سابق وزیر خارجہ خورشید قصوری نے مودی سرکار کے پاگل پن کی اصل وجہ بتادی
اشاعت کی تاریخ: 30th, April 2025 GMT
سابق وزیر خارجہ میاں خورشید احمد قصوری نے کہا ہے کہ چین و ترکیہ کی پاکستان کی سپورٹ کے باعث دونوں ممالک پر بھارت کا غصہ ان دنوں بڑھ چکا ہے۔
یہ بھی پڑھیں: پاکستان نہ پہلگام واقعے میں ملوث ہے نہ اس کا بینفشری، اسحاق ڈار کی ڈی جی آئی ایس پی آر کے ہمراہ پریس کانفرنس
لاہور میں میڈیا سے گفتگو کرتے ہوئے خورشید احمد قصوری نے کہا کہ بھارتی میڈیا پر چین اور ترکیہ کے خلاف بہت مواد چلایا جا رہا ہے۔
انہوں نے کہا کہ بھارت میں پاکستان سے زیادہ غربت ہے لہٰذا جنگ کی بتایں کرنے کے بجائے اس کو چاہیے کہ وہ اپنے ملک سے غر بت مٹانے کے لیے اقدامات کرے۔
سابق وزیر خارجہ نے کہا کہ چین کا پاکستان کے ساتھ تعاون گزرتے وقت کے ساتھ بڑھا ہے اور اس کے بیانات بتا رہے ہیں کہ وہ پاکستان کے ساتھ کھڑا ہے لہٰذا بھارت کی لیڈرشپ کو ہوش کے ناخن لینے چاہییں۔
انہوں نے کہا کہ بھارتی میڈیا نے تو جنگ کا ماحول بنا دیا ہے اور نیوز رومز میں وار رومز تک بنا دیے گئے ہیں۔
مزید پڑھیے: پہلگام فالس فلیگ، پاکستان کی محبت میں سکھ گلوکارہ کے گانے پر پابندی
خورشید احمد قصوری نے کہا کہ بھارت دہستگردی کا اتنا شور مچا رہا ہے لیکن اس نے ثبوت تو ایک بھی نہیں دیا جبکہ گزشتہ روز ہماری آئی ایس پی آر نے پاکستان میں بھارتی دہشتگردی کے ثبوت دے دیے۔
ان کا کہنا تھا کہ دنیا دیکھ لے گی کہ بھارت ہی دہشتگردی کا اصل گڑھ ہے۔ ان کا مزید کہنا تھا کہ بھارت کی دہشتگردی دوسرے ممالک میں بھی جا ری ہے اور کینیڈا کی مثال بھی سب کے سامنے ہے۔
خورشید احمد قصوری نے بھارت کی جانب سے سندھ طاس معاہدہ یکطرفہ طور پر معطل کرنے کے حوالے سے کہا کہ پانی کے مسئلے پر تو دیہاتوں میں لوگ مرنے مارنے پر اتر آتے ہیں تو ہم بھلا کیسے خاموش رہ سکتے ہیں۔
مزید پڑھیں: ’حملہ آور مذہب پوچھے بغیر گولیاں چلاتے رہے‘، پہلگام حملے سے متعلق ایک اور بھارتی جھوٹ بے نقاب
انہوں نے کہا کہ بھارت کو پاکستان کا پانی روکنے کے لیے 20 برس چاہیے ہوں گے کیوں کہ وہاں کوئی ایسا نلکا نہیں جو بند کردیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت کا جنگی جنون پاک بھارت کشیدگی چین کی حمایت سابق وزیر خارجہ میاں خورشید احمد قصوری مودی سرکار کی بوکھلاہٹ.ذریعہ: WE News
کلیدی لفظ: بھارت کا جنگی جنون پاک بھارت کشیدگی چین کی حمایت سابق وزیر خارجہ میاں خورشید احمد قصوری مودی سرکار کی بوکھلاہٹ نے کہا کہ بھارت
پڑھیں:
ہمارے پاس مضبوط افواج، جدید ہتھیار ہیں، حملہ ہوا تو ہر قیمت پر دفاع کرینگے: اسحاق ڈار
دوحہ‘ اسلام آباد (نوائے وقت رپورٹ) نائب وزیراعظم و وزیر خارجہ اسحاق ڈار نے کہا ہے کہ پاکستان جوہری طاقت ہے، خودمختاری پر حملہ ہوا تو ہر قیمت پر دفاع کریں گے، چاہے کوئی بھی ملک ہو۔ دوحہ میں عرب اسلامی ہنگامی سربراہ کانفرنس کے موقع پر ’’الجزیرہ‘‘ کو خصوصی انٹرویو میں اسحاق ڈار نے کہا کہ اسرائیل ایک بے قابو ریاست بن چکی ہے جو ایک کے بعد دوسرے مسلم ملک کی خودمختاری کو چیلنج کر رہی ہے۔ آپ نے لبنان، شام، ایران اور اب قطر پر حملہ دیکھا۔ یہ روش ناقابل قبول ہے۔ جنیوا میں انسانی حقوق کونسل کو بھی متحرک کیا ہے۔ اسحاق ڈار نے کہا کہ فوجی اقدام آخری راستہ ہوتا ہے جبکہ پاکستان کی ترجیح ہمیشہ امن، بات چیت اور سفارتکاری رہی ہے، تاہم اگر بات چیت ناکام ہو جائے اور جارحیت رکنے کا نام نہ لے تو پھر مؤثر عملی اقدامات ضروری ہوں گے، جن میں اقتصادی پابندیاں، قانونی چارہ جوئی، یا علاقائی سکیورٹی فورس کی تشکیل بھی شامل ہو سکتی ہے۔ پاکستان کی جوہری طاقت کے تناظر میں سوال پر اسحاق ڈار نے کہا کہ ہماری جوہری طاقت محض دفاعی صلاحیت ہے، کبھی استعمال نہیں کی اور نہ ہی ارادہ رکھتے ہیں، لیکن اگر ہماری خودمختاری پر حملہ ہوا، تو ہم ہر قیمت پر دفاع کریں گے، چاہے وہ کوئی بھی ملک ہو۔ اسرائیل کی طرف سے قطر پر حملے کو اسامہ بن لادن کے خلاف امریکی کارروائی سے تشبیہہ دینے پر اسحاق ڈار نے اسے ایک توجہ ہٹانے کی ناکام کوشش قرار دیتے ہوئے کہا کہ دنیا جانتی ہے کہ وہ آپریشن کیا تھا۔ پاکستان خود دہشتگردی کا سب سے بڑا شکار اور سب سے بڑا فریق رہا ہے۔ بھارت سے متعلق گفتگو میں اسحاق ڈار نے کہا کشمیر ایک تسلیم شدہ تنازع ہے جس پر اقوامِ متحدہ کی قراردادیں موجود ہیں۔ بھارت کا آرٹیکل 370 کا خاتمہ اور جموں و کشمیر کو بھارت میں ضم کرنا جیسے متنازع اقدامات بین الاقوامی قوانین کی خلاف ورزی ہیں۔ انڈس واٹر ٹریٹی سے انخلا کا کوئی اختیار بھارت کو حاصل نہیں۔ اگر بھارت نے پانی کو ہتھیار بنایا تو یہ اعلانِ جنگ تصور کیا جائے گا۔ انہوں نے کہا کہ پاکستان اس معاملے کو قومی سلامتی کا مسئلہ سمجھتا ہے اور اس پر کوئی سمجھوتا نہیں کرے گا۔ اسحاق ڈار نے کہا کہ 7 تا 10 مئی کے درمیان پاکستان بھارت جھڑپوں میں پاکستان نے واضح دفاعی برتری دکھائی اور بھارت کا خطے میں سکیورٹی نیٹ کا دعویٰ دفن ہو گیا۔ افغانستان کے ساتھ تعلقات پر گفتگو کرتے ہوئے اسحاق ڈار نے بتایا کہ پاکستان اور افغانستان کے درمیان تعلقات میں بہتری آئی ہے۔ تجارت، معاہدوں اور ریلوے منصوبوں میں پیش رفت ہوئی ہے، لیکن افغانستان میں ٹی ٹی پی، بی ایل اے اور مجید بریگیڈ جیسے عناصر کی موجودگی ناقابلِ قبول ہے۔ انہوں نے مطالبہ کیا کہ ان دہشتگردوں کو پاکستان کے حوالے کیا جائے یا افغانستان سے نکالا جائے۔ ہمارے پاس مضبوط افواج اور جدید ہتھیار موجود ہیں لہذا ہم کسی کو اپنی سالمیت کی خلاف ورزی کی اجازت نہیں دیں گے۔ بھارت کے ساتھ کشمیر سمیت تمام مسائل پر مذاکرات کیلئے تیار‘ پاکستان نے دہشتگردی کیخلاف سب سے زیادہ قربانیاں دیں۔ انڈیا کا الزام لگانا باعث حیرت ہے۔ غزہ میں جنگ بندی یقینی بنائی جائے۔ دنیا کو اب اسرائیل کا راستہ روکنا ہو گا۔ اسحاق ڈار اور جرمنی کے وزیر خارجہ یوہان ویڈیفل نے باہمی مفاہمت اور مشترکہ دلچسپی کے شعبوں میں تعاون کے فروغ کے لیے قریبی رابطہ برقرار رکھنے پر اتفاق کرتے ہوئے علاقائی اور عالمی امور پر تفصیلی تبادلہ خیال کیا۔ ترجمان وزارت خارجہ کے دفتر سے جاری بیان کے مطابق نائب وزیراعظم و وزیر خارجہ اسحاق ڈار کو جرمنی کے وزیر خارجہ یوہان ویڈیفْل کی ٹیلیفون کال موصول ہوئی۔ دونوں وزرائے خارجہ نے پاکستان اور جرمنی کے درمیان تعلقات میں مثبت پیش رفت کو سراہا اور باہمی تعاون کو مزید فروغ دینے کے عزم کا اعادہ کیا۔
وزیراعظم یوتھ پروگرام کے تحت ایک لاکھ انویٹرز کو نیشنل انوویشن ایوارڈز تفویض