بھارت کی ریاستی دہشت گردی کے ناقابل تردید شواہد موجود ہیں، ڈی جی آئی ایس پی آر
اشاعت کی تاریخ: 29th, April 2025 GMT
ڈائریکٹر جنرل ( ڈی جی ) آئی ایس پی آر لیفٹیننٹ جنرل احمد شریف چوہدری نے کہا ہے کہ ہمارے پاس بھارت کی ریاستی دہشت گردی کے ناقابل تردید شواہد موجود ہیں۔
پریس بریفنگ میں ڈی جی آئی ایس پی آر نے کہا کہ پہلگام واقعے کو 7 دن ہو گئے ہیں لیکن ابھی تک الزامات کے کوئی ثبوت نہیں پیش کیے گئے ہیں۔
انہوں نے کہا کہ بھارت ریاستی دہشت گردی کر رہا ہے، 25 اپریل کو بھارتی تربیت یافتہ دہشت گرد عبد المجید کو جہلم کے قریب سے پکڑا گیا۔
ڈی جی آئی ایس پی آر نے مزید کہا کہ تربیت یافتہ دہشت گرد کے گھر سے بھارتی ساختہ ڈرون اور 10 لاکھ روپے برآمد ہوئے ہیں۔
اُن کا کہنا تھا کہ اس دہشت گرد عبد المجید کا ہینڈلر ایک بھارت کا فوجی ہے، اس ہینڈلر کی گرفتار ہونے والے دہشت گرد کی گفتگو بھی سامنے آئی ہے۔
لیفٹیننٹ جنرل احمد شریف چوہدری نے یہ بھی کہا کہ 7دن ہوگئے ہیں ، بھارت کی طرف سے صرف زبانی جمع خرچ چل رہا ہے جبکہ ہم آپ کے سامنے بھارت کی ریاستی دہشت گردی کے مکمل ثبوت پیش کر رہے ہیں۔
انہوں نےکہا کہ جو دہشت گرد گرفتار کیا گیا ہے، اُس نے پاکستان میں دہشت گردی کی چار وارداتیں کی ہیں،گرفتار شخص کے موبائل فون سے بھارت میں ہوئی بات چیت پکڑی گئی۔
ڈی جی آئی ایس پی آر نے کہا کہ ہمارے پاس بھارت کے خلاف ناقابل تردید شواہد موجود ہیں،یہ آئی ای ڈیز ڈرون کے ذریعے بھیجی جاتی ہیں۔
ان کا کہنا تھا کہ یہ بھارتی دہشت گردی کا صرف ایک ثبوت ہے،گرفتار دہشت گرد عبد المجید اکیلا نہیں تھا، اس کے ساتھ اور بھی لوگ ہیں۔
لیفٹیننٹ جنرل احمد شریف چوہدری نے بتایا کہ گرفتار دہشت گرد عبد المجید کو بھارتی فوج کی جانب سے قسطوں میں رقوم بھیجی گئیں۔
انہوں نے کہا کہ گرفتار دہشت گرد نے پنجاب اور آزاد کشمیر میں مختلف وارداتیں کیں،تمام ثبوت بتاتے ہیں کہ بھارت سرحد پار سے ریاستی دہشتگردی کر رہا ہے۔
.
ذریعہ
ذریعہ: Jang News
کلیدی لفظ: دہشت گرد عبد المجید ڈی جی ا ئی ایس پی ا ر ریاستی دہشت گردی نے کہا کہ بھارت کی
پڑھیں:
نیٹ پیپر لیک: دہلی سے اٹھنے والا احتجاج بھارت بھر میں پھیل گیا، دہلی یونیورسٹی نے طلبہ کو جنتر منتر جانے سے روک دیا
بھارت میں نیٹ (NEET) امتحان کے مبینہ پیپر لیک کے خلاف دہلی سے شروع ہونے والا احتجاج اب ملک کے مختلف شہروں تک پھیل گیا ہے۔ طلبہ کی جانب سے امتحانی نظام میں شفافیت، ذمہ داروں کے خلاف کارروائی اور اصلاحات کے مطالبات زور پکڑتے جا رہے ہیں، جبکہ دہلی یونیورسٹی نے اپنے طلبہ اور اساتذہ کو جنتر منتر پر جاری احتجاج میں شرکت سے گریز کرنے کی ہدایت جاری کر دی ہے۔
پیپر لیک کے خلاف احتجاج اب صرف دارالحکومت دہلی تک محدود نہیں رہا۔ ممبئی، کولکاتا، بنگلورو، حیدرآباد، پٹنہ، لکھنؤ، چندی گڑھ اور دیگر شہروں میں بھی طلبہ تنظیموں نے ریلیاں، دھرنے اور احتجاجی مظاہرے شروع کر دیے ہیں۔ متعدد مقامات پر طلبہ نے امتحانی نظام میں اصلاحات، پیپر لیک میں ملوث افراد کے خلاف سخت کارروائی اور شفاف امتحانی عمل کو یقینی بنانے کا مطالبہ کیا۔
Huge crowd of students floods roads of Nashik.
Student protest is now getting pan India surge. pic.twitter.com/tW5HlH2LuY
— VIZHPUNEET (@vizhpuneet) July 23, 2026
ادھر اپوزیشن جماعتیں بھی طلبہ کی حمایت میں میدان میں آ گئی ہیں۔ لوک سبھا میں قائد حزب اختلاف راہول گاندھی اور ’انڈیا اتحاد‘ کے دیگر رہنماؤں نے احتجاجی طلبہ سے اظہارِ یکجہتی کرتے ہوئے وفاقی وزیر تعلیم دھرمیندر پردھان کے استعفے کا مطالبہ دہرایا ہے۔
دوسری جانب نیٹ دہلی یونیورسٹی نے اپنے سرکاری بیان میں کہا ہے کہ جنتر منتر پر ہونے والے اجتماعات سپریم کورٹ کی ہدایات کے تحت منظم کیے جاتے ہیں اور کسی بھی غیرقانونی مظاہرے میں شرکت کرنے والوں کے خلاف قانونی کارروائی کی جا سکتی ہے۔ انتظامیہ کے مطابق ایسے اقدامات طلبہ کی سلامتی، تعلیمی مستقبل اور پیشہ ورانہ مواقع کو متاثر کر سکتے ہیں، اس لیے انہیں احتجاجی سرگرمیوں سے دور رہنے کی تلقین کی گئی ہے۔
یہ بھی پڑھیں:وزیرِ تعلیم کے استعفے کا مطالبہ، نئی دہلی میں طلبہ کے احتجاج پر لاٹھی چارج
یونیورسٹی نے سوشل میڈیا پر گردش کرنے والی جعلی اور گمراہ کن خبروں سے بھی خبردار کرتے ہوئے طلبہ کو غیر مصدقہ معلومات شیئر نہ کرنے کا مشورہ دیا ہے۔
بھارتی حکومت کا کہنا ہے کہ پیپر لیک معاملے کی تحقیقات جاری ہیں اور ذمہ داروں کے خلاف قانون کے مطابق کارروائی کی جائے گی، تاہم طلبہ تنظیموں نے واضح کیا ہے کہ مطالبات کی منظوری تک احتجاج جاری رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت احتجاج دہلی احتجاج نیٹ پیپر لیک
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی