حقیقی نمائندگی اور وسائل دینے سے ہی بلوچستان کے مسائل حل ہونگے، شاہد خاقان عباسی
اشاعت کی تاریخ: 1st, May 2025 GMT
کوئٹہ میں میڈیا سے گفتگو کرتے ہوئے شاہد خاقان عباسی نے کہا کہ آئین میں رہ کر وسائل کی تقسیم کرنی ہے اور معاملات کو چلانا ہے۔ اس سے باہر جائینگے تو معاملات خراب ہونگے۔ اسلام ٹائمز۔ سابق وزیراعظم اور عوام پاکستان پارٹی کے سربراہ شاہد خاقان عباسی کا کہنا ہے بلوچستان 10، 15 سالوں سے سانحات کا شکار ہے۔ آج بلوچستان کی شاہراہیں محفوظ نہیں ہیں۔ صوبے کی معیشت متاثر ہو رہی ہے اور نوجوان مایوس ہو رہے ہیں۔ سوچنے کی ضرورت ہے کہ بلوچستان میں یہ معاملات کیوں ہیں؟ کوئٹہ میں سیاسی رہنماء نوابزادہ حاجی لشکری رئیسانی کے ہمراہ میڈیا سے گفتگو کرتے ہوئے شاہد خاقان عباسی نے کہا کہ جب تک ملک میں سیاسی انتشار کو ختم نہیں کیا جائے گا، معاملات آگے نہیں بڑھیں گے۔ جب تک قانون کی حکمرانی نہیں ہوگی۔ ملک کے معاملات آگے نہیں بڑھیں گے۔ آئین میں رہ کر وسائل کی تقسیم کرنی ہے اور معاملات کو چلانا ہے۔ اس سے باہر جائیں گے تو معاملات خراب ہوں گے۔
انہوں نے کہا یہ ممکن نہیں کہ پاکستان امیر ہو اور بلوچستان غریب رہ جائے۔ بلوچستان کو پاکستان کا امیر ترین صوبہ ہونا چاہیے۔ بلوچستان کے وسائل جب تک یہاں کے نوجوانوں کو نہیں ملیں گے، امن نہیں آئے گا۔ شاہد خاقان عباسی نے کہا دہشت گردی کا مقابلہ ہم پر لازم ہے لیکن یہ معاملات کیوں پیدا ہو رہے ہیں، اس کی جڑ تک جانا ہوگا۔ یہ ممکن نہیں کہ بلوچستان میں لوگ اغوا ہو رہے ہوں، قتل ہو رہے ہوں اور ملک کے معاملات درست چل رہے ہوں۔ عوام کو حقیقی نمائندگی اور وسائل دینے سے ہی بلوچستان کے مسائل حل ہوں گے۔ انہوں نے کہا یہ ہمارا رسمی دورہ نہیں، آج پاکستان کی ضرورت ہے کہ لوگ جانیں کہ بلوچستان کے لوگ کیا سوچ رہے ہیں۔
ذریعہ: Islam Times
کلیدی لفظ: شاہد خاقان عباسی بلوچستان کے نے کہا ہو رہے
پڑھیں:
ابوظہبی میں خودکار روبوٹیکسی سروس، 2026 میں مکمل آغاز کا منصوبہ
ابوظہبی میں خودکار روبوٹیکسی سروس کےآزمائشی مرحلہ کو توسیع دیتے ہوئے 2026 میں باضابطہ طور میں اس کے مکمل آغاز کا اعلان کیا گیا ہے۔
یہ بھی پڑھیں:اڑن کھٹولا یا فضائی ٹیکسی، بوستان کے رہائشی کار مکینک نے سب کو حیران کردیا
امارات نیوز ایجنسی وام کے مطابق محکمہ بلدیات و ٹرانسپورٹ سے منسلک ادارہ انٹیگریٹڈ ٹرانسپورٹ سینٹر (ابوظہبی موبیلیٹی) نے آٹوگو (کنٹسوجی ہولڈنگ کی ذیلی کمپنی) اور اپالو گو (چین کی کمپنی بائیڈو کی ذیلی کمپنی) کے تعاون سے خودکار روبوٹیکسی سروس کو مزید وسعت دی ہے۔
یہ آزمائشی مرحلہ 2026 میں اس سروس کے مکمل آغاز کی تیاریوں کا حصہ ہے، جو ابوظہبی کے اسمارٹ اور مؤثر نقل و حمل کے وژن کے مطابق ہے۔
چھٹی نسل کی روبوٹیکسی گاڑیوں (آر ٹی 6) کو اس انداز میں تیار کیا گیا ہے کہ وہ مصنوعی ذہانت سے چلنے والے جدید نظام کے ذریعے درست سمت میں نیوی گیشنز کر سکیں اور سڑک کی حقیقی صورتحال کے مطابق فوری ردعمل دے سکیں۔
یہ منصوبہ ابوظہبی موبیلیٹی کی اس وسیع حکمت عملی کا حصہ ہے جس کا مقصد حقیقی دنیا کے حالات میں سروس کی کارکردگی کا جائزہ لے کر اسے بتدریج وسعت دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
2026 ابو ظہبی ربو ٹیکسی
پاکستانی اداکاروں کا پہلگام واقعے پر اظہارِ افسوس