پاک بھارت کشیدگی،وزیراعظم کوامریکی وزیرخارجہ کاٹیلی فون،خطے کی موجودہ صورتحال پرتبادلہ خیال
اشاعت کی تاریخ: 30th, April 2025 GMT
اسلام آباد: وزیر اعظم محمد شہباز شریف سے امریکی وزیر خارجہ مارکو روبیو نے ٹیلیفون پررابطہ کیااور جنوبی ایشیا میں امن اور استحکام کے لیے تعاون جاری رکھنے کی ضرورت پر زور دیا
وزیر اعظم نے امریکی وزیر خارجہ کو خوش آمدید کہا اور صدر ڈونلڈ ٹرمپ کے لیے نیک تمناؤں کا اظہار کرتے ہوئے پاکستان کی خواہش ظاہر کی کہ وہ امریکہ کی انتظامیہ کے ساتھ باہمی دلچسپی کے تمام شعبوں میں قریبی تعاون کرنا چاہتا ہے۔
وزیر اعظم نے امریکی وزیرخارجہ کے ساتھ پہلگام واقعے کے بعدخطے کی حالیہ صورتحال کے حوالے سے پاکستان کے مؤقف سے آگاہ کیا۔
وزیر اعظم نےدہشت گردی کی ہر شکل اور صورت کی مذمت کرتے ہوئے دہشت گردی کے خلاف جنگ میں پاکستان کے قائدانہ کردار اور نوے سے ہزارسے زائد جانوں کی قربانی اور 152 ارب امریکی ڈالر سے زائد کے معاشی نقصان کو اجاگر کیا۔
انہوں نے بھارت کے اشتعال انگیز اورجارحانہ طرزعمل کو مایوس کن اور تشویشناک قرار دیتے ہوئے کہا کہ اس قسم کے اقدامات پاکستان کی دہشت گردی کے خلاف جاری کوششوں سے توجہ ہٹانے کا باعث بن سکتے ہیں، خصوصاً ان شدت پسند گروہوں جیسے داعش خراسان ، کالعدم تحریک طالبان پاکستان اور بلوچستان لبریشن آرمی (BLA) کے خلاف جو افغان سرزمین سے کارروائیاں کر رہے ہیں۔
انہوں نے بھارت کی طرف سے پاکستان کو اس واقعہ سے جوڑنے کی کوششوں کو یکسر مسترد کرتے ہوئے شفاف، قابل اعتبار اور غیرجانبدار تحقیقات کی ضرورت پر زور دیا تاکہ اصل حقائق سامنے آسکیں۔ انہوں نے امریکا پر زور دیا کہ بھارت کو اشتعال انگیزی سے باز رکھنے کے لیے کردار ادا کرے۔
انہوں نے اس امر پر بھی افسوس کا اظہار کیا کہ بھارت نے پانی کو ہتھیار بنانے کی کوشش کی، جو کہ پاکستان کے 24 کروڑ عوام کے لیے زندگی کی علامت ہے، اور یہ کہ سندھ طاس معاہدے میں کسی بھی فریق کو یکطرفہ طور پر اس سے دستبردار ہونے کی گنجائش نہیں۔
وزیر اعظم نے اس بات پر زور دیا کہ جموں و کشمیر کے تنازعے کا پُرامن حل ہی جنوبی ایشیا میں دیرپا امن کی ضمانت دے سکتا ہے۔
دوطرفہ تعاون کے حوالے سے وزیر اعظم نے کہا کہ پاکستان اور امریکہ نے گزشتہ ستر برسوں میں قریبی تعاون کیا ہے اور اب بھی کئی شعبوں میں، خصوصاً انسداد دہشت گردی اور معاشی تعاون جیسے معدنیات کے شعبے میں مل کر کام کرنے کی گنجائش موجود ہے۔
وزیر اعظم نے اس بات پر بھی روشنی ڈالی کہ ان کی حکومت نے گزشتہ ایک سال میں بڑے پیمانے پر معاشی اصلاحات کی ہیں، اور اب پاکستان اقتصادی بحالی کی راہ پر گامزن ہے۔
امریکی وزیرخارجہ نے تفصیلی گفتگو پر وزیر اعظم کا شکریہ ادا کیا اور جنوبی ایشیا میں امن اور استحکام کے لیے دونوں ممالک کے درمیان تعاون جاری رکھنے کی ضرورت پر زور دیا۔
ذریعہ
ذریعہ: Daily Mumtaz
کلیدی لفظ: امریکی وزیر پر زور دیا انہوں نے کے لیے
پڑھیں:
کفایت شعاری اقدامات میں بڑا ریلیف ؛ مارکیٹوں کے اوقات کار میں توسیع
سٹی 42: کفایت شعاری اقدامات میں نائب وزیر اعظم نے مارکیٹوں کے اوقات کار بڑھا کر بڑا ریلیف دےدیا
ترجمان دفتر خارجہ کے مطابقنائب وزیرِ اعظم اسحاق ڈار نے آج وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کے اجلاس کی صدارت کی
کمیٹی نے جاری کفایت شعاری اقدامات کا جائزہ لیا ۔کمیٹی نے مارکیٹوں کے اوقاتِ کار، دن کے اوقات میں اضافے اور گرمیوں کے بلند درجۂ حرارت کو مدنظر رکھتے ہوئے کاروبار بند کرنے کے اوقات میں توسیع کا فیصلہ کیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
کمیٹی کے فیصلے کے مطابق دکانیں، بازار، شاپنگ مالز اور عمومی ریٹیل کاروبار رات 9:00 بجے تک کھلے رہیں گے۔کمیٹی کے فیصلے کے مطابق ریستوران، کیفے اور کھانے پینے کے مراکز رات 11:00 بجے تک کھلے رہیں گے۔
تاہم ٹیک اوے اور ڈیلیوری سروسز ان اوقات کار سے مستثنیٰ ہوں گی۔شادی ہالز اور تقریبات کے مقامات رات 10:00 بجے تک کھلے رہیں گے۔ضروری خدمات بشمول فارمیسی، ہسپتال، پٹرول پمپس، آئی ٹی اور ٹیلی کام سے متعلق خدمات کو بھی مستثنیٰ قرار دیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ رابطے میں رہتے ہوئے ان ہدایات پر مؤثر عملدرآمد کو یقینی بنائیں۔کمیٹی نے ایجنڈے میں شامل دیگر معاملات اور کیسز پر بھی غور کیا اور ان کی منظوری دی۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات، اور آئی ٹی و ٹیلی کام شریک ہوئے۔اجلاس میں وزیرِ اعظم کے معاونِ خصوصی برائے خزانہ؛ نائب وزیرِ اعظم کے معاونِ خصوصی بھی موجود تھے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
سیکریٹریز تجارت، کابینہ، پیٹرولیم، اور آئی ٹی و ٹیلی کمیونیکیشنز؛ نیز صوبائی حکومتوں کے سینئر حکام نے بھی اجلاس میں شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ