یہ واقعی پاگل پن تھا! رانی مکھرجی کی خفیہ شادی سے متعلق فیشن ڈیزائنر کا انکشاف
اشاعت کی تاریخ: 29th, April 2025 GMT
بھارت کے مشہور فیشن ڈیزائنر سبیاساچی مکھرجی نے اداکارہ رانی مکھرجی اور فلمساز آدتیہ چوپڑا کی 2014 میں ہونے والی خفیہ شادی کے بارے میں دلچسپ انکشافات کیے ہیں۔
ایک انٹرویو میں فیشن ڈیزائنر نے بتایا کہ یہ شادی اٹلی میں ایک نجی تقریب میں انجام پائی تھی اور آج تک اس کی کوئی تصویر منظرعام پر نہیں آئی ہے۔
فیشن ڈیزائنر نے مزید بتایا کہ میں نے اب تک جتنی شادیاں دیکھی اس میں رانی مکھرجی کی شادی سب سے "مزے دار اور پاگل پن" والی شادی تھی۔
انھوں نے انکشاف کیا کہ رانی مکھرجی نے مجھے صرف ایک ہفتے کا وقت دیا۔ دلہن کا سوٹ تیار کرنے کے لیے یہ بہت ہم کم وقت ہے لیکن رانی بہت پُرسکون اور مطمئن تھیں۔
سبیاساچی مکھرجی نے مزید کہا کہ لیکن حقیقت یہ ہے کہ یہ شادی رانی، آدی، کرن جوہر اور میرے لیے ایک پاگل پن جیسا تجربہ تھا۔
خیال رہے کہ اس شادی میں صرف قریبی رشتہ دار اور دوست شریک ہوئے تھے اور یہ تقریب مکمل رازداری میں انجام دی گئی تھی۔
.
ذریعہ: Express News
کلیدی لفظ: فیشن ڈیزائنر رانی مکھرجی یہ شادی
پڑھیں:
شادی کے مشورے پر زرین خان کا صارف کو کرارا جواب
بالی ووڈ اداکارہ زرین خان نے حال ہی میں سوشل میڈیا پر شادی اور عمر کے حوالے سے کی جانے والی تنقید کا بےباکی سے جواب دیا ہے، جسے سراہا جا رہا ہے۔ انسٹاگرام پر ایک صارف نے زرین خان کی پوسٹ پر طنز کرتے ہوئے لکھا، ’شادی کرلو، بوڑھی ہو رہی ہو‘۔ تاہم اس تبصرے کو نظرانداز کرنے کے بجائے زرین نے نہایت اعتماد کے ساتھ ویڈیو پیغام میں دوٹوک جواب دیا۔
ویڈیو میں اداکارہ نے شادی اور عمر سے متعلق سوچ پر سوال اٹھاتے ہوئے کہا کہ شادی کو اکثر ہر مسئلے کا حل کیوں سمجھا جاتا ہے؟
انہوں نے کہا کہ بھارتی معاشرے میں شادی کو خوشی اور استحکام کی ضمانت کے طور پر پیش کیا جاتا ہے، لیکن حقیقت میں ایسا ہمیشہ نہیں ہوتا۔ زرین نے واضح کیا کہ اگر کوئی فرد اپنی ذات کا خیال نہیں رکھ سکتا، تو شادی کر کے ایک اور شخص کو اس مشکل میں شامل کرنا مسائل کو بڑھا سکتا ہے، نہ کہ حل۔
View this post on InstagramA post shared by Zareen Khan ????????✨???????? (@zareenkhan)
زرین خان نے خواتین کی خودمختاری کی حمایت کرتے ہوئے کہا کہ ہمارے معاشرے میں خودمختار عورت کو اب بھی ایک خطرہ سمجھا جاتا ہے۔ اگر کوئی لڑکی اپنی رائے رکھنے لگے، تو خاندان والے گھبرا جاتے ہیں اور جلد بازی میں اس کی شادی کروانے کی کوشش کرتے ہیں، جیسے کہ شادی کوئی جادو ہو۔
انہوں نے مزید کہا کہ آج کل کئی شادیاں دو یا تین ماہ سے زیادہ نہیں چل پاتیں، اس لیے شادی کو زندگی کے تمام مسائل کا حل سمجھنا درست نہیں۔
زرین خان نے اپنے فلمی سفر کا آغاز 2010 میں فلم ’ویر‘ سے سلمان خان کے ہمراہ کیا تھا۔ انہیں طویل عرصے تک کترینہ کیف سے موازنہ کر کے تنقید کا نشانہ بھی بنایا گیا، تاہم وقت کے ساتھ انہوں نے ’ہاوس فل 2‘، ’ہیٹ اسٹوری 3‘ اور ’1921‘ جیسی فلموں میں اپنی الگ پہچان قائم کی۔ زرین نے ہندی کے علاوہ پنجابی، تامل اور تیلگو فلموں میں بھی کام کیا ہے۔
اداکارہ نہ صرف اپنی فنی صلاحیتوں کے لیے مشہور ہیں بلکہ وہ اکثر جسمانی ساخت، خواتین کے حقوق اور معاشرتی توقعات پر بھی بےباک انداز میں آواز بلند کرتی رہی ہیں۔ ان کی آخری فلم ’ہم بھی اکیلے، تم بھی اکیلے‘ 2021 میں ریلیز ہوئی تھی۔
اداکارہ کی اس دوٹوک رائے کو سوشل میڈیا صارفین کی جانب سے خوب سراہا جا رہا ہے، خاص طور پر ان حلقوں میں جو خواتین کی خودمختاری اور انفرادی فیصلوں کے احترام کے داعی ہیں۔
Post Views: 4
وزیرِ اعلیٰ پنجاب و اعلیٰ شخصیت کیخلاف نازیبا الفاظ استعمال کرنیوالا شخص زیرِ حراست