صوبائی وزیر صحت خواجہ سلمان رفیق کی زیر صدارت اجلاس،چلڈرن ہارٹ سرجری پروگرام کا جائزہ لیا
اشاعت کی تاریخ: 3rd, May 2025 GMT
لاہور (اُردو پوائنٹ اخبارتازہ ترین - اے پی پی۔ 03 مئی2025ء) صوبائی وزیر صحت خواجہ سلمان رفیق کی زیر صدارت محکمہ سپیشلائزڈ ہیلتھ کیئر اینڈ میڈیکل ایجوکیشن میں اہم اجلاس منعقد ہوا۔اجلاس کے دوران چیف منسٹرز چلڈرن ہارٹ سرجری پروگرام کا تفصیلی جائزہ لیا گیا۔سی ای او پنجاب ہیلتھ انشی ایٹو مینجمنٹ کمپنی ڈاکٹر علی رزاق نے اس حوالہ سے بریفننگ بھی دی۔
صوبائی وزیر صحت نے اظہار خیال کرتے ہوئے کہاکہ چیف منسٹرز چلڈرن ہارٹ سرجری پروگرام حکومت پنجاب کا فلیگ شپ پروگرام ہے۔چیف منسٹرز چلڈرن ہارٹ سرجری پروگرام کے تحت ابھی تک الحمدللہ 3690 سے زائد معصوم بچوں کی ہارٹ سرجریز کر چکے ہیں۔ بچوں کی ہارٹ سرجری پنجاب کے ام پینلڈ 6 سرکاری جبکہ 11 نجی ہسپتالوں میں کی جا رہی ہے۔ صحت کے اس منفرد پروگرام کے تحت ابھی تک بچوں کی اربوں روپوں کی مفت ہارٹ سرجریز کر چکے ہیں۔(جاری ہے)
وزیر اعلی پنجاب کے تینوں تاریخی پروگرامز چیف منسٹرز چلڈرن ہارٹ سرجری ، چیف منسٹرز ڈائیلسز اور چیف منسٹرز سپیشل انشی ایٹو فار ٹرانسپلانٹ پروگراموں میں مزید بہتری لائی جا رہی ہے۔ چیف منسٹرز چلڈرن ہارٹ سرجری پروگرام میں شفافیت کو سو فیصد یقینی بنایا جا رہا ہے۔اجلاس میں چیئرمین وزیر اعلی پنجاب ایڈوائزری کمیٹی برائے امراض قلب ڈاکٹر فرقد عالمگیر اور سیکرٹری صحت پنجاب عظمت محمود خان نے شرکت کی۔اجلاس کے دوران سپیشل سیکرٹریز طارق محمود رحمانی اور ذیشان شبیر رانا، ایڈیشنل سیکرٹری ٹیکنیکل ڈاکٹر محمد وسیم، ایڈیشنل سیکرٹری ڈاکٹر وحید اصغر اور ایڈیشنل سیکرٹری ایڈمن نے شرکت کی۔اجلاس میں وائس چانسلر یونیورسٹی آف چائلڈ ہیلتھ سائنسز پروفیسر مسعود صادق، سی ای او پی ایچ آئی ایم سی ڈاکٹر علی رزاق سمیت دیگر افسران نے شرکت کی۔اس موقع پر ام پینلڈ سرکاری و نجی ہسپتالوں کے نمائندگان نے بھی شرکت کی۔.ذریعہ: UrduPoint
کلیدی لفظ: تلاش کیجئے شرکت کی
پڑھیں:
چیئرمین سی ڈی اے کی زیر صدارت اجلاس، غیر قانونی کار پارکنگ کے خلاف زیرو ٹالرینس اپنانے کا فیصلہ
چیئرمین سی ڈی اے کی زیر صدارت اجلاس، غیر قانونی کار پارکنگ کے خلاف زیرو ٹالرینس اپنانے کا فیصلہ WhatsAppFacebookTwitter 0 15 September, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا نے پیر کے روز سی ڈی اے ہیڈکوارٹرز میں ایک اہم اجلاس کی صدارت کی۔ اجلاس میں آئی جی پولیس سید علی ناصر رضوی، سی ڈی اے کے بورڈ ممبران، اسلام آباد ٹریفک پولیس، آئی سی ٹی انتظامیہ اور سی ڈی اے کے سنئیر افسران نے شرکت کی۔ اجلاس میں غیر قانونی کار پارکنگ کے خلاف زیرو ٹالرینس اپنانے کا فیصلہ کیا گیا۔ اجلاس میں دارالحکومت اسلام آباد میں ٹریفک کے مسائل کو حل کرنے اور غیر قانونی کار پارکنگ کے مسائل کے حوالے سے متعدد فیصلے کئے گئے۔ چیئرمین سی ڈی اے نے کہا کہ اسلام آباد کی مرکزی شاہراہوں پر گاڑیاں پارک کرنے کی اجازت نہیں ہوگی اور غیر قانونی طور پر گاڑی پارک کرنے پر سخت قانونی کارروائی عمل میں لائی جائے گی۔ اجلاس میں پاک سیکریٹریٹ ٹریفک یونٹ (ایس ٹی یو)تشکیل دینے کا فیصلہ کیا گیا۔
چیئرمین سی ڈی اے و چیف کمشنر اسلام آباد نے سنئیر افسران پر مشتمل سیکریٹریٹ یونٹ فوری طور پر متحرک کرنے کی ہدایت کی۔ اجلاس کو بریفننگ دیتے ہوئے بتایا گیا کہ اس خصوصی یونٹ میں ڈی ایس پی ٹریفک، ضلعی انتظامیہ اور سی ڈی اے افسران شامل ہیں۔اجلاس کو بتایا گیا کہ پاک سیکریٹریٹ میں نئی تعمیر شدہ پارکنگ کو سرکاری دفاتر کے ملازمین اور عوام الناس کیلئے کھول دیا گیا ہے جبکہ پاک سیکریٹریٹ میں پارکنگ مستقل حل کیلئے جامع مسجد اور کوہسار بلاک سے متصل دو نئے پارکنگ ایریاز پر کام کا آغاز کیا جارہا ہے۔اجلاس میں پاک سیکریٹریٹ کی مرکزی شاہراہ سے مستقل بنیادوں پر گاڑیوں کو ہٹانے کا فیصلہ کیا گیا۔ اجلاس کو بتایا گیا کہ ان نئی پارکنگز میں پاک سیکریٹریٹ کے ملازمین کی آسانی کیلئے ویلٹ سروسز متعارف کرائی جارہی ہیں۔ آئی جی اسلام آباد سید علی ناصر رضوی نے کہا کہ اسلام آباد میں غلط سمت (رانگ وے)گاڑی چلانے پر کوئی رعایت نہیں برتی جائے گی۔ انہوں نے کہا کہ غیر قانونی پارکنگ اور غلط سمت (رانگ وے)پر گاڑی چلانے والوں کے خلاف ابتک 165 ایف آئی آرز کا اندارج کیا جاچکا ہے۔ آئی جی اسلام آباد پولیس نے کہا کہ یکم اکتوبر سے بغیر لائسنس گاڑی/ موٹر سائیکل چلانے والوں کے خلاف بھی سخت قانونی کارروائی کی جائیں گی۔
چیئرمین سی ڈی اے نے غیر قانونی پارکنگ اور ٹریفک قوانین پر عملدرآمد کیلئے آگاہی مہم چلانے کی ہدایت کی۔ اجلاس کو بتایا گیا کہ سیکٹر F-6, F-7 اور E-7 میں قائم اسکولوں کیلئے مخصوص پارکنگ کی سہولیات بھی فراہم کی جائیں گی۔چیئرمین سی ڈی اے نے پلاننگ ونگ کو اضافی پارکنگ مقامات کی نشاندہی کیلئے فوری منصوبہ بندی کی ہدایت کی۔ بریفننگ دیتے ہوئے بتایا گیا کہ ٹریفک کے بہتر نظام کیلئے جدید ترین سائن ایج سسٹم نصب کیا جارہا ہے۔ اجلاس میں ہوٹلوں اور ریستورانوں کے باہر گندگی پھیلانے والے عناصر پر جرمانے عائد کرنے کے احکامات جاری کئے گئے۔ اجلاس کو بتایا گیا کہ یہ فیصلہ اسلام آباد شہر میں صفائی ستھرائی کے اعلی انتظامات کو برقرار رکھنے کے لئے کیا گیا ہے۔اجلاس میں فیصلہ کیا گیا کہ ہوٹلوں اور ریستورانوں کے باہر کوڑا کرکٹ پھیلانے والے عناصر کی سیف سٹی کیمروں کے ذریعے نگرانی کی جائے گی۔ چیئرمین سی ڈی اے نے ہدایت کی کہ اس ضمن میں روزانہ کی بنیاد پر غلط پارکنگ اور گندگی پھیلانے والے عناصر کی رپورٹس بھی مرتب کی جائیں۔ انہوں نے تاجر یونینز کو ان اقدامات کے حوالے سے اعتماد میں لینے کی ہدایت کی۔چیئرمین سی ڈی اے نے کہا کہ غیر قانونی پارکنگ اور گندگی پھیلانے کے معاملات پر زیرہ ٹالرنس پالیسی اپنائی جائے۔ انہوں نے کہا کہ ان اقدامات کا مقصد ٹریفک قوانین پر عملدرآمد کرتے ہوئے اسلام آباد شہر کے ٹریفک کے مسائل حل کرنے کے ساتھ ساتھ صاف ستھرا ماڈل شہر بنانا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمیچ ریفری کیخلاف آئی سی سی کو دیر سے خط، پی سی بی کے ڈائریکٹر انٹرنیشنل کرکٹ معطل میچ ریفری کیخلاف آئی سی سی کو دیر سے خط، پی سی بی کے ڈائریکٹر انٹرنیشنل کرکٹ معطل لکی مروت اور شمالی وزیرستان میں دو نئے پولیو کیسز کی تصدیق،رواں سال کیسز کی تعداد 26ہوگئی غیر قانونی طور پر سمندر کے راستے ایران جانے کی کوشش ناکام، 22ملزمان گرفتار ہمارے کچھ لوگ اسٹیبلشمنٹ کے ایجنڈے پر بے وقوف بن جاتے ہیں، وزیراعلی علی امین گنڈاپور پہلا کویلیم ٹی 20کرکٹ ٹورنامنٹ شاندار انداز میں اختتام پذیر، فرسان کمپنی کے چیف ایگزیکٹو چوہدری افضل مبشر چیمہ مہمان خصوصی نیتن یاہو سے ملاقات، امریکا کا ایک بار پھر اسرائیل کی غیر متزلزل حمایت کا اعلانCopyright © 2025, All Rights Reserved
رابطہ کریں ہماری ٹیم
وہاڑی میں دریائے ستلج پر سیلابی ریلا، ہیڈ اسلام اور دیگر بندوں کو شدید خطرہ