لاہور، غزہ میں اسرائیلی بربریت کیخلاف لاہور کی تاجروں کی آج شٹر ڈاون ہڑتال
اشاعت کی تاریخ: 17th, April 2025 GMT
فلسطین میں مسلمانوں پر ہونیوالے مظالم کیخلاف لاہور کی ہال روڈ مارکیٹ، انار کلی بازار، اردو بازار، اعظم کلاتھ مارکیٹ اور اندرون شہر کی مارکیٹیں مکمل بند ہیں جبکہ بادامی باغ آٹو پارٹس مارکیٹ انتظامیہ نے مارکیٹیں معمول کے مطابق کھولنے کا اعلان کیا ہے۔ اسلام ٹائمز۔ غزہ میں اسرائیلی بربریت کیخلاف لاہور کی تاجر برادری کی جانب سے آج پورے شہر میں ہڑتال کی جا رہی ہے۔ فلسطین میں مسلمانوں پر ہونیوالے مظالم کیخلاف لاہور کی ہال روڈ مارکیٹ، انار کلی بازار، اردو بازار، اعظم کلاتھ مارکیٹ اور اندرون شہر کی مارکیٹیں مکمل بند ہیں جبکہ بادامی باغ آٹو پارٹس مارکیٹ انتظامیہ نے مارکیٹیں معمول کے مطابق کھولنے کا اعلان کیا ہے۔ اس کے علاوہ پاکستان گڈز ٹرانسپورٹرز ایسوسی ایشن کی جانب سے بھی ہڑتال کی جا رہی ہے۔
ذریعہ: Islam Times
کلیدی لفظ: کیخلاف لاہور کی
پڑھیں:
اسرائیلی جنگی جرائم کیخلاف پرزور احتجاج کرنیوالے جاپانی "تاریخ کی درست سمت" میں کھڑے ہیں، صارفین
سائبر صارفین نے قابض و سفاک اسرائیلی رژیم کیخلاف پرزور احتجاج کرنیوالے جاپانی شہریوں کی تعریف کرتے ہوئے انہیں "تاریخ کی درست سمت میں" قرار دیا ہے! اسلام ٹائمز۔ برطانیہ، یورپ و وسطی ایشیا سمیت دنیا بھر کے متعدد ممالک سے تعلق رکھنے والے سائبر صارفین نے جاپان میں منعقدہ اسرائیل مخالف احتجاج میں بھرپور شرکت کرنے پر جاپانی شہریوں کا شکریہ ادا کیا ہے۔ سائبر صارفین نے قابض و سفاک اسرائیلی رژیم کیخلاف پرزور احتجاج کرنیوالے جاپانی شہریوں کو "تاریخ کی درست سمت میں" قرار دیتے ہوئے اس بات کی جانب بھی اشارہ کیا کہ غزہ میں اسرائیلی جنگی جرائم نے دنیا بھر کے لوگوں کو اس قابض رژیم کے خلاف پہلے کسی بھی زمانے سے بڑھ کر متحد کیا ہے جبکہ اس طرح کے احتجاجی اقدامات فلسطین کی آزادی تک مختلف شکلوں میں جاری رہنے چاہئیں۔
واضح رہے کہ 2 ہفتے قبل جاپانی شہر چیبا میں دفاعی و حفاظتی سازوسامان کی بین الاقوامی نمائش (DSEI) کے انعقاد کے موقع پر، غزہ کی پٹی میں جاری، نسل کشی پر مبنی قابض اسرائیلی رژیم کی انسانیت سوز جنگ کے خلاف 350 سے زائد جاپانی شہریوں نے بھرپور احتجاج کیا تھا جس میں قابض اسرائیلی رژیم کے خلاف نعرے لگائے گئے اور جاپانی حکومت سے مطالبہ کیا گیا کہ وہ قابض اسرائیلی رژیم کی کمپنی "ایلبٹ سسٹمز" (Elbit Systems) کو اس اسلحہ جاتی نمائش سے نکال باہر کر دے۔ یہ احتجاجی مظاہرے عوامی گروپوں "مدرز اگینسٹ سیکیورٹی لاز ان چیبا"
(Mothers Against War@Chiba) اور "اسلحے کی نمائش کے خلاف" (Against the Arms Fair) کی کال پر منعقد ہوئے۔ رپورٹ کے مطابق جاپانی شہر چیبا میں منعقدہ مذکورہ نمائش میں ایلبٹ سسٹمز کا تیار کردہ اسکائی اسٹرائیکر (SkyStriker) نامی ڈرون طیارہ بھی رکھا گیا تھا کہ جو غزہ میں فلسطینی پناہ گزینوں کا بارہا قتل عام کر چکا ہے۔
-
ہم قدم ہوتی خواتین