دبئی سے آئی خاتون نے کسٹم ڈیوٹی مانگنے پر 10 تولے سونا ایئر پورٹ پر پھینک دیا، پھر کیا ہوا؟
اشاعت کی تاریخ: 23rd, April 2025 GMT
نئی دہلی (نیوز ڈیسک) تھرواننتاپورم انٹرنیشنل ایئرپورٹ پر اُس وقت ہنگامہ کھڑا ہو گیا جب دبئی سے آئی ایک خاتون نے کسٹمز حکام سے تکرار کے بعد اپنے زیورات ان پر پھینک دیے۔ خاتون کا تعلق بھارتی ریاست کیرالہ کے ضلع کولم سے بتایا جا رہا ہے اور وہ ایمریٹس کی پرواز سے واپس لوٹی تھیں۔
بھارتی خبررساں ادارے کے مطابق خاتون اپنے ساتھ تقریباً 120 گرام (10 تولہ) سونے کے زیورات لے کر آئی تھیں جن پر حکام نے 36 فیصد کسٹم ڈیوٹی یعنی تقریباً دو لاکھ روپے سے زائد رقم کا مطالبہ کیا۔ خاتون کا کہنا تھا کہ یہ زیورات ان کی ذاتی ملکیت ہیں اور انہوں نے انہیں بیرونِ ملک قیام کے دوران پہنا تھا اس لیے ان پر ڈیوٹی نہیں لگتی ۔ تاہم کسٹم حکام نے وضاحت کی کہ جب تک اس بات کا ثبوت نہ ہو کہ زیورات پہلے ہی انڈیا سے لے جائے گئے تھے، انہیں درآمدی مال شمار کیا جائے گا اور اس پر مکمل ڈیوٹی لاگو ہوگی۔
تنازع شدت اختیار کر گیا اور خاتون نے غصے میں آ کر اپنے بیگ اور زیورات کسٹمز کاؤنٹر پر پھینک دیے اور ٹرمینل سے باہر چلی گئیں۔ صورتحال کی نزاکت دیکھتے ہوئے کسٹمز نے فوری طور پر سی آئی ایس ایف کو مطلع کر دیا۔ کچھ دیر بعد خاتون اپنے رشتہ داروں کے ہمراہ واپس آئیں اور دوبارہ بات چیت شروع ہوئی۔ خاتون کے اہلِ خانہ کی جذباتی اپیلوں اور بحث و تکرار کے باوجود حکام نے واضح کر دیا کہ ڈیوٹی کی ادائیگی کے بغیر زیورات واپس نہیں کیے جا سکتے۔ البتہ یہ یقین دہانی کرائی گئی کہ اگر خاتون دوبارہ بیرونِ ملک سفر کریں تو وہ یہ زیورات لے جا سکتی ہیں۔
آخرکار طویل گفت و شنید کے بعد خاتون نے کسٹم حکام کی شرائط مان لیں اور اپنے خاندان کے ساتھ ایئرپورٹ سے روانہ ہو گئیں۔ حکام نے اس بات کی تصدیق نہیں کی کہ آیا خاتون کے خلاف مزید کوئی قانونی کارروائی کی جائے گی یا نہیں۔
مزیدپڑھیں:کوئٹہ میں روٹی 10 روپے سستی، قیمت 30 روپے مقرر
ذریعہ: Daily Ausaf
پڑھیں:
دبئی میں دنیا کی مہنگی ترین کافی متعارف، قیمت سن کر آپ دنگ رہ جائیں گے
data-id="863a0a8" data-element_type="widget" data-widget_type="theme-post-content.default">
دبئی: متحدہ عرب امارات کے شہر دبئی میں واقع ایک کیفے نے دنیا کی مہنگی ترین کافی پیش کر کے شائقینِ کافی کو حیران کر دیا ہے۔ یہ نایاب کافی پانامہ میں اگنے والی مخصوص پھلیوں سے تیار کی جاتی ہے اور اس کی فی کپ قیمت 3 ہزار 600 درہم (تقریباً 980 امریکی ڈالر) ہے۔
دبئی طویل عرصے سے اپنے غیر معمولی اور پُرتعیش منصوبوں کے باعث عالمی شہرت رکھتا ہے، جہاں دنیا کی بلند ترین عمارت برج خلیفہ، انڈور اسکی ایریا والا شاپنگ مال اور مصنوعی جزائر جیسے منصوبے سیاحوں کے لیے کشش کا مرکز ہیں۔ اب اسی فہرست میں دنیا کی مہنگی ترین کافی پیش کرنے والا “جولِتھ کیفے” بھی شامل ہوگیا ہے۔
کیفے کے شریک بانی سیرکان ساگسوز نے غیر ملکی میڈیا کو بتایا کہ دبئی میں سرمایہ کاری کا فیصلہ درست ثابت ہوا، کیونکہ یہاں ہمارا کیفے بہت تیزی سے کافی کے شائقین کے لیے ایک مقبول مقام بن گیا ہے۔
سیرکان ساگسوز نے بتایا ہے کہ یہ کافی اپنی خوشبو اور ذائقے کے امتزاج کے باعث منفرد حیثیت رکھتی ہے، کیفے کے افتتاحی ہفتے میں ہی تقریباً 400 کپ اس خاص کافی کے فروخت کرنے کا منصوبہ ہے۔
ساگسوز نے مزید کہا کہ اس کافی میں چنبیلی جیسے سفید پھولوں کی خوشبو، نارنجی اور برگاموٹ جیسی ترش تازگی کے ساتھ خوبانی اور آڑو کا ہلکا ذائقہ شامل ہے، جب کہ اس کا اختتامی ذائقہ شہد جیسا میٹھا اور نرم محسوس ہوتا ہے۔
یہ خاص کافی اپنی نایابیت، خوشبو اور پیچیدہ ذائقے کی بدولت دنیا بھر میں پُرتعیش کافی کے شائقین کے لیے ایک نئی کشش بن گئی ہے۔
یونیورسٹی روڈ کی خستہ حالت کے باعث پیدا ہونے والی گرد و غبار سے شہریوں کو روزانہ مشکلات کا سامنا کرنا پڑ رہا ہے