حکومت متنازع نہری منصوبہ روکے ورنہ ساتھ نہیں چل سکتے، بلاول بھٹو نے شہباز شریف کو خبردار کردیا
اشاعت کی تاریخ: 18th, April 2025 GMT
پاکستان پیپلزپارٹی (پی پی پی) کے چیئرمین بلاول بھٹو نے وفاقی حکومت کو خبردار کرتے ہوئے کہا ہے کہ اگر فی الفور دریائے سندھ پر متنازع کینالز منصوبہ نہ روکا گیا تو ہم ساتھ نہیں چل سکیں گے، وزارتوں کو لات مارتے ہیں۔
حیدرآباد میں جلسہ عام سے خطاب کرتے ہوئے انہوں نے کہاکہ اگر ہمارا مطالبہ نہ مانا گیا تو پھر ہمیشہ کی طرح مشکل وقت کا سامنا کرنے کے لیے تیار ہیں، اصولوں پر کوئی سودے بازی نہیں ہوگی۔
یہ بھی پڑھیں وی نیوز ڈیبیٹ: نہروں کے معاملے پر پنجاب اور سندھ کے وزرائے آبپاشی کے درمیان دلچسپ بحث
انہوں نے کہاکہ عمران خان نے بھی اپنے دور میں دریائے سندھ سے 2 کینالز بنانے کی منظوری دی تھی، لیکن ہم نے ڈٹ کر مقابلہ کیا اور عدم اعتماد کے ذریعے گھر بھیج دیا۔
بلاول بھٹو نے کہاکہ عمر کوٹ کے ضمنی انتخابات میں عوام نے پاکستان پیپلزپارٹی کو جتوا کر ثابت کردیا کہ وہ کینالز منصوبے کی مخالفت کرتے ہیں، ہم اس منصوبے کے خلاف اس لیے ہیں کہ اس کی وجہ سے وفاق خطرے میں ہے۔
انہوں نے کہاکہ اسلام آباد میں بیٹھے لوگ گونگے اور بہرے ہیں، انہیں عوام کی سمجھ نہیں آتی، لیکن میں اپنے عوام کے ساتھ کھڑا ہوں۔
چیئرمین پی پی پی نے کہاکہ عمر کوٹ کے ضمنی انتخابات میں 17 یتیم سیاسی پارٹیوں کو شکست ہوئی، اور حیرت کی بات یہ ہے کہ یہاں پاکستان مسلم لیگ ن اور پی ٹی آئی بھی ہمارے خلاف ایک پیج پر تھیں، ہمارے مخالفین اب منہ دکھانے کے قابل نہیں رہے۔
بلاول بھٹو نے کہاکہ ہم پاکستان کھپے کا نعرہ لگانے والے ہیں، بینظیر بھٹو کی شہادت کے بعد جب سازش ہورہی تھی تو صدر زرداری نے پاکستان کھپے کا نعرہ لگایا۔
بلاول بھٹو نے خطاب کرتے ہوئے عمران خان کا قیدی نمبر 420 کا لقب دیا، اور کہاکہ متنازع کینالز کے معاملے پر ہم نے اس کا بھی ڈٹ کر مقابلہ کیا۔
انہوں نے کہاکہ ایک ایسے وقت میں جب ملک بھر میں دہشتگردی ہورہی ہے، آپ نے ایسا موضوع چھیڑ دیا جس سے بھائی کے بھائی سے لڑنے کا خطرہ ہے۔ پیپلزپارٹی اس پر خاموش نہیں رہے گی۔
بلاول بھٹو نے کہاکہ ہمیں وزارتیں نہیں عزت چاہیے، وزارتوں کو ٹھوکر مارتے ہیں، شہباز شریف کو معلوم ہونا چاہیے کہ وہ ہماری وجہ سے دو بار وزیراعظم بنے۔
انہوں نے کہاکہ پاکستان بھر کے کسانوں کے ہونے والے معاشی قتل کا ساتھ نہیں دے سکتے، چاہتے ہیں کہ چاروں صوبوں میں معاشی ترقی ہو اور عوام کو روزگار کے مواقع ملیں۔
انہوں نے مسلم لیگ ن پر تنقید کرتے ہوئے کہاکہ شیر والے عوام کا خون چوستے ہیں، ان کا ہر منصوبہ کسان دشمن ہوتا ہے، کسانوں پر اضافی ٹیکس لگا دیا گیا، اب وہ کہاں جائیں۔
انہوں نے مزید کہاکہ پانی تو پہلے ہی موجود نہیں، تو کینالز بنانے کا منصوبے کا پھر کیا مطلب ہے؟ حکومت کینالز منصوبہ روکے، ہم 50 سالہ پلان بتائیں گے کہ زراعت میں کیسے ترقی کرنی ہے۔
یہ بھی پڑھیں نہریں بنانے کے معاملے پر وفاقی حکومت اور صوبہ سندھ آمنے سامنے کیوں ہیں؟
انہوں نے کہاکہ میں کیوں نہیں چاہوں گا کہ تھرپارکر اور چولستان میں ترقی، مگر سندھ کا سودا نہیں کروں گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو زرداری پاکستان پیپلزپارٹی تنقید خبردار کر دیا دریائے سندھ شہباز شریف عمران خان کینالز منصوبہ متنازع نہری منصوبہ مسلم لیگ ن وزیراعظم وی نیوز.ذریعہ: WE News
کلیدی لفظ: بلاول بھٹو زرداری پاکستان پیپلزپارٹی خبردار کر دیا دریائے سندھ شہباز شریف کینالز منصوبہ مسلم لیگ ن وی نیوز انہوں نے کہاکہ بلاول بھٹو نے کرتے ہوئے
پڑھیں:
بجلی کی قیمت کم کرنے کے لیے کوشاں، ہمیں مل کر ٹیکس چوری کے خلاف لڑنا ہوگا، احسن اقبال
وفاقی وزیر پلاننگ و ڈیولپمنٹ احسن اقبال نے کہا ہے کہ حکومت کی خواہش ہے کہ ٹیکسوں میں کمی لائی جائے، لیکن اس کے لیے ہمیں مل کر ٹیکس چوری کے خلاف لڑنا ہوگا۔
ساہیوال میں تقریب سے خطاب کرتے ہوئے انہوں نے کہاکہ تنخواہ دار طبقہ ٹیکس چوری کا بوجھ اٹھاتا ہے۔
مزید پڑھیں: عوام کے لیے خوشخبری، ملک بھر کے لیے بجلی کی قیمتوں میں کمی کردی گئی
انہوں نے کہاکہ بجلی، گیس اور توانائی بحران پر قابو پانا حکومت کی ترجیح ہے، حکومت ملی تو معیشت سمیت تمام شعبے تباہ حال تھے۔
وفاقی وزیر نے کہاکہ حکومت کی کوشش ہے کہ بجلی کے نرخوں میں بھی کمی لائے۔
انہوں نے کہاکہ اس وقت ہماری مسلح افواج دہشتگردی کے خلاف جنگ میں قربانیاں دے رہی ہیں۔
احسن اقبال نے کہاکہ افواج پاکستان کے افسران اور جوان جانوں کا نذرانہ پیش کررہے ہیں، اس وقت بھارت کی سیاست دیوالیہ پن کا شکار ہے۔
انہوں نے کہاک بھارتی حکومت پاکستان کا نام لے کر اپنے عوام کو بھڑکاتی ہے، اور پھر پاکستان دشمنی کے نام پر ووٹ حاصل کیے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احسن اقبال بجلی قیمت ٹیکس چوری وفاقی وزیر منصوبہ بندی وی نیوز
پاکستان اور افغان طالبان کے درمیان استنبول میں مذاکرات ناکام، عطا تارڑ