پاکستان یو ایس ایلومنی نیٹ ورک انٹرنشپ پروگرام 2025، ماہانہ معقول رقم کمانے کا نادر موقع
اشاعت کی تاریخ: 25th, April 2025 GMT
پاکستان امریکا ایلومنائی نیٹ ورک نے پاکستان میں امریکی مشن اور پاکستان میں یونائیٹڈ اسٹیٹس ایجوکیشنل فاؤنڈیشن کے تعاون سے PUAN نیشنل انٹرنشپ پروگرام شروع کیا ہے جو 2 جون سے 29 اگست 2025 تک چلے گا۔
یہ بھی پڑھیں: وزیراعلیٰ پنجاب انٹرن شپ پروگرام: وظیفے کی رقم میں 100 فیصد سے زائد اضافہ
ملک بھر میں 45 ہزار سے زیادہ سابق طلبا کے نیٹ ورک کے ساتھ PUAN کا مقصد تعلیمی سیکھنے اور عملی تجربے کے درمیان فرق کو ختم کرنا ہے۔
اس اقدام سے PUAN کے 40 نوجوان اراکین کو 40 سینیئر سابق طلبا کی رہنمائی میں کام کرنے کا موقع ملے گا اور وہ مختلف شعبوں میں تجربہ حاصل کر سکیں گے۔
اہم معلوماتانٹرنشپ کی مدت: 2 جون سے 29 اگست 2025
ماہانہ وظیفہ: انٹرن کے لیے کھانے، ٹرانسپورٹ اور مواصلات کے اخراجات پورے کرنے کے لیے روپے 35 ہزار روپے۔
درخواست کی آخری تاریخ: 7 مئی 2025،سہ پہر 3 بجے تک۔
اہلیت:موجودہ انڈرگریجویٹ طلبا یا حالیہ گریجویٹس (ایک سال کے اندر) جو
3 ماہ کے لیے کل وقتی کام کرنے کے لیے تیار ہوں۔
مزید پڑھیے: سعودی عرب کی مکمل فنڈڈ انٹرن شپ کیسے حاصل کی جا سکتی ہے؟
انٹرنز اور ان کے سرپرستوں کا ایک ہی شہر میں رہنا ضروری ہے۔ کسی اور شہر میں رہنے والے انٹرنز کو اپنی رہائش اور سفر کا انتظام خود کرنا ہوگا۔
میرٹ کی بنیاد پر انتخابPUAN کے 14 ابواب میں سے کل 40 مینٹیز کا انتخاب کیا جائے گا۔ انتخاب کا عمل سختی سے میرٹ کی بنیاد پر ہوگا۔
اپلائی کرنے کا طریقہhttps://alumni.
مزید پڑھیں: سپریم کورٹ کی لاء اسکول اسپانسر شپ سے متعلق دعویٰ غلط ہے، سپریم کورٹ اعلامیہ
اپلائی کرنے کے لیے بائیں جانب ’انٹرن شپ‘ ٹیب پر کلک کریں۔
اگر آپ نئے ہیں یا آپ لاگ ان کے مسائل کا سامنا کر رہے ہیں تو ملاحظہ کریں: https://puan.pk/how-to-register/
یہ نوجوان طلبا کے لیے تجربہ، رہنمائی اور ممکنہ طور پر محفوظ مستقبل میں روزگار حاصل کرنے کے لیے ایک منفرد پلیٹ فارم ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکستان امریکا ایلومنائی نیٹ ورک پاکستان یو ایس ایلومنی نیٹ ورک انٹرنشپ پروگرام 2025 نیشنل انٹرنشپ پروگرامذریعہ: WE News
کلیدی لفظ: نیشنل انٹرنشپ پروگرام انٹرنشپ پروگرام کرنے کے لیے شپ پروگرام نیٹ ورک
پڑھیں:
بجٹ 26-2025: کون سی تجاویز مسترد ہوئیں، نیا کیا تجویز ہوا؟
قومی اسمبلی میں وزیر خزانہ کے بجٹ پیش کرنے کے بعد بجٹ تجاویز کو جائزے اور تفصیلی بحث کے لیے قومی اسمبلی اور سینیٹ کی خزانہ کمیٹی اور منصوبہ بندی کمیٹی میں بھیج دیا جاتا ہے۔ دونوں کمیٹیوں میں ارکان پارلیمنٹ، وزیر خزانہ، سیکریٹری خزانہ، ایف بی آر اور متعلقہ افسران بجٹ تجاویز پر تفصیلی بحث کرتے ہیں اور سفارشات تیار کی جاتی ہیں جنہیں منظور کر کہ فائنانس بل میں شامل کر دیا جاتا ہے۔
یہ بھی پڑھیں: بجٹ 26-2025 کے بعد، اوورسیز پاکستانیوں کے مسائل حل ہو جائیں گے ؟
قومی اسمبلی اور سینیٹ کی قائمہ کمیٹی برائے خزانہ نے بجٹ تجاویز پر بحث کے دوران مختلف تجاویز کو مسترد کیا ہے۔
وی نیوز نے تمام تجاویز کا جائزہ لیا ہے اور یہ جاننے کی کوشش کی ہے کہ بجٹ تجاویز کو مسترد کر کے نئی کیا تجویز دی گئی ہے؟
سولر پینلز پر 18 فیصد سیلز ٹیکسآئندہ مالی سال کے بجٹ میں سولر پینلز کی درآمد پر 18 فیصد سیلز ٹیکس عائد کرنے کی تجویز پیش کی گئی تھی۔ قومی اسمبلی اور سینٹ کی خزانہ کمیٹیوں نے اس تجویز کو مسترد کرتے ہوئے تجویز دی ہے کہ میٹھے ڈرنکس پر ٹیکس لگا کر ٹیکس ریوینیو وصول کیا جائے اور سولر پینل پر ٹیکس میں ریلیف دیا جائے۔
ٹیکس فراڈ پر 10 سال قید و ایک کروڑ روپے جرمانے کی تجویز
بجٹ میں ٹیکس فراڈ میں ملوث افراد کو 10 سال قید اور ایک کروڑ جرمانے کی سزا تجویز کی گئی تھی، اس تجاویز کو بھی مسترد کیا گی ہے وہ تجویز دی گئی ہے کہ 5 کروڑ سے زائد کے فروٹ کی صورت میں کمپنی کے سربراہ کی گرفتاری ہو سکے گی لیکن اس کے لیے بھی پہلے 3 مرتبہ نوٹسز جاری کرنے ہوں گے اور متعلقہ اتھارٹی کے سامنے پیش نہ ہونے کی صورت میں گرفتاری کی جائے گی۔
مزید پڑھیے: بجٹ کی منظوری اور نئے ٹیکسز کا نفاذ کب تک ہوگا؟
بجٹ میں بینکنگ ٹرانزیکشنز تک ایف بی آر کو رسائی دینے کی تجویز تجویز دی گئی تھی جس پر خزانہ کمیٹی نے تجویز دی ہے کہ ایف بی آر کو اختیار حاصل ہوگا کہ وہ ٹیکس چوری کرنے والوں کی بینکنگ ٹرانزیکشنز کا ریکارڈ حاصل کرے، اور اگر ٹرانزیکشنز ظاہر کردہ آمدن سے زیادہ ہو گی تو ایف بی آر ایکشن لے سکے گا۔
ریٹائرمنٹ عمر کی حد میں اضافے کی تجویزبجٹ میں سرکاری ملازمین کی ریٹائرمنٹ کی عمر کی حد 60 سے بڑھا کر 62 کرنے کی تجویز شامل تھی۔
اس تجویز کو سینیٹ کی خزانہ کمیٹی نے مسترد کیا ہے اور کمیٹی رکن فاروق ایچ نائیک نے کہا ہے کہ اگر ججز کی ریٹائرمنٹ کی عمر نہیں بڑھائی گئی تو عام بیوروکریٹ کے لیے کیوں بڑھائی جائے۔
آن لائن خریداری پر اضافی ٹیکس کی تجویزبجٹ میں آن لائن خریداری پر 2 فیصد اضافی سیلز ٹیکس عائد کرنے کی تجویز دی گئی تھی تاہم اس کو بھی مسترد کر دیا گیا ہے۔
اس کے علاوہ نقد رقم نکلوانے پر ودہولڈنگ ٹیکس کی شرح 0.6 فیصد سے بڑھا کر 0.8 فیصد کرنے کی تجویز بھی دی گئی تھی جسے منظور کرلیا گیا ہے۔
تاہم بینکوں کے قرض پر حاصل ہونے والے منافع پر ٹیکس کی شرح کو 15 سے فیصد سے بڑھا کر 20 فیصد کرنے کی تجویز کو مسترد کیا گیا ہے۔
یومیہ نقد رقم نکالنے کی حد میں کمی، کیش خرویدوفروخت کے حوالے سے تجاویزبجٹ میں ودہولڈنگ ٹیکس عائد کرتے ہوئے یومیہ نقد رقم نکالنے کی کم از کم حد کو 50 ہزار روپے مقرر کرنے کی تجویز دی گئی تھی جسے مسترد کرتے ہوئے اس حد کو بڑھا کر 75 ہزار روپے کر دیا گیا ہے۔
اب 75 ہزار یا اس سے زائد نقد رقم نکلوانے پر 0.8 فیصد ٹیکس ودہولڈنگ ٹیکس وصول کرنے کی تجویز دی گئی ہے۔
مزید پڑھیں: بجٹ 26-2025: نان فائلرز سمیت کن دیگر افراد کے گرد گھیرا تنگ ہونے جارہا ہے؟
بجٹ میں تجویز دی گئی تھی کہ 2 لاکھ روپے یا اس سے زائد کی تمام خرید و فروخت بینکنگ چینلز کے ذریعے کی جائے گی تاہم کمیٹی نے اس تجویز کو چھوٹے کاروباری حضرات پر بوجھ قرار دیتے ہوئے مسترد کر دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجٹ 26-2025 بجٹ تجاویز بجٹ تجاویز میں ترمیم قومی بجٹ کون سی بجٹ تجاویز مسترد
سندھ کا تین ہزار ارب مالیت کا بجٹ کل پیش ہوگا، ٹیکس وصول کی شرح بڑھنے کا امکان