بیلاروس میں پاکستانی کارکنوں کی ممکنہ آمد پر لیٹویا کی جانب سے اعتراض سامنے آ گیا
اشاعت کی تاریخ: 16th, April 2025 GMT
لیٹویا کے وزیر داخلہ رچرڈز کوزلووسکس نے کہا ہے کہ بیلاروس میں پاکستانی شہریوں کی بڑی تعداد میں ممکنہ آمد سے ان کے ملک کی سرحد پر خطرات پیدا ہو جائیں گے۔ اسلام ٹائمز۔ لیٹویا کے وزیر داخلہ رچرڈز کوزلووسکس نے کہا ہے کہ بیلاروس میں پاکستانی شہریوں کی بڑی تعداد میں ممکنہ آمد سے ان کے ملک کی سرحد پر خطرات پیدا ہو جائیں گے۔ انھوں نے بیلاروسی رہنما الیگزینڈر لوکاشینکو کی طرف سے 150,000 پاکستانی کارکنوں کو ملک میں مدعو کرنے کی حالیہ تجویز پر اپنا ردعمل دیا ہے۔ رپورٹ کے مطابق رچرڈز کوزلووسکس نے کہا کہ اگرچہ یہ صرف ایک تجویز تھی مگر بالٹک ریاستوں اور پولینڈ کو اب بھی چوکنا رہنا چاہیے کیونکہ بیلاروس اور روس پاکستانیوں کو مغربی پڑوسیوں کے خلاف اپنی ہائبرڈ جنگ میں استعمال کر سکتے ہیں۔ انھوں نے یاد دلایا کہ بیلاروس کے ساتھ سرحد پر لاتگیل کے علاقے میں مضبوط سرحدی حفاظتی اقدامات موجود ہیں اور مشرقی لیٹویا میں سرحد پر انفراسٹرکچر کی تعمیر جاری ہے۔
.ذریعہ: Islam Times
کلیدی لفظ: کہ بیلاروس
پڑھیں:
روز ویلٹ ہوٹل نجکاری، شہریت یافتہ کمپنی کا مشیر کی ذمہ داری سے دستبرداری کا فیصلہ
اسلام آباد:وفاقی حکومت کی جانب سے روزویلٹ ہوٹل کی نجکاری کے لیے مقرر کی گئی مالیاتی مشیر عالمی شہرت یافتہ رئیل اسٹیٹ سروسز فرم جونز لینگ لاسالے نے مفادات کے ممکنہ تصادم کے باعث اس ذمہ داری سے دستبردار ہونے کا فیصلہ کیا ہے۔
نج کاری کمیشن کے مطابق روزویلٹ ہوٹل کی نجکاری کے لیے مالیاتی مشیر کے طور پر خدمات انجام دینے والی عالمی شہرت یافتہ رئیل اسٹیٹ سروسز فرم "جونز لینگ لاسالے" (جے ایل ایل)نے مفادات کے ممکنہ تصادم کے باعث اس ذمہ داری سے دستبردار ہونے کے فیصلے سے باضابطہ طور پر آگاہ کردیا ہے۔
جے ایل ایل نے اپنی خط و کتابت میں کمیشن کو آگاہ کیا ہے کہ وہ دوران خدمات حاصل کی گئیں تمام رقوم واپس کرنے کے لیے تیار ہے۔
واضح رہے کہ جے ایل ایل کو جنوری 2024 میں ایک مسابقتی عمل کے ذریعے روزویلٹ ہوٹل نیویارک کی ممکنہ نج کاری پر حکومت پاکستان کو مشورہ دینے کے لیے مقرر کیا گیا تھا اور اپنی ذمہ داری کے دوران جے ایل ایل نے ہوٹل کی جانچ پڑتال مکمل کی اور بین الاقوامی معیار اور مارکیٹ کی صورت حال کو مدِنظر رکھتے ہوئے متعدد ممکنہ نج کاری ماڈلز پر مشتمل رپورٹس بھی تیار کیں۔
جے ایل ایل کے مطابق نیویارک سٹی کے ساتھ روزویلٹ ہوٹل کی لیز معاہدے کی منسوخی کے بعد ان کے متعدد کلائنٹس نے ہوٹل میں گہری دلچسپی ظاہر کی، جس کے باعث فرم ایک ممکنہ تضاد مفادات کی صورت حال سے دوچار ہو گئی۔
کمپنی نے کہا کہ اس صورت حال کو مدنظر رکھتے ہوئے جے ایل ایل نے اس ذمہ داری سے الگ ہونے کا فیصلہ کیا تاکہ کسی بھی حقیقی یا تاثر پر مبنی مفاداتی ٹکراؤ سے بچا جا سکے۔
نج کاری کمیشن نے اس اہم پیش رفت کا نوٹس لیتے ہوئے فوری طور پر نئے مالیاتی مشیر کی تقرری کا عمل تیز رفتاری سے شروع کرنے کا اعلان کیا ہے تاکہ روزویلٹ ہوٹل کی نج کاری کا عمل شفاف اور مسابقتی انداز میں جاری رکھا جا سکے اور پہلے سے مکمل شدہ تیاریوں کی بنیاد پر آگے بڑھا جا سکے۔
دوسری جانب حکومتِ پاکستان اور پرائیویٹائزیشن کمیشن نے اس عزم کا اعادہ کیا ہے کہ روزویلٹ ہوٹل کی جاری نج کاری کا عمل جلد از جلد تمام قانونی تقاضوں کو مدنظر رکھتے ہوئے مکمل کیا جائے گا۔
بھارتی کرکٹ بوورڈ کو250کروڑ نقصان کاخدشہ