تبصرہ نگار: بشیر واثق
قرآنی تعلیمات
مولف: نسیم طاہر،زر تعاون: 500 روپے،صفحات:336
ناشر:ادبستان، پاک ٹاور،کبیر سٹریٹ، اردو بازار، لاہور (03004140207)
قرآن مجید دنیا میں سب سے زیادہ پڑھی جانے والی کتاب ہے، اس میں کوئی شک نہیں کہ دنیا بھر میں علم کے جویا افراد قرآنی مضامین کو سمجھنے کیلئے تحقیق میں مشغول رہتے ہیں، کاش ایسا ہوتا کہ جس طرح اسے پڑھا اور حفظ کیا جاتا ہے اسی طرح اسے سمجھنے اور سمجھانے والوں کی بھی تعداد بھی کروڑوں میں ہوتی۔
محققین کا کہنا ہے کہ قرآن مجید ایسی کتاب ہے جس میں کائنات کا ہر موضوع زیر بحث لایا گیا ہے صرف دیکھنے اور کھوجنے والی آنکھ کی ضرورت ہے۔ اسی چیز کو مدنظر رکھتے ہوئے مسلمانوں سے زیادہ آج کل غیر مسلم دانشور، سائنس دان اور محققین قرآن پر تحقیق میں لگے ہوئے ہیں ۔ ضرورت ہے کہ ہم میں سے ہر فرد قرآن کی تلاوت صرف ثواب کی نیت سے نہ کرے بلکہ اسے سمجھنے اور سمجھانے کا بھی اہتمام کرے، اس کے لئے ضروری ہے کہ عربی زبان پر عبور ہو، ہر فرد کیونکہ اتنی محنت نہیں کر سکتا تو مسلم علماء نے اس کا حل یہ نکالا ہے کہ قرآن کے تراجم اور تفاسیر کر دی گئی ہیں تاکہ عام پڑھا لکھا مسلمان بھی قرآن سمجھ سکے ۔
زیر تبصرہ کتاب قرآن فہمی کے اسی سلسلے کی کڑی ہے تاہم اس کی سب سے بڑی خوبی اس کی آسان زبان اور مختصراً قرآن کے مضامین کا احاطہ ہے جس سے کوئی بھی مسلمان آسانی سے قرآن کے مضامین سے آگاہی حاصل کر کے اپنی اور دوسروں کی زندگی کو اسلام کے مطابق بنا سکتا ہے۔ عبدالمتین ملک کہتے ہیں ’’ اہل عرب کی خاص خوش نصیبی ہے کہ کلام الہیٰ عربی زبان میں نازل ہوا ۔ ان کے لئے قرآن سے براہ راست مستفیض ہونا آسان تر ہے اہل عجم کیلئے بہرحال ایک مشکل موجود رہتی ہے کہ ان کے لئے براہ راست استفادہ ممکن نہیں ۔ عربی زبان سیکھنے کے باوجود پورے نظم قرآنی کا احاطہ ایک مشکل کام ہے ۔
تراجم اور تفاسیر کے عظیم ذخائر موجود ہیں مگر عدیم الفرصتی کے باعث ایک عام مسلمان کے لئے ان خزانوں سے بھرپور فائدہ اٹھانا ممکن نہیں ہوتا ۔ عام مسلمان کو اگر آسان فہم زبان میں قرآنی تعلیمات کی روح سے روشناس کروایا جائے تو لازم ہے کہ وہ کلام پاک سے قربت محسوس کریں اور قلبی تراوت کے ساتھ ساتھ ہدایت کلی سے بھی روشناس ہوں گے ۔
اسی غرض کو مدنظر رکھتے ہوئے ہمارے دوست نسیم طاہر صاحب ایڈووکیٹ نے کلام اللہ کی پرمغز تعلیمات کو آسان فہم بنانے کے لئے کچھ کاوش فرمائی ، انھوں نے نماز تراویح کی ترتیب کے قریباً مطابق اٹھائیس ابواب ترتیب دیئے، ادارے نے کچھ ترامیم اور اضافہ کے بعد ان کو کتاب کی صورت قارئین کی خدمت میں پیش کیا ہے۔‘‘ بہت مفید کتاب ہے خاص طور پر ان کے لئے جو وقت نہ ہونے کا رونا روتے ہیں وہ اس کتاب کو اپنے ساتھ رکھیں جب بھی فارغ وقت ملے تو قرآن فہمی کے لئے اس کا مطالعہ کریں ۔ نوجوان نسل کو ضرور مطالعہ کرنا چاہیے ۔ مجلد کتاب کو خوبصورت ٹائٹل کے ساتھ شائع کیا گیا ہے ۔
۔۔۔
ذریعہ: Express News
پڑھیں:
"فتح" 4 پاکستان کی میزائل کمانڈ میں شامل کر دیا گیا
پاک فوج کی جانب سے جاری بیان کے مطابق فتح 4 میزائل میں نئے نیوی گیشن اور ایویونکس سسٹم موجود ہیں، یہ میزائل اب پاک فوج کی میزائل فورس کی نئی قائم کردہ کمانڈ کا حصہ ہے۔ اسلام ٹائمز۔ اسلامی جمہوریہ پاکستان کی فوج نے سطح پر مار کرنے والے کروز میزائل فتح 4 کی باضابطہ نقاب کشائی کے ساتھ ہی اپنی میزائل صلاحیت کو بڑھانے کے لیے ایک نیا قدم اٹھایا ہے۔ جینز ڈیفنس کی ویب سائٹ کے مطابق مقامی طور پر تیار کردہ میزائل کو 30 ستمبر کو 750 کلومیٹر کی رینج کے ساتھ آزمائشی لانچ میں کامیابی کے ساتھ داغا گیا تھا۔ پاک فوج کی جانب سے جاری بیان کے مطابق فتح 4 میزائل میں نئے نیوی گیشن اور ایویونکس سسٹم موجود ہیں، یہ میزائل اب پاک فوج کی میزائل فورس کی نئی قائم کردہ کمانڈ کا حصہ ہے۔
کم اونچائی پر پرواز کرنے اور دشمن کے میزائل دفاعی نظام سے بچ کر گزرنے کی صلاحیت کے ساتھ، یہ میزائل درست طریقے سے نشانہ بنانے کی صلاحیت رکھتا ہے۔ اگست 2025 میں پاکستان کے یوم آزادی کی تقریبات کے دوران پہلی بار میزائل کی غیر سرکاری تصاویر جاری کی گئ تھیں، ان میں دکھایا گیا تھا کہ فتح 4 کی رینج 750 کلومیٹر، زیادہ سے زیادہ پرواز کی اونچائی 50 میٹر، لمبائی 7.5 میٹر اور وزن 1،530 کلوگرام ہے۔ پاکستان کے حریف اور ہمسایہ ملک بھارت نے ابھی تک اس واقعے پر کوئی ردعمل ظاہر نہیں کیا ہے۔
نیش کپ اسکواش ٹورنامنٹ، پاکستان نے فائنل جیت لیا