بندوق اٹھانے کی سزا پورے خاندان کو دینا نا انصافی ہے، کشمیری سکھ لیڈر
اشاعت کی تاریخ: 3rd, May 2025 GMT
گردوارہ پربندھک کمیٹی کے صدر کلونت سنگھ نے دہشت گردی کے خلاف بھارتی ایجنسیز کی کارروائیوں پر تعجب اور حیرت کا اظہار کرتے ہوئے کہا کہ جس کسی شخص نے بھی بندوق اٹھائی وہ غلط ہے۔ اسلام ٹائمز۔ پہلگام حملے کی مذمت کرتے ہوئے وادی کشمیر کے معروف سکھ لیڈر ماسٹر کلونت سنگھ نے دہشت گردی کے خلاف جنگ کے دوران "بے گناہ لوگوں کے رہائشی مکانات تباہ" کرنے کے عمل کے خلاف اپنی ناراضگی کا اظہار کیا۔ کلونت سنگھ نے ان باتوں کا اظہار پہلگام حملے میں ملوث ہونے کے الزام میں مقامی افراد کے مکانات کو بارودی مواد سے اڑانے کے پس منظر میں کہی۔ یاد رہے کہ پہلگام حملے کے بعد بھارت کی سکیورٹی ایجنسیز نے کئی ایسے افراد کا حملہ میں شبہ ظاہر کیا تھا جنہوں نے ماضی میں عسکری تنظیم میں شمولیت اختیار کی تھی۔ انہوں نے کہا کہ پہلگام میں جو کچھ ہوا ہو یقیناً قابل مذمت ہے کیونکہ نہتے سیاحوں پر حملہ پوری انسانیت کا قتل ہے۔
گردوارہ پربندھک کمیٹی کے صدر ماسٹر کلونت سنگھ نے دہشت گردی کے خلاف بھارتی ایجنسیز کی کارروائیوں پر تعجب اور حیرت کا اظہار کرتے ہوئے کہا کہ جس کسی شخص نے بھی بندوق اٹھائی، وہ غلط ہے۔ انہوں نے کہا کہ حکومت کو چاہیئے کہ ایسے افراد کو پکڑ کر انہیں سزا دی جائے، نہ کہ گھر کے دیگر افراد کو۔ کلونت سنگھ نے کہا کہ ایک شخص کے گناہوں یا غلطی کی سزا اس کے پورے کنبے کو نہیں دی جا سکتی۔ انہوں نے کہا کہ جو گھر بم دھماکوں میں اڑائے گئے، اس گھر میں رہائش پذیر ہماری ماں بہنوں کی کیا غلطی۔ انہوں نے کہا "میرے خیال میں یہ کارروائی مناسب نہیں، جس نے خطا کی صرف اسی کو سزا ملنی چاہیئے، ان کے والدین کا گھر تباہ کرنا کہاں کا انصاف ہے"۔
ذریعہ: Islam Times
کلیدی لفظ: کلونت سنگھ نے انہوں نے کہا نے کہا کہ کا اظہار کے خلاف
پڑھیں:
بالی ووڈ کے کپور خاندان پر ڈاکیومنٹری جلد نیٹ فلیکس پر ریلیز کی جائے گی
بالی ووڈ کی تاریخ میں پہلی بار کپور خاندان کی نجی اور فلمی زندگی پر مبنی خصوصی ڈاکیومنٹری نیٹ فلکس پر ریلیز کی جارہی ہے، جس کے ذریعے مداحوں کو اس لیجنڈری خاندان کے پس منظر، روایات اور تعلقات کا قریب سے مشاہدہ کرنے کا موقع ملے گا۔
یہ بھی پڑھیں:کپور خاندان کو نریندرمودی سے کیوں ملنا پڑا؟
ڈاکیومنٹری کا عنوان Dining With The Kapoors ہے، جو 21 نومبر 2025 کو ریلیز ہوگی۔ اس فلم میں کپور خاندان کی وراثت کو پیش کیا گیا ہے، جس کا آغاز پرتھوی راج کپور سے ہوا اور آج رنبیر کپور، کرینہ کپور خان اور کرشمہ کپور جیسے ستاروں تک پہنچ چکی ہے۔
نیٹ فلکس کی جانب سے جاری پوسٹر میں خاندان کی مختلف نسلوں کے ارکان کو ایک ساتھ دکھایا گیا ہے، جن میں رندھیر کپور، نیتو کپور، ببیتا کپور، ردھیما کپور سہنی، آدار جین، ارمان جین، زہان کپور، ناویا نویلی نندا اور اگستیہ نندا شامل ہیں۔
View this post on Instagram
A post shared by Netflix India (@netflix_in)
ڈاکیومنٹری میں خاندان کے داماد اور رشتہ دار بھی شامل کیے گئے ہیں، جن میں سیف علی خان، بھارت سہنی اور کنال کپور کے علاوہ دیگر افراد بھی شامل ہوں گے۔ فلم میں ان کے خاندانی میل جول، کھانوں سے محبت، سینما کے ساتھ رشتہ اور وہ روایات دکھائی جائیں گی جو دہائیوں سے کپور خاندان کی پہچان رہی ہیں۔
یہ بھی پڑھیں: کپور حویلی، جس نے کپور خاندان کو اب تک پشاور سے جوڑے رکھا ہے
پروجیکٹ کے خالق ارمان جین نے اسے ایک جذباتی تجربہ قرار دیتے ہوئے کہا کہ انہوں نے اس کام میں کہانی، خاندان اور کھانے سے اپنی محبت کو یکجا کیا ہے۔ ان کے مطابق کپور خاندان میں اصل جادو ہمیشہ کھانے کی میز کے گرد بیٹھتے ہوئے ہوتا تھا جہاں کہانیاں، قہقہے اور یادیں مل کر رشتوں کو مضبوط بناتے تھے۔
یہ ڈاکیومنٹری نیٹ فلکس کی جانب سے کپور خاندان کی تاریخ پر پہلا جامع فیچر ہے۔ اس سے قبل 2024 میں راج کپور کی صد سالہ سالگرہ کے موقع پر بھارت بھر میں ان کی فلموں کی خصوصی اسکریننگ کا اہتمام کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ببیتا کپور بھارت ڈاکیومنٹری ردھیما کپور سہنی رندھیر کپور سیف علی خان کپور فیملی کرینہ کپور نیتو کپور نیٹ فلیکس
آج وزیراعلیٰ مریم نواز شریف کی سالگرہ ہے