کراچی میں سی ٹی ڈی کی کارروائی، کالعدم تنظیم کا دہشتگرد گرفتار
اشاعت کی تاریخ: 16th, April 2025 GMT
ملزم کراچی و اندرون سندھ میں واقع حساس مقامات کی ریکی کر کے اپنے دیگر ساتھیوں کو بتاتا تھا۔ اسلام ٹائمز۔ سی ٹی ڈی سندھ نے کراچی میں سچل کے علاقے میں کارروائی کرتے ہوئے ہوئے کالعدم تنظیم ایس آر اے سے تعلق رکھنے والا دہشتگرد کو گرفتار کرکے اس کے قبضے سے غیر قانونی اسلحہ برآمد کرلیا۔ تفصیلات کے مطابق سی ٹی ڈی سندھ نے سچل تھانے کے علاقے میں واقع پولیس ہاوٌسنگ سوسائٹی اسکیم 33 میمن قبرستان کے قریب انفارمیشن بیسڈ کارروائی کرتے ہوئے کالعدم تنظیم ایس آر اے سے تعلق رکھنے والے دہشتگرد سجاد شر عرف ببلو کو گرفتار کرکے اس کے قبضے سے غیر قانونی اسلحہ برآمد کرلیا۔ ترجمان سی ٹی ڈی سندھ کے مطابق گرفتار ملزم ایس آر اے کے کمانڈر اصغر علی شاہ اور نور احمد چانڈیو کا قریبی ساتھی ہے۔ گرفتار ملزم اس سے قبل بھی قتل، اقدام قتل اور دھماکا خیز مواد کے مقدمات میں گرفتار ہو چکا ہے۔
گرفتار ملزم ایس آر اے کے کمانڈر سے ہدایت لیکر دیگر کارکنان غلام شبیر ملاح اور بشیر شر تک پہنچاتا تھا۔ ملزم نوجوان لڑکوں کو ایس آر اے میں شمولت اور پارٹی اجتماعات میں شرکت کی ترغیب دیتا تھا۔ ملزم کراچی و اندرون سندھ میں واقع حساس مقامات کی ریکی کر کے اپنے دیگر ساتھیوں کو بتاتا تھا۔ گرفتار ملزم ایس آر اے کمانڈر کی ہدایت پر گاؤن بوہر ضلع حیدرآباد کے قریب ریلوے ٹریک پر آئی ای ڈی دھماکے کی منصوبہ بندی کر رہا تھا اور آئی ای ڈی کی ترسیل کا منتظر تھا۔ ملزم سے کالعدم تنظیم سے وابستہ دیگر گردوں کی معلومات حاصل کی جا رہی ہیں۔ ملزم کے خلاف سی ٹی ڈی میں مقدمہ درج کرکے تفتیش شروع کر دی گئی۔
ذریعہ: Islam Times
کلیدی لفظ: گرفتار ملزم ایس ا ر اے سی ٹی ڈی
پڑھیں:
پیپلز پارٹی سندھ کے عوام کے ساتھ دھوکہ کرکے پیٹھ میں چھرا گھونپ رہی ہے، ایاز لطیف پلیجو
احتجاجی ریلی سے خطاب کرتے ہوئے سربراہ قومی عوامی تحریک نے کہا کہ سندھ کے دیہی علاقوں میں صنعتیں نہیں لگیں گی، یہ پاکستان کے مفاد میں نہیں، صنعتیں لاہور میں لگیں گی، یہ ملک کے مفاد میں ہیں، اگر پنجاب میں ڈیم بنتا ہے تو یہ ملک کے مفاد میں ہے، اگر سندھ میں بیراج بنتا ہے تو یہ ملک کے مفاد میں نہیں ہے۔ اسلام ٹائمز۔ قومی عوامی تحریک کے سربراہ ایاز لطیف پلیجو نے کہا ہے کہ پیپلزپارٹی سندھ کے عوام کے ساتھ دھوکہ کر کے پیٹھ میں چھرا گھونپ رہی ہے، کینالز بھی بن رہے ہیں لاکھوں ایکڑ زمین بھی دے دی گئی ہے، عوام کے پاس اب صرف احتجاج اور مزاحمت کا راستہ بچا ہے، حکمران سندھ کے عوام کو جھوٹے وعدے اور دلاسے دے کر دریائے سندھ پر نہریں بنا رہے ہیں، حکمران سندھ کے عوام کو بے وقوف بنانے کے لیے واہ، واہ، مبارک ہو کے صدائیں لگا کر جشن منا رہے ہیں، ان کے پیچھے نہروں پر کام جاری ہے۔ ان خیالات کا اظہار انہوں نے بدین میں اللہ والا چوک سے بدین پریس کلب تک نکالی جانے والی ریلی کے شرکا کے بڑے عوامی اجتماع سے خطاب کرتے ہوئے کیا۔
ایاز لطیف پلیجو نے کہا کہ سندھیوں کو دھوکہ دیا کیا گیا ہے، حکمران سندھ کے عوام کو جھوٹے واعدے اور دلاسے دے کر دریائے سندھ پر نہریں بنا رہے ہیں اور سندھ کی لاکھوں ایکڑ اراضی زمین کو تین وال کر رہے ہیں جبکہ سندھ کے پیروں تلے زمین نکل رہی ہے لیکن حکمران سندھ کے عوام کو بے وقوف بنانے کے لیے واہ، واہ، مبارک ہو کے صدائیں لگا کر جشن منا رہے ہیں، ان کے پیچھے نہروں پر کام جاری ہے اور سندھ کی زمینیں کارپوریٹ فارمنگ کے نام پر الاٹ کی جارہی ہیں۔ ایاز لطیف پلیجو کہا کہ سندھیو، میدان میں نکلو، ڈرامے کرنے والوں کو مسترد کرو، جدوجہد کا ایک طریقہ ہے، سڑکوں، گلیوں اور مرکزی سڑکوں پر مسلسل چلتے رہیں، کسی ڈرامے یا فریب کا شکار نہ ہوں، کسی بھی جھوٹی خبر کو جانچے بغیر اس پر عمل نہ کریں۔
ایاز لطیف پلیجو نے کہا کہ سندھ میں بارش کے پانی کو ذخیرہ کرنے کے لیے کوئی ڈیم نہیں بنایا، بلوچستان سے آنے والے سیلابی پانی کو اکٹھا کرکے سندھ کے لوگوں کو دیا جائے، سندھ کے مختلف اضلاع میں وفاقی یونیورسٹیاں نہیں بن رہیں، سندھ میں روزگار کے مواقع نہیں، لیپ ٹاپ بھی لاہور کے طلبہ کے لیے ہیں، الیکٹرک موٹر سائیکلیں بھی لاہور کے طلبہ کے لیے ہیں، پنجاب میں اورسیز پاکستانیوں کے لیے پروگرام سیٹ اپ ہوں گے، سندھ کے کوٹری، گھوٹکی، دھابیچی اور نوری آباد کی صنعتیں بند ہوں گی، سندھ کے دیہی علاقوں میں صنعتیں نہیں لگیں گی، یہ پاکستان کے مفاد میں نہیں، صنعتیں لاہور میں لگیں گی، یہ ملک کے مفاد میں ہیں، اگر پنجاب میں ڈیم بنتا ہے تو یہ ملک کے مفاد میں ہے، اگر سندھ میں بیراج بنتا ہے تو یہ ملک کے مفاد میں نہیں ہے۔
اہم شعبے نظرانداز، برآمدات میں اضافے کا موقع ضائع کردیا گیا، پی آر اے سی کی بجٹ پر تنقید