24 نومبر کو لاہور کی سڑکوں پر لوگوں کو ڈھونڈتا رہا لیکن کوئی بھی نہیں نکلا، سلمان اکرم راجا
اشاعت کی تاریخ: 5th, May 2025 GMT
پاکستان تحریک انصاف (پی ٹی آئی) کے رہنما سلمان اکرم راجا نے کہا ہے کہ یہ کہنا کہ لاکھوں کروڑوں لوگ تیار ہیں کال دیں، کال میں کل دے دوں گا۔ لیکن 24 نومبر (2024) کو میں لاہور کی سڑکوں پر موجود تھا، میں لوگوں کو ڈھونڈتا رہا لیکن کوئی بھی نہیں نکلا تھا۔
یہ کہنا کہ لاکھوں کروڑوں لوگ تیار ہیں کال دیں، کال میں کل دے دوں گا۔ 24 نومبر کو میں لاہور کی سڑکوں پر موجود تھا، میں لوگوں کو ڈھونڈتا رہا لیکن کوئی بھی نہیں نکلا تھا
بیرسٹر سلمان اکرم راجہ کی گفتگو ???? pic.
— Faisal Khan (@KaliwalYam) May 4, 2025
سوشل میڈیا پلیٹ فارم ایکس پر ’ایکس سپیس‘ میں گفتگو کرتے ہوئے سلمان اکرم راجا نے کہا کہ 24 نومبر کو میں لاہور کی سڑکوں پر گھومتا رہا لیکن کوئی نظر نہیں آیا۔ لوگوں نے کہا تھا کہ ہم فلاں جگہ آئیں اور پولیس کو چکمہ دے کر اور بیرئیر کو توڑتے ہوئے نکل جائیں گے، مگر میں لوگوں کو ڈھونڈتا رہا۔
مزید پڑھیں: تینوں بہنوں اور سلمان اکرم راجا کو عمران خان سے ملنے سے روک دیا گیا
ان کا کہنا تھا کہ کہا گیا تھا کہ ایک قافلہ فلاں پوائنٹ سے نکلے گا، پولیس کو انگیج کیا جائے مگر ایسا اس دن کچھ بھی نہیں ہوا تھا۔ کال تو میں کل دے دوں گا مگر ہمیں بہت سوچ سمجھ کر آگے بڑھنا ہوگا۔
یاد رہے کہ بانی پی ٹی آئی عمران خان نے 13 نومبر 2024 کو اڈیالہ جیل سے ایک پیغام کے ذریعے 24 نومبر کو اسلام آباد میں احتجاجی مارچ کی ’فائنل کال‘ دی تھی۔ انہوں نے اس احتجاج کو چوری شدہ مینڈیٹ کے خلاف اور آئین میں حالیہ تبدیلیوں کے خلاف تحریک قرار دیا تھا۔ انہوں نے اپنے حامیوں سے اپیل کی تھی کہ وہ اسلام آباد پہنچیں تاکہ حکومت پر دباؤ ڈالا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی سلمان اکرم راجا عمران خان فائنل کال لاہورذریعہ: WE News
کلیدی لفظ: پی ٹی ا ئی سلمان اکرم راجا فائنل کال لاہور لاہور کی سڑکوں پر سلمان اکرم راجا رہا لیکن کوئی بھی نہیں نومبر کو
پڑھیں:
اسلام آباد ہائیکورٹ کا سلمان اکرم راجہ کی بانی سے آج ہی ملاقات کرانے کا حکم
اسلام آباد ہائیکورٹ کا سلمان اکرم راجہ کی بانی سے آج ہی ملاقات کرانے کا حکم WhatsAppFacebookTwitter 0 4 November, 2025 سب نیوز
اسلام آباد: (آئی پی ایس) اسلام آباد ہائیکورٹ نے جیل حکام کو سلمان اکرم راجہ کی بانی پی ٹی آئی عمران خان سے آج ہی ملاقات کرانے کی ہدایت کر دی۔
اسلام آباد ہائیکورٹ کے جسٹس ارباب محمد طاہر نے بانی پی ٹی آئی کا ایکس اکاؤنٹ بند کرنے کیلئے دائر درخواست پر سماعت کی، عمران خان کے وکیل سلمان اکرم راجہ پیش ہوئے جبکہ بانی پی ٹی آئی کی بہن علیمہ خان بھی عدالت میں موجود تھیں۔
دوران سماعت جیل حکام کی جانب سے رپورٹ عدالت میں جمع کرائی گئی، جس پر عدالت نے جواب کی کاپی فریقین کو فراہم کرنے کی ہدایت کی، جبکہ نیشنل سائبر کرائم انویسٹی گیشن ایجنسی نے عدالت سے جواب جمع کرانے کیلئے وقت مانگ لیا۔
وکیل سلمان اکرم راجہ نے کہا کہ میری بانی پی ٹی آئی تک رسائی نہیں، ہدایات لینے کے بعد ہی جواب دے سکتا ہوں۔
جسٹس ارباب محمد طاہر نے سلمان اکرم راجہ سے استفسار کیا کہ کیا آپ کے پاس اختیار نہیں ہے؟ جس پر ایڈووکیٹ سلمان اکرم راجہ نے کہا کہ میں نے بانی پی ٹی آئی کے ساتھ بیٹھ کر مشاورت کرنی ہے۔
جسٹس ارباب محمد طاہر نے استفسار کیا کہ جیل حکام نے آج آنا تھا، وہ کہاں ہیں؟ جیل حکام نے کوئی رپورٹ جمع کرائی ہوئی ہے وہ لے لیجئے گا۔
سلمان اکرم راجہ نے کہا کہ اسلام آباد ہائیکورٹ کے فُل بنچ کے حکم کے باوجود ہماری بانی پی ٹی آئی سے ملاقات نہیں کرائی جا رہی، جس پر جسٹس ارباب محمد طاہر نے ریمارکس دیئے کہ ہم یہ درخواست ملاقات کیلئے نہیں سُن رہے، ایڈووکیٹ سلمان اکرم راجہ نے کہا کہ عدالت یہ ہدایت کر دے کہ بانی پی ٹی آئی سے میری ملاقات کرا دی جائے۔
عدالت نے کہا کہ فُل بنچ نے بانی پی ٹی آئی سے ملاقاتوں کا آرڈر کیا تو تھا، جس پر ایڈووکیٹ سلمان اکرم راجہ کا کہنا تھا کہ وہ صرف زبانی آرڈر تھا، تحریری حکمنامہ نہیں ملا۔
جسٹس ارباب محمد طاہر نے استفسار کیا کہ آرڈر نہیں ملا؟ ہم نے آرڈر پر دستخط کر دیئے تھے، آپ نے آرڈر کیلئے اپلائی نہیں کیا ہوگا، جس پر سلمان اکرم راجہ نے کہا کہ ہم نے اپلائی کیا تھا کاپی نہیں ملی، اب دوبارہ کر دیتے ہیں۔
عدالت نے ہدایت کی کہ جیل حکام سلمان اکرم راجہ کی بانی پی ٹی آئی سے ملاقات یقینی بنائیں۔
ایڈووکیٹ سلمان اکرم راجہ نے کہا کہ آج ملاقات کا دن ہے، آج ہی ملاقات کرانے کا حکم دیں، جس پر عدالت نے کہا کہ آج ہو یا آئندہ منگل ملاقات ہو جائے، وکیل نے استدعا کی کہ آج ہی ملاقات کیلئے آرڈر میں لکھ دیا جائے۔
جسٹس ارباب طاہر نے کہا کہ جیل حکام آج ہی بانی پی ٹی آئی سے سلمان اکرم راجہ کی ملاقات یقینی بنائیں، ڈپٹی اٹارنی جنرل اور سٹیٹ کونسل فون کال کے ذریعے جیل حکام کو آگاہ کریں، اس پر سلمان اکرم راجہ نے کہا کہ آپ کے پچھلے آرڈر سے تو ہمیں ملاقات نہیں کرنے دی گئی، آج پھر کوشش کر لیتے ہیں، کوشش جاری رکھیں گے، کسی دن تو یہ دروازہ کھلے گا، پچھلے سات آٹھ ماہ سے مسلسل عدالتی حکم کی توہین کی جا رہی ہے۔
ایڈووکیٹ سلمان اکرم راجہ نے کیس سے متعلق بانی سے مشاورت کیلئے وقت مانگ لیا اور کہا کہ بانی سے ملاقات کر کے عدالت کو کیس سے متعلق آگاہ کروں گا۔
عدالت نے سلمان اکرم راجہ کو بانی سے ملاقات کی اجازت دینے کی ہدایت کرتے ہوئے کیس کی سماعت ملتوی کر دی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایک سو نوے ملین پاؤنڈ کیس: بشریٰ بی بی کی سزا معطلی کیس جلد سماعت کیلئے مقرر کرنے کی درخواست ایک سو نوے ملین پاؤنڈ کیس: بشریٰ بی بی کی سزا معطلی کیس جلد سماعت کیلئے مقرر کرنے کی درخواست دوحہ معاہدہ کی خلاف ورزی: افغانستان دہشتگردوں کی محفوظ پناہ گاہ بن گیا، اقوام متحدہ رپورٹ حکومت کا 27 ویں آئینی ترمیم رواں ماہ ہی منظور کروانے کا پلان تیار غزہ میں بین الاقوامی فورسزکی تعیناتی کیلئے متفقہ فریم ورک تیارکر رہے ہیں، ترک وزیرخارجہ آرٹیکل 53 شق 3 اور آرٹیکل 61 کے تحت سینیٹر سیدال خان قائم مقام چیئرمین سینیٹ مقرر معروف سیاسی و سماجی شخصیت میر مصطفی مدنی گلگت بلتستان کو قائم مقام وزیراعلی بنائے جانے کا امکانCopyright © 2025, All Rights Reserved
رابطہ کریں ہماری ٹیم
وزیر سائنس و ٹیکنالوجی سے وزیر دفاعی پیداوار کی ملاقات