بشریٰ انصاری لیجنڈ ہیں، ان کی عزت ہونی چاہیے: ڈکی بھائی کے بیان پر نعمان حبیب کا ردعمل
اشاعت کی تاریخ: 16th, April 2025 GMT
ڈکی بھائی کے بیان پر نعمان حبیب نے ردِعمل دیتے ہوئے کہا ہے کہ بشریٰ انصاری ایک لیجنڈ ہیں، ان کی عزت ہونی چاہیے۔
معروف اداکار نعمان حبیب نے یوٹیوبر ڈکی بھائی اور سینئر اداکارہ بشریٰ انصاری کے درمیان پیدا ہونے والے تنازع پر کھل کر گفتگو کی اور بشریٰ انصاری کے حق میں آواز بلند کی۔
یہ تنازع اس وقت شدت اختیار کر گیا جب ڈکی بھائی (سعد الرحمٰن) کو ایک وائرل ویڈیو کلپ دکھایا گیا جس میں بشریٰ انصاری یوٹیوبرز کی شہرت کو ناپسند کرتے ہوئے کہہ رہی تھیں کہ وہ ان کی فیم کو سمجھ نہیں پاتیں، جواب میں ڈکی بھائی نے اداکاروں کو اِن سیکیور قرار دے دیا اور کہا کہ بشریٰ انصاری کو جانتا تک نہیں۔
ڈکی بھائی کا یہ بیان وائرل ہوا اور انٹرنیٹ پر اس کا خوب چرچہ ہوا، اسی سے متعلق نعمان حبیب نے بھی ردعمل دیا جو لوگوں کی توجہ کا مرکز بن گیا۔
نعمان حبیب نے ایک پوڈکاسٹ میں گفتگو کرتے ہوئے کہا کہ میں ڈکی بھائی کی عزت کرتا ہوں، وہ اس ملک میں اپنی محنت سے مقام حاصل کر چکے ہیں، لیکن یہ کہنا کہ وہ بشریٰ انصاری کو جانتے ہی نہیں، میرے لیے حیران کن ہے، وہ بالغ اور سمجھ دار ہیں، انہوں نے ضرور بچپن میں بشریٰ جی کو ٹی وی پر دیکھا ہو گا۔
نعمان نے بتایا کہ بشریٰ انصاری نے میری زندگی میں بھی مثبت کردار ادا کیا ہے، وہ ایک نایاب شخصیت ہیں، انہوں نے اس وقت میری مدد کی جب میں گھر پر فارغ بیٹھا تھا، وہ دل کی بہت بڑی ہیں اور فن کے لیے ان کی خدمات ناقابلِ فراموش ہیں۔
انہوں نے مشورہ دیا کہ اختلافِ رائے اپنی جگہ مگر شائستگی کا دامن ہاتھ سے نہیں چھوڑنا چاہیے، ڈکی بھائی کو اپنے الفاظ کا چناؤ بہتر رکھنا چاہیے تھا، اختلاف ہو سکتا ہے مگر کسی کی عزت کو مجروح نہیں کرنا چاہیے۔
نعمان حبیب نے فنکاروں کی محنت پر بھی روشنی ڈالی اور کہا کہ اداکار روزانہ 12، 12 گھنٹے کام کرتے ہیں، کئی بار شدید گرمی، بارش یا بیماری میں بھی کام کرتے ہیں، اس محنت کی قدر ہونی چاہیے، ہر وقت تنقید، مذاق یا تضحیک کی فضا نہیں ہونی چاہیے، کچھ لمحوں کے لیے خاموشی اور عزت دینا بھی ضروری ہے۔
نعمان حبیب کا یہ بیان سوشل میڈیا صارفین کے درمیان پزیرائی حاصل کر رہا ہے اور بہت سے لوگوں نے ان کے مؤقف کو سراہا ہے۔
Post Views: 3.ذریعہ: Daily Mumtaz
کلیدی لفظ: ہونی چاہیے ڈکی بھائی کی عزت
پڑھیں:
190ملین پاؤنڈ؛ عمران، بشریٰ کو سزا سنانے والے جج کی تعیناتی کیخلاف درخواست سماعت کیلئے مقرر
اسلام آباد(ڈیلی پاکستان آن لائن)اسلام آباد ہائی کورٹ نے 190 ملین پاؤنڈ نیب کیس میں بانی پی ٹی آئی اور بشریٰ بی بی کو سزا سنانے والے جج ڈسڑکٹ اینڈ سیشن جج ناصر جاوید رانا کی تعیناتی کے خلاف درخواست نومبر کے دوسرے ہفتے میں سماعت کے لیے مقرر کرنے کی ہدایت کر دی۔
نجی ٹی وی چینل ایکسپریس نیوز کے مطابق چیف جسٹس سردار سرفراز ڈوگر نے ریمارکس دیئے کہ اس کیس کو نومبر کے دوسرے ہفتے میں سنیں گے، آج میری طبیعت ٹھیک نہیں ہے۔
اسلام آباد ہائیکورٹ کے چیف جسٹس سردار سرفراز ڈوگر نے درخواست گزار اسامہ ریاض کی جج ناصر جاوید رانا کی تعیناتی کے خلاف کیس جلد سماعت کے لیے مقرر کرنے متفرق درخواست پر سماعت کی۔
کشمیر کاذ کے لئے پوری قوم یکجا ہے ، شہباز حسین چوہدری
چیف جسٹس نے درخواست گزار کے وکیل ریاض حنیف راہی سے استفسار کیا کہ یہ معاملہ کیا ہے اور کیا یہ 2004 کا آرڈر ہے؟ جس پر ریاض حنیف راہی ایڈووکیٹ نے مؤقف اپنایا کہ سپریم کورٹ کے 19 اکتوبر 2004ء کے فیصلے میں ناصر جاوید رانا کو جوڈیشل سروس کے لیے اَن فٹ قرار دیا گیا تھا۔ اس لیے بطور جج انکی تعیناتی غیر قانونی ہے۔
وکیل نے کہا کہ یہ معاملہ مرحوم وہاب الخیری صاحب کے کیس سے متعلق ہے، اگر وہ زندہ ہوتے تو اس فیصلے پر ضرور پہرہ دیتے، اس لیے انہوں نے پٹیشن دائر کی۔
چیف جسٹس سرفراز ڈوگر نے ریمارکس دیے کہ اسے نومبر کے دوسرے ہفتے میں سنیں گے، آج میری طبیعت ٹھیک نہیں ہے۔
حاکم دبئی شیخ محمد بن راشد المکتوم کی بزرگ خاتون کو راستہ دینے کی ویڈیو وائرل
درخواست میں مؤقف اپنایا گیا ہے کہ ناصر جاوید رانا کو کام سے روکا جائے اور ان کی تعیناتی کا نوٹیفکیشن کالعدم قرار دیا جائے۔
مزید کہا گیا ہے کہ اگر درخواست کا فیصلہ ہونے سے پہلے وہ ریٹائر ہو چکے ہوں تو 14 دسمبر 2022 کے بعد حاصل کی گئی تمام مراعات اور واجبات واپس لیے جائیں، اور انہیں کسی بھی پینشن یا دیگر فوائد کا حق دار نہ قرار دیا جائے۔
عدالت نے کیس نومبر کے دوسرے ہفتے کے لیے مقرر کرنے کی ہدایت کرتے ہوئے سماعت ملتوی کر دی۔
مزید :
چین-آسیان فری ٹریڈ ایریا 3.0 اپ گریڈ پروٹوکول پر باضابطہ دستخط ہو گئے