سندھ بلڈنگ ،انہدامی کارروائیاں صرف وسطی تک محدود، باقی علاقوں کو چھوٹ
اشاعت کی تاریخ: 15th, April 2025 GMT
اسحاق کھوڑو کی شرقی میں تعمیرات پر دانستہ چشم پوشی، آصف رضوی ریٹائرمنٹ سے قبل بے قابو
جمشید روڈ نمبر 1کے رہائشی پلاٹ نمبر 627پر تجارتی مقاصد کے لئے تعمیرات کی مکمل آزادی
رہائشی پلاٹوں پر کمرشل تعمیرات سے پانی و سیوریج کے مسائل میں اضافہ ہونا شروع ہو گیا، شہری
سندھ بلڈنگ کنٹرول اتھارٹی میں رائج کھوڑو سسٹم نے انہدام اور پکڑ دھکڑ کا سلسلہ صرف وسطی تک ہی محدود کر رکھا ہے جبکہ باقی چھ اضلاع میں ناجائز تعمیرات کی مکمل چھوٹ دی جارہی ہے۔ بدعنوان ڈائریکٹر آصف رضوی ریٹائرمنٹ سے قبل مال سمیٹنے میں سرگرم دکھائی دیتے ہیں۔ خطیر رقوم بٹورنے کے بعد رہائشی پلاٹوں پر تجارتی مقاصد کے لئے ناجائز تعمیرات کی مکمل چھوٹ دے رکھی ہے جس کا اندازہ اس بات سے بآسانی لگایا جا سکتا ہے کہ ضلع شرقی کے علاقے جمشید ٹاؤن نمبر 1کے رہائشی پلاٹ نمبر 627 نواب اسماعیل خان روڈ پر کمرشل تعمیرات کی مکمل آزادی دے دی گئی ہے دلچسپ امر یہ ہے کہ جاری غیر قانونی دھندوں پر ڈی جی اسحاق کھوڑو نے دانستہ چشم پوشی اختیار کر رکھی ہے۔ سروے کے دوران شمشاد نامی شخص نے جرأت کو بتایا کہ رہائشی پلاٹوں پر کمرشل تعمیرات سے علاقے میں پانی اور سیوریج کے بنیادی مسائل میں اضافہ ہونا شروع ہو چکا ہے ۔جاری تعمیرات پر موقف لینے کے لئے ڈی جی اسحاق کھوڑو سے رابطہ کرنے کی کوشش کی گئی مگر رابطہ ممکن نہ ہو سکا۔
.ذریعہ: Juraat
کلیدی لفظ: تعمیرات کی مکمل
پڑھیں:
چھبیس ستمبر تک پلاٹوں کی قرعہ اندازی نہ کی گئی تو مزدور یونین احتجاجی تحریک کا آغاز کرے گی: چوہدری محمد یٰسین
چھبیس ستمبر تک پلاٹوں کی قرعہ اندازی نہ کی گئی تو مزدور یونین احتجاجی تحریک کا آغاز کرے گی: چوہدری محمد یٰسین WhatsAppFacebookTwitter 0 16 September, 2025 سب نیوز
اسلام آباد(آئی پی ایس )سی ڈ ی اے انتظامیہ سپریم کورٹ اور ہائی کورٹ کے واضح احکامات کے باوجود ملازمین کے پلاٹوں کی قرعہ اندازی نہیں کر رہی جس کی وجہ سے ملازمین میں سخت بے چینی پائی جارہی ہے،سی ڈی اے مزدور یونین مذاکرات پر یقین رکھتی ہے اور پلاٹوں کے معاملے پر انتظامیہ کے ساتھ مذاکرات کے لیے تیار ہے لیکن 26ستمبر تک اگر ملازمین کے پلاٹوں کی قرعہ اندازی نہ کی گئی تو سی ڈی اے مزدور یونین ڈائریکٹوریٹ سطح پر احتجاجی تحریک کا آغاز کرے گی،
ان خیالات کا اظہار سی ڈی اے مزدور یونین کے جنرل سیکرٹری چوہدری محمد یٰسین نے چیئرمین آفس کے باہرمنعقدہ احتجاجی جلسے سے خطاب کرتے ہوئے کیا جس میں سی ڈ ی اے کی تمام ڈائریکٹوریٹس کے ہزاروں ملازمین نے بھرپور شرکت کی،چوہدری محمد یٰسین نے کہا کہ اسلام آباد جو بین الاقوامی سطح کا خوبصورت شہر ہے اس کوسی ڈی اے کے ملازمین نے اپنے خون اور پسینے سے تعمیر کیا ہے لیکن بدقسمتی سے ان ملازمین کو جو ان کا بنیادی حق ہے عدالتوں کے فیصلوں کے باوجود اس سے محروم کیا جا رہا ہے،سی ڈی اے مزدور یونین ادارے کی نمائندہ تنظیم ہے جو پانچویں دفعہ منتخب ہو کر آئی ہے اور ہم نے اپنے دور میں سی ڈی اے ملازمین کو بے شمارمراعات دلوائیں ہیں،2006میں سی ڈی اے ملازمین کو ہزاروں پلاٹ الاٹ کروائے اور مزید 4000پلاٹوں کی منظوری کروائی اور 30اپریل 2011کو پلاٹوں کی قرعہ اندازی کی تاریخ مقررکروائی لیکن ہمارے مخالفین نے عدالتوں سے حکم امتناعی لے لیا اورآج ایک دفعہ پھرچودہ سال بعد مزدوروں کے حق میں پلاٹوں کا فیصلہ آیا ہے لیکن سی ڈی اے انتظامیہ سپریم کورٹ اور اسلام آباد ہائی کورٹ کے واضح احکامات کے باوجودسی ڈی اے ملازمین کوپلاٹ الاٹ کرنے سے قاصر ہے اور عدم دلچسپی کا مظاہرہ کر رہی ہے جس پر ادارے کے ہزاروں ملازمین احتجاج کرنے پر مجبورہیں،
چوہدری محمد یٰسین نے کہا کہ سی ڈی اے ملازمین ادارے کی ترقی اور اسلام آباد کی تعمیر میں ریڑھ کی ہڈی کی حیثیت رکھتے ہیں، مگر ان کے حقوق کی راہ میں مسلسل رکاوٹیں ڈالی جا رہی ہیں جس پر ہم چیئرمین سی ڈی اے،بورڈ ممبران اور سی ڈی اے انتظامیہ سے مطالبہ کرتے ہیں کہ عدالتوں کے احکامات کی روشنی اور مزدور یونین کے ساتھ طے شدہ معاہدے کے تحت سی ڈی اے ملازمین کو جلد پلاٹ الاٹ کیے جائیں اور ملازمین کے دیگر مطالبات کو فوری طور پر حل کیا جائے،
اس موقع پر احتجاجی جلسے میں شریک ملازمین نے پلاٹوں کے حصول کے لیے نعرے بازی کی اوراپنے قائد چوہدری محمد یٰسین کو یقین دلا یا کہ وہ پلاٹوں کے حصول کے لیے جو بھی لائحہ عمل کااعلان کریں گے تمام ملازمین ان کے شانہ بشانہ ہونگے،احتجاجی جلسے سے مزدور یونین کے صدراورنگزیب خان،راجہ شاکر زمان کیانی،حاجی صابر،مرزاسعیداختر،ملک عاصم،اظہارعباسی،اظہر خان تنولی،چوہدری زاہد احمد،وارث دلیپ،زاہد بھٹی،ساجد رشید،قاری شیر عالم سیالوی،چوہدری واجد گجر و دیگرنے بھی خطاب کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرتاریخ میں پہلی بار 2600 ارب روپے قرض قبل ازوقت واپس کیا گیا، ترجمان وزارت خزانہ بھارت جنگ ہار گیا، کرکٹ کے میدان میں ہاتھ نہ ملانے کا مقصد خفت مٹانا ہے: عطا تارڑ جسٹس طارق محمود جہانگیری کی مبینہ جعلی ڈگری کیس میں بڑی پیشرفت وزیراعظم کی ایرانی صدر سے ملاقات،امت مسلمہ کے اتحاد پر زور کابینہ ڈویژن نے نیا توشہ خانہ ریکارڈ جاری کردیا ،تحائف کی مکمل فہرست سب نیوز پر دستیاب پنجاب میں مون سون کا 11واں اسپیل، کن شہروں میں بارش کا امکان؟ اسلام آباد ہائی کورٹ کا سی ڈی اے کو (ایچ-16 )ایوارڈ پر کام سے روکنے کا حکمCopyright © 2025, All Rights Reserved
رابطہ کریں ہماری ٹیم
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ