے وزارت خارجہ کو بھیجی گئی ایک رپورٹ میں بتایا گیا ہے کہ لیبیا کے مشرقی علاقے میں سیریت شہر کے قریب ہراوا کوسٹ میں کشتی کو حادثہ12اپریل کو پیش آیا۔
حادثے کے مقام سے اب تک گیارہ نعشیں نکالی جاچکی ہیں جن میں سے چار پاکستانیوں کی ہیں۔ پاکستانی سفارتخانے کی ایک ٹیم نے سیریت شہر کا دورہ کر کے واقعہ کی معلومات حاصل کیں اور قومی دستاویزات سے چار نعشوں کی پاکستانیوں کے طور پر شناخت کر لی ہے۔
ان میں سے تین کا تعلق منڈی بہاؤالدین اور ایک کا گوجرانوالہ سے ہے۔ رپورٹ کے مطابق زاہد محمود ولد لیاقت علی کا تعلق گوجرانوالہ جبکہ سمیر علی ولد راجہ عبدالقدیر،سید علی حسین ولد شفقت الحسنین اورآصف علی ولد نذرمحمد کا تعلق منڈی بہاوالدین سے ہے۔ اس کے علاوہ دو نعشوں کی تاحال شناخت نہیں ہو سکی،پانچ نعشیں مصری شہریوں کی ہیں۔
پاکستانی سفارتخانہ حادثے کے متعلق مزید معلومات کیلئے مقامی حکام سے رابطے میں ہے۔
.ذریعہ: Express News
پڑھیں:
برطانیہ‘ غیر قانونی تارکین وطن کیخلاف کارروائیاں‘ 8 ہزار سے زائد گرفتار
data-id="863a0a8" data-element_type="widget" data-widget_type="theme-post-content.default">
برطانیہ‘ غیر قانونی تارکین وطن کیخلاف کارروائیاں‘ 8 ہزار سے زائد گرفتار
لندن: برطانیہ میں غیر قانونی تارکین وطن کے خلاف بڑے پیمانے پر کریک ڈاو¿ن کا سلسلہ جاری ہے۔
عالمی میڈیا کی رپورٹ کے مطابق برطانیہ میں اعلیٰ حکام کی جانب سے غیر قانونی تارکین وطن کے خلاف بڑے پیمانے پرکریک ڈاو¿ن کا سلسلہ جاری ہے۔ جس میں کارروائی کے دوران 8 ہزار سے زائد غیر قانونی تارکین وطن کو حراست میں لے لیا گیا ہے جبکہ 1 ہزار سے زائد غیر قانونی مقیم شہریوں کو ملک بدر کردیا گیا ہے۔ حکام کا کہنا ہے کہ شمالی آئرلینڈ میں غیر قانونی طور پر کام کرنے والے 200 سے زائد افراد کو گرفتار کیا جا چکا ہے۔ برطانوی وزیر داخلہ شبانہ محمود نے ایک بیان میں کہا ہے کہ ملکی سرحدوں کی حفاظت کے لیے ہر ممکن اقدامات کرنے کی کوشش کریں گے۔ یہ بات بھی علم میں رہے کہ گزشتہ دنوں لندن میں افغان تارک وطن نے چاقو سے حملہ کر کے ایک شخص کو ہلاک اور 2 کو زخمی کردیا تھا۔
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر