اسحاق ڈار کا صومالی ہم منصب عبدالسلام عبدی علی سے ٹیلیفونک رابطہ
اشاعت کی تاریخ: 1st, May 2025 GMT
سٹی 42 : نائب وزیرِ اعظم اسحاق ڈار نے آج صومالی ہم منصب عبدالسلام عبدی علی سے ٹیلیفون پر گفتگو کی ۔
ترجمان دفتر خارجہ کے مطابق اسحاق ڈار نے صومالی وزیرِ خارجہ کو صومالیہ کا وزیرِ خارجہ مقرر ہونے پر مبارکباد پیش کی, انہوں نے بھارت کے بے بنیاد پراپیگنڈے اور یکطرفہ اقدامات بشمول سندھ طاس معاہدے کی معطلی کے باعث خطے میں پیدا ہونے والی کشیدہ صورتحال سے آگاہ کیا۔ صومالی وزیرِ خارجہ نے اس صورتحال پر تشویش کا اظہار کیا, انہوں نے خطے میں امن و سلامتی کے لیے سفارتی ذرائع سے مسائل کے حل کی اہمیت پر زور دیا۔
دبئی پاورلفٹنگ اینڈ باڈی بلڈنگ انٹرنیشنل چیمپئن شپ: پاکستان نے گولڈ میڈل حاصل کرلیا
اقوامِ متحدہ کی سلامتی کونسل کے غیر مستقل ارکان کی حیثیت سے دونوں رہنماؤں نے کثیرالملکی تعاون کو مضبوط بنانے کے عزم کا اعادہ کیا, فریقین نے دو طرفہ تعلقات کو مزید مضبوط بنانے پر بھی اتفاق کیا۔
.ذریعہ: City 42
پڑھیں:
غزہ معاہدہ: اسحاق ڈار اسلامی وزرائے خارجہ اجلاس میں شرکت کیلئے آج استنبول جائینگے
اسلام آباد (خبر نگار خصوصی) نائب وزیراعظم و وزیر خارجہ سینیٹر محمد اسحاق ڈار ترک وزیر خارجہ کی دعوت پر (آج) پیر کو ایک روزہ دورے پر استنبول جائیں گے۔ جہاں وہ عرب- اسلامی وزرائے خارجہ کے رابطہ اجلاس میں شرکت کریں گے۔ اتوار کو دفتر خارجہ سے جاری بیان کے مطابق استنبول اجلاس کے دوران پاکستان جنگ بندی معاہدے پر مکمل عمل درآمد، مقبوضہ فلسطینی علاقوں، بالخصوص غزہ سے اسرائیلی افواج کے مکمل انخلا، فلسطینی عوام کو بلا رکاوٹ انسانی امداد کی فراہمی اور غزہ کی تعمیرِ نو کی ضرورت پر زور دے گا۔ پاکستان اس بات کو بھی دہرائے گا کہ تمام فریقوں کو مل کر ایک آزاد، قابلِ عمل اور جغرافیائی طور پر متصل فلسطینی ریاست کے قیام کے لیے کوششیں تیز کرنی چاہئیں، جس کا دارالحکومت القدس الشریف ہو، جو 1967 سے قبل کی سرحدوں پر مبنی ہو اور جو اقوامِ متحدہ کی متعلقہ قراردادوں اور عرب امن منصوبے کے مطابق ہو۔
ڈی جی این سی سی آئی اے وقار الدین سید کو عہدے سے ہٹا دیا گیا