اعزاز احمد چوہدری نے پاکستان کیلئے نمایاں خدمات انجام دیں، وزیر اطلاعات
اشاعت کی تاریخ: 8th, September 2025 GMT
اسلام آباد (نیوز ڈیسک) وفاقی وزیر اطلاعات عطاء اللہ تارڑ نے سابق سیکریٹری خارجہ اعزاز احمد چوہدری کی تصنیف کی تقریب رونمائی سے خطاب کرتے ہوئے کہا کہ اعزاز احمد چوہدری نے پاکستان کے لیے نمایاں خدمات انجام دیں۔
وزیر اطلاعات نے کہا کہ پاکستان اور بھارت کے تعلقات کو دو قومی نظریے کے تناظر میں دیکھنا چاہیے۔ پاکستان نے کبھی جارحیت کا راستہ نہیں اپنایا بلکہ ہمیشہ خطے میں امن کے لیے کلیدی کردار ادا کیا۔
انہوں نے کہا کہ افواج پاکستان نے بھارتی جارحیت کو ناکام بنایا اور ہمیشہ ملکی دفاع میں اہم کردار ادا کیا۔ بھارت کی موجودہ حکومت نے اقلیتوں کی زندگی اجیرن بنا دی ہے اور اب دنیا بھر میں دہشت گردی میں ملوث ہے۔ کینیڈا اور دیگر ممالک میں سکھ رہنماؤں کے قتل کے واقعات بھارتی دہشت گردی کا واضح ثبوت ہیں۔
عطاء اللہ تارڑ نے کہا کہ پاکستان نے کامیاب سفارت کاری کے ذریعے دنیا میں اپنا نقطہ نظر مؤثر انداز میں پیش کیا۔ پاکستان نے دہشت گردی کے خلاف جنگ میں سب سے زیادہ قربانیاں دیں اور ہماری افواج نے نہ صرف پاکستان بلکہ دنیا کو محفوظ بنانے کے لیے جانوں کی قربانی دی۔
وزیر اطلاعات کے مطابق بھارت پاکستان میں دہشت گردی میں ملوث ہے اور اب وہ پانی کو بھی بطور ہتھیار استعمال کر رہا ہے۔ پاکستان نے ہمیشہ امن اور انصاف کی بات کی ہے۔
Post Views: 4.
ذریعہ
ذریعہ: Daily Mumtaz
کلیدی لفظ: وزیر اطلاعات پاکستان نے کہا کہ
پڑھیں:
سونے کی قیمت میں نمایاں کمی،فی تولہ نئی قیمت جانئے
اسلام آباد(نیوز ڈیسک)آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 18 سو روپے سستا ہو گیا ہے، جس کے بعد نئی قیمت 4 لاکھ 32 ہزار 36 روپے ہو گئی ہے۔
اسی طرح 10 گرام سونے کی قیمت بھی ایک ہزار 5 سو 43 روپے کی کمی کے بعد 3 لاکھ 70 ہزار 401 روپے پر آ گئی ہے۔
یاد رہے کہ ایک روز قبل یعنی بدھ کو سونے کی فی تولہ قیمت میں 46 سو روپے کا اضافہ ہوا تھا، جس کے بعد یہ 4 لاکھ 33 ہزار 836 روپے تک پہنچ گئی تھی۔ قبل ازیں منگل کو بھی سونے کی فی تولہ قیمت 4 ہزار 700 روپے اضافے کے بعد 4 لاکھ 29 ہزار 236 روپے ہو گئی تھی۔
بین الاقوامی مارکیٹ میں بھی سونے کی قیمت میں کمی دیکھنے میں آئی، جہاں قیمت 18 ڈالر کم ہو کر 4 ہزار 96 ڈالر فی اونس (20 ڈالر پریمیم کے ساتھ) ہو گئی۔
دوسری جانب چاندی کی قیمت میں بھی کمی ریکارڈ کی گئی ہے، اور فی تولہ چاندی 33 روپے سستی ہو کر 6 ہزار 3 سو 70 روپے پر آ گئی ہے۔
تجزیہ کاروں کے مطابق ملک میں سونے اور چاندی کی قیمتوں میں کمی کی بنیادی وجہ عالمی مارکیٹ میں قیمتوں کے اتار چڑھاؤ اور ڈالر ریٹ کے باعث واقع ہوئی ہے۔
مزید پڑھیں۔پیٹرولیم مصنوعات کی قیمتوں میں بڑا اضافہ کردیا گیا،نئی قیمتیں جانئے
پاکستان نے ورلڈ کپ 2028 کیلیے براہ راست کوالیفائی کر لیا