پہلگام حملے کے حوالے سے عوامی نیشنل کانفرنس کے نائب صدر کا خصوصی انٹرویو
اشاعت کی تاریخ: 26th, April 2025 GMT
اسلام ٹائمز کیساتھ اپنے خصوصی انٹرویو میں جموں و کشمیر عوامی نیشنل کانفرنس کے نائب صدر کا کہنا تھا کہ سب سے بڑا دہشتگرد "گودی میڈیا" ہے، جو کشمیریوں کیخلاف پروپیگنڈہ کرکے انکو مارے کی راہ ہموار کر رہا ہے۔ متعلقہ فائیلیںمقبوضہ کشمیر کے سیاحتی مقام پہلگام میں ہونیوالے دہشتگردانہ حملہ نے ایک بار پھر اس جنت نظیر وادی کو خون آلود کر دیا ہے۔ اس دہشتگردانہ حملے میں 27 مسلم و غیر مسلم سیاح مارے گئے۔ حملے کی خبر ملتے ہی بھارتی میڈیا نے اس کا ذمہ دار حسب روایت کشمیریوں اور پاکستان کو ٹھہرایا۔ اس خبر کو بار بار چلایا گیا کہ دہشتگردوں نے سیاحوں میں سے "ہندو" مرد تلاش کرکے انہیں گولیوں کا نشانہ بنایا۔ "گودی میڈیا" کے اس مذموم پروپیگنڈہ کو دیکھ کر اور سیاحوں کی حفاظت و حمایت میں کشمیری عوام سڑکوں پر آئے اور دہشتگردی اور گودی میڈیا کی مذمت کی۔ کشمیریوں نے اپنے گھروں اور مسجدوں کے دروازے کھول دیئے، خوفزدہ سیاحوں کو کھانا کھلایا، ہسپتالوں میں خون کا عطیہ دیا، سیاحوں کو پانی اور مشروبات پیش کئے، اپنی گاڑیوں میں انہیں پہلگام سے سرینگر اور یہاں سے ایئرپورٹ پہنچانے کیلئے مفت بندوبست کیا۔ حملے میں ہلاک ہونیوالے واحد کشمیری مسلمان سید عادل حسین شاہ کے بارے میں بتایا گیا ہے کہ وہ حملہ آوروں سے کچھ سیاحوں کو بچانے کی کوشش کر رہے تھے، تبھی انہیں گولیاں لگیں۔
ادھر بھارت نے پہلگام واقعے کو بہانہ بنا کر مقبوضہ کشمیر میں ایک بار پھر ظلم و ستم کا سلسلہ تیز کر دیا ہے۔ بھارتی فورسز نے جاری سرچ آپریشنز کے دوران مختلف اضلاع میں گھروں پر چھاپے مار کر ہزار سے زائد بے گناہ کشمیریوں کو گرفتار کر لیا ہے۔ بھارتی فورسز نے بارودی مواد سے دو گھروں کو مکمل طور پر مسمار کر دیا اور تاحال متعدد علاقوں میں چھاپہ مار کارروائیاں جاری ہیں۔ پہلگام حملے کو لیکر اسلام ٹائمز کے نمائندے نے جموں و کشمیر عوامی نیشنل کانفرنس کے نائب صدر مظفر شاہ سے ایک خصوصی انٹرویو کا اہتمام کیا، جس دوران انہوں نے کہا کہ سب سے بڑا دہشتگرد گودی میڈیا ہے، جو کشمیریوں کیخلاف پروپیگنڈہ کرکے انکو مارے کی راہ ہموار کر رہا ہے۔ انکا کہنا تھا کہ کشمیریوں کے قتل عام میں گودی میڈیا برابر ذمہ دار ہے۔ انہوں نے کہا کہ بھارت بھر میں کشمیری طلاب غیر محفوظ ہیں، اب حکومت کی ذمہ داری ہے کہ کشمیری طلاب کو تحفظ فراہم کرے۔ خصوصی انٹرویو پیش خدمت ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ: Islam Times
کلیدی لفظ: خصوصی انٹرویو گودی میڈیا
پڑھیں:
امریکا میں بھارتی سفارت خانے کے سامنے سکھوں اور کشمیریوں کا احتجاجی مظاہرہ
امریکا کے شہر ہیوسٹن میں بھارتی سفارت خانے کے سامنے سکھوں اور کشمیریوں نے احتجاجی مظاہرہ کیا۔
احتجاجی مظاہرے کی کال سکھ تنظیموں اور فرینڈز اف کشمیر نے دی تھی، جس کا انعقاد انیس سو چوراسی میں سکھوں کے قتل عام کی برسی کے موقع پر کیا گیا۔
مظاہرین نے ہاتھوں میں خالصتان، آزاد کشمیر ، پاکستان اور امریکا کے پرچم اٹھا رکھے تھے۔
اس موقع پر خالصتان کےقیام اور مقبوضہ کشمیر کی آزادی کے حق میں نعرے لگائے گئے، احتجاجی مظاہرے سے فرینڈز آف کشمیر یہ چیئر پرسن غزالہ حبیب ، سکھ رہنما ڈاکٹر ہردم سنگھ آزاد ، سکھ ویندر سنگھ ، گورمیل سنگھ ، دیان سنگھ ودیگر نے خطاب کیا۔
مقررین کا کہنا تھا مودی سرکار نے سکھوں اور کشمیریوں پر عرصہ حیات تنگ کر دیا ہے، بھارتی حکومت کی ریاستی دہشت گردی دنیا بھر میں پھیل گئی ہے۔
پاکستان اور کینیڈا میں سکھوں کے قتل میں بھارتی حکومت ملوث ہے جس کے ثبوت موجود ہیں امریکہ میں بھی قتل کرنے کی منصوبہ بندی سامنے آچکی ہے جس سے ظاہر ہوتا ہے بھارت دہشت گرد ملک ہے اور دوسرے ملکوں میں شہریوں کو دہشت گردی کا نشانہ بنا رہا ہے۔
عالمی برادری بھارتی ریاستی دہشت گردی کا نوٹس لے۔
احتجاجی مظاہرے کے اختتام پر فرینڈز اف کشمیر کی چیئر پرسن غزالہ حبیب نے ڈاکٹر ہردم سنگھ آزاد کو بابا گرو نانک کی پانچ سو پچپن ویں جنم دن پر جاری یادگاری سکہ بھی پیش کیا۔
نیشنز ہاکی کپ ملائیشیا کیلئے 20 رکنی قومی اسکواڈ کا اعلان