پاکستانی فضائی حدود کی بندش کے 10 دن، بھارت کو 2 ارب روپے کا نقصان
اشاعت کی تاریخ: 3rd, May 2025 GMT
بھارتی پروازوں کے لئے پاکستانی فضائی حدود بندش کے 10 واں روز متاثرہ پروازوں کی 1000سے تجاوز کرگئی جبکہ نقصان کا حجم 200 کروڑ تک پہنچ گیا۔
ذرائع کے مطابق پاکستانی فضائی حدود کی بندش سے10 روز کے دوران 1000 بھارتی پروازیں متاثر ہوئی ہیں،جس کے سبب انڈیا کی مختلف ائیرلائنز کو200 کروڑ بھارتی روپے سے زائد نقصان کا سامنا ہے۔
ذرائع کے مطابق ائیرانڈیا، آکاسا ائیر،اسپائس جیٹ، انڈیگو ائیر،ائیر انڈیا ایکسپریس کی پروازیں مسلسل منسوخی کا شکار ہیں کیونکہ پاکستان کی فضائی حدود بندش سے بھارتی طیاروں کو آدھے بھارت سے ہوکر بحیرہ عرب سے جانا پڑ رہا ہے۔
لمبے روٹ سے فیول اور دیگر دگنے اخراجات نے بھارتی ائیرلائنز کی کمر توڑ کر رکھ دی،انڈیگو ائیرکاوسط ایشیائی ملکوں کے لیے تاحال فضائی آپریشن معطل ہے۔
دہلی، ممبئی امرتسر بنگلور احمد آباد سے دبئی کی بھارتی پروازیں بھی شدید متاثر ہیں،امریکا جانے والی بھاتی پروازوں کےعملے کو یورپ میں تبدیل کرنا پڑ رہا ہے جبکہ دوبار لینڈنگ اورری فیولنگ سے بھارتی ائیرلائنز کوائیرپورٹ چارجز کی مد میں بھی یومیہ کروڑوں کے اخراجات کا سامنا ہے۔
بھارتی مسافروں کو دہلی، ممبئی، امرتسر احمد سے امریکا برطانیہ یورپ کی پروازوں کا دورانیہ 4 سے 10 گھنٹے تک بڑھنے سے شدید پریشانی لاحق ہے۔
بھارتی مسافروں کو پروازیں منسوخ ہونے پرائیرلائنزسے ریفنڈز بھی نہ مل سکے،پاکستان نے ابتدائی طورپر 23 اپریل سے 23 مئی تک ایک۔ماہ تک کے لیے بھارتی طیاروں کے لیے اپنی فضائی حدود ایک ماہ کے لئے بند کرنے کا فیصلہ کیا تھا۔
واضح رہے2019 میں پاکستان کی فضائی حدود بندش سے بھارتی ایرلائنز کو 700 کروڑ بھارتی روپے کا جھٹکا لگا تھا۔
.ذریعہ: Express News
پڑھیں:
پاکستانی ٹیم کی شرٹ پہنے مداح کو اسٹیڈیم سے نکالنے پر لنکاشائر کاؤنٹی نے معافی مانگ لی
لندن:انگلینڈ اور بھارت کے درمیان اولڈ ٹریفورڈ میں کھیلے گئے چوتھے ٹیسٹ میچ کے دوران پاکستانی ٹیم کی ٹی شرٹ پہننے پر مداح کو اسٹیڈیم سے نکالنے کے واقعے پر لنکا شائر کاؤنٹی کلب نے معذرت کرلی۔
پاکستانی مداح فاروق نذر نے اس واقعے کی ویڈیو سوشل میڈیا پر پوسٹ کی تھی جس میں دکھایا گیا کہ کس طرح سیکیورٹی اہلکار نے اُن سے کہا کہ وہ اپنی سبز رنگ کی پاکستان ٹیم کی ٹی شرٹ کو ڈھانپ لیں, فاروق نذر نے یہ درخواست ماننے سے انکار کیا جس کے بعد پولیس اہلکاروں نے انہیں اسٹیڈیم سے باہر نکال دیا۔
لنکا شائر کی جانب سے جاری بیان میں کہا گیا کہ اس رویے سے کسی کو تکلیف پہنچی ہو تو ہم معذرت خواہ ہیں اور مستقبل میں ایسے واقعات سے نمٹنے کے لیے اپنی پالیسیوں پر نظرثانی کریں گے۔
مزید پڑھیں: بھارت اور انگلینڈ کے چوتھے ٹیسٹ میں پاکستانی ٹیم کی شرٹ پہننے والا مداح اسٹیڈیم بدر
کلب کے مطابق اس واقعے سے ایک روز قبل یعنی ہفتے کے دن پاکستانی اور بھارتی شائقین کے درمیان ایک اور واقعہ پیش آیا تھا جب کچھ مداحوں نے پاکستان کا قومی پرچم لہرایا جس سے بھارتی شائقین کے ساتھ تلخی پیدا ہوئی۔ اس صورتحال کو سکیورٹی عملے نے تحمل سے حل کیا اور پرچم لہرانے والے مداحوں نے احتراماً پرچم واپس رکھ دیا۔
اسی تناظر میں اتوار کو سکیورٹی ٹیم نے محتاط اور حفاظتی رویہ اختیار کرتے ہوئے فاروق نذر سے متعدد بار مؤدبانہ انداز میں کہا کہ وہ اپنی شرٹ کو ڈھانپ لیں تاکہ کسی ممکنہ تصادم سے بچا جا سکے مگر انہوں نے بار بار انکار کیا۔
لنکا شائر کے بیان میں مزید کہا گیا ہم واضح کرنا چاہتے ہیں کہ صرف پاکستان کی شرٹ پہننے پر مداح کو نہیں نکالا گیا بلکہ ہمارا اقدام صرف حفاظتی خدشات کی بنیاد پر تھا۔
یاد رہے کہ حالیہ مہینوں میں بھارت اور پاکستان کے درمیان کشیدگی میں اضافہ ہوا ہے جس کا اثر کرکٹ تعلقات پر بھی پڑا ہے۔
حال ہی میں لیجنڈز کرکٹ ٹورنامنٹ کے دوران بھارتی کرکٹرز نے پاکستان کے خلاف دو میچز کھیلنے سے انکار کیا جن میں سیمی فائنل بھی شامل تھا۔
اب آنے والے ایشیا کپ میں بھی بھارتی میڈیا اور سابق کرکٹرز پاکستان کے خلاف بائیکاٹ کا مطالبہ کر رہے ہیں جس سے صاف ظاہر ہوتا ہے کہ بھارت کھیل کو سیاست کا شکار بنا رہا ہے۔
شہر قائد میں آئندہ ایک ہفتے تک تیز بارش کا کوئی امکان نہیں