حکومت پی ٹی آئی میں نہ ختم ہونیوالی آنکھ مچولی جاری
اشاعت کی تاریخ: 18th, April 2025 GMT
اسلام آباد(طارق محمود سمیر)پاکستان تحریک انصاف اور حکومت کے درمیان انکھ مچولی کا کھیل ختم ہونے کا نام نہیں لے رہا ،بانی چیئرمین عمران خان کی ہمشیرہ اڈیالہ جیل
کے باہر اکیلی بیٹھ گئیں اور پھر انکی تصویر سوشل میڈیا پر وائرل کیا ہوئی کہ پی ٹی آئی راہنماؤٔں پر تنقید کا نہ ختم ہونے کا سلسلہ شروع ہو گیا،اڈیالہ جیل میں قید بانی چیئرمین سے ملاقاتوں کا فارمولا تو طے ہے مگر اس عدالتی فارمولے پر عمل کم ہی ہوتا ہے ،دونوں اطراف سے اس کی خلاف ورزی کی جا رہی ہے ،علیمہ خان کی ملاقات تو نہ ہوسکی مگر متنازعہ سمجھے جانے والے فیصل چوہدری ایڈوکیٹ بانی چیئرمین سے ملاقات بھی کر بیٹھے جبکہ علیمہ خان سمیت پی ٹی آئی کی لیڈر شپ گرفتار ہو چکی ،دوسری جانب وزیر اعلی گنڈا پور مزاکرات کی بات بھی کرتے ہیں اور کہتے ہیں کہ عمران خان ملک کے لیئے مزاکرات پر تیار ہیں تاہم جن سے مزاکرات ہونے ہیں انکی گفتگو کل اورسیز کنونشن میں سب نے سن لی ، گنڈا پور ایک زبان سے مزاکرات کی بات کرتے ہیں تو اسی وہ اسی زبان سے وہ دھمکاتے بھی ہیں کہ ڈنڈے کے زور پر حکومتیں نہیں چل سکتیں ،اب سمجھنا یہ ہے کہ وزیر اعلی خیبر پختونخواء کسے مخاطب ہیں ،دوسری جانب امریکی کانگرس مینز کا دورہ بھی پی ٹی آئی کے لیئے ثمر آور ثابت نہیں ہوا ہے اور کسی بھی ملاقات میں انہوں نے بانی چیئرمین کی رہائی کے لیئے کوئی بات نہیں کی ،مولانا فضل الرحمن کے ساتھ گرینڈ الائنس کی بات تو کی جا رہی ہے ،مگر مولانا فضل الرحمن تو اس موقف سے پیچھے ہٹنے کو تیار نہیں کہ خیبر پختونخواء میں انکے مینڈیٹ پر ڈاکہ ڈالا گیا ہے اس صورتحال میں گرینڈ اپوزیشن الائنس بننا ابھی مشکل نظر آتا ہے ،پاکستان تحریک انصاف بھی دوہری مشکلات سے دوچار پر پارٹی اور پارلیمنٹ میں عہدے رکھنے والوں اور بغیر عہدوں کے راہنماؤٔں کی سوچ میں فرق عیاں ہے جس سے پی ٹی آئی کی جہدوجد کو نقصان پہنچ رہا ،وزیر اعلی خیبر پختونخواء کی نسبت وزیر اعلیٰ پنجاب اپنی کارکردگی پر فوکس ہیں ،تین روزہ پنجاب کلچر کی تقریبا ت اس لحاظ سے بھی اہم ہیں کہ پوری دنیا میں پنجابی کلچر کو فروغ ملے گا تاہم انہیں چاہیے کہ لاہور سے باہر بھی نکلیں اور پنجاب کے دیگر شہروں میں بھی ایسے پروگرامز کریں ،پنجاب کلچرل پروگرامز میں یہ امر حیرت انگیز ہے کہ پنجاب کابینہ میں بیٹھے راہنمائپنجاب کے روایتی لباس کے بجائے کوٹ پینٹ میں بیٹھے نظر آئے ،اسی برح وزیر اعلیٰ پنجاب کو ہسپتالوں کے دورے میں بھی صرف لاہور پہ فوکس نہیں کرنا چاہیے بلکہ لاہور سے باہر بھی بہت بڑا پنجاب ہے جس کی وہ وزیر اعلیٰ ہیں ۔
ذریعہ
ذریعہ: Daily Mumtaz
کلیدی لفظ: بانی چیئرمین وزیر اعلی پی ٹی آئی ہیں کہ
پڑھیں:
تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ
وزیر اطلاعات پنجاب عظمیٰ بخاری۔فوٹو: فائلوزیر اطلاعات پنجاب عظمیٰ بخاری کا کہنا ہے کہ تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ ہوئے، ورلڈ سمٹ آن دی انفارمیشن سوسائٹی (ڈبلیو ایس آئی ایس) میں دو منصوبوں کی شارٹ لسٹنگ کے ساتھ دنیا کا واحد ملک بن گیا۔
عظمیٰ بخاری نے کہا کہ اقوامِ متحدہ ڈبلیو ایس آئی ایس پرائز 2026 میں پنجاب کا ورچوئل سینٹر فار چائلڈ سیفٹی میرا پیارا عالمی چیمپئن پروجیکٹ قرار پایا، ورچوئل سینٹر فار چائلڈ سیفٹی ’’میرا پیارا‘‘ پروجیکٹ دنیا کے ٹاپ فائیو میں شامل ہوگیا۔
صوبائی وزیر نے کہا کہ پنجاب حکومت کا ورچوئل ویمن پولیس اسٹیشن بھی دنیا بھر کے ٹاپ 20 پروجیکٹس میں شارٹ لسٹ ہوگیا، ورچوئل سینٹر فار چائلڈ سیفٹی کی بدولت 77 ہزار سے زائد گمشدہ بچے بازیاب، ماؤں کی گودیں ہری ہو گئیں، حکومت نے 3 ہزار اسپیشل (معذور) بچوں کو بھی تلاش کر کے خاندانوں سے ملوایا، بدسلوکی، آن لائن استحصال اور کمزور بچوں کے تحفظ کے ہزاروں کیسز حل کیے گئے۔
عظمیٰ بخاری نے کہا کہ پنجاب میں اب تک مختلف کیٹیگریز کے 1,45,772 کیسز رپورٹ، 1,36,157 کیسز کو کامیابی سے حل کیا گیا، رپورٹ ہونے والے مقدمات میں سے 26,274 ایف آئی آرز رجسٹرڈ،7,081 چالان عدالتوں میں جمع کروا دیے گئے۔
صوبائی وزیر نے مزید بتایا کہ گمشدہ اور اغوا ہونے والے 54,741 بچوں میں سے 53,811 بچوں کو کامیابی سے تلاش کر کے اہلخانہ سے ملا دیا گیا، ریسکیو ٹیموں کی کارروائی کے نتیجے میں 22,989 بچے ملے، 21,178 کو خاندانوں کے سپرد کیا گیا، اس وقت سسٹم میں 930 بچے لاپتہ اور 1,811 بچے تاحال غیر شناخت شدہ ہیں۔
وزیر اطلاعات پنجاب نے کہا کہ بچوں پر تشدد اور ابیوز کے 15,447 کیسز رپورٹ ہوئے، 5,075 ایف آئی آرز درج کی گئیں، چائلڈ ابیوز کیسز میں 3,830 ملزمان کو گرفتار کر کے 4,168 مقدمات کے چالان عدالتوں میں جمع کروائے جا چکے ہیں، بچوں کے خلاف آن لائن اور ڈیجیٹل ابیوز کے 191 کیسز سامنے آئے، 14 ایف آئی آرز درج اور 5 ملزمان کو گرفتار کیا گیا۔
عظمیٰ بخاری نے کہا کہ خصوصی افراد کے مجموعی طور پر 4,377 کیسز رپورٹ ہوئے، 2,984 افراد کو بازیاب کروا کے خاندانوں سے ملایا گیا، خصوصی افراد کے تحفظ کو یقینی بنانے کے لیے پولیس نے اب تک 646 ایف آئی آرز درج کیں، چائلڈ پروٹیکشن بیورو میں 251 اور دارالامان میں 14 متاثرہ افراد کو فوری پناہ اور حکومتی سرپرستی فراہم کی گئی۔
انہوں نے کہا کہ وزیر اعلیٰ پنجاب مریم نواز نے میرا پیارا یو این گلوبل چیمپئن قرار دیے جانے پر اظہار تشکر کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ