200 سے زائد سکھ یاتری کرتار پور بارڈر پہنچ گئے‘ پرتپاک استقبال
اشاعت کی تاریخ: 5th, May 2025 GMT
شکر گڑھ (نامہ نگار) پاکستان بھارت کشیدگی کے باوجود امن کی راہداری، کرتارپور راہداری معمول کے مطابق گزشتہ روز بھی کھلی رہی۔ کرتارپور راہداری کے ذریعے 200 سے زائد سکھ یاتری کرتاپور بارڈر ٹرمینل پہنچے تو دربار انتظامیہ نے استقبال کیا۔ سکھ یاتریوں نے مذہبی رسومات ادا کیں۔ ماتھا ٹیکا اور گورو دوارہ کے درشن دیدار کئے۔ یاتریوں کا کہنا تھا کہ ہمیں بھارت کی طرف سے بہت ڈرایا گیا تھا تاہم پاکستان آ کر بہت خوشی محوس ہو رہی ہے یہاں پر بہت پیار کرنے والے لوگ ہیں اور پاکستان ایک پرامن ملک ہے۔
.ذریعہ: Nawaiwaqt
پڑھیں:
بھارت چند گھنٹے سے زائد پانی نہیں روک سکتا:سابق واٹر کمشنر
اسلام آباد (ڈیلی پاکستان آن لائن )سابق واٹر کمشنر شیراز میمن کا کہنا ہے کہ بھارت چند گھنٹے سے زائد پاکستان کا پانی نہیں روک سکتا۔
نجی ٹی وی جیو نیوز سے گفتگو کرتے ہوئے شیزار میمن کا کہنا تھا کہ بھارت بگلیہار ڈیم میں چند گھنٹے سے زائد پانی نہیں روک سکتا، گرمیوں میں بھارت کے پاس پانی روکنے کی چوائس بہت محدود ہے۔ان کا کہنا تھا بھارت صرف سردیوں میں پانی روک سکتا ہے کیونکہ سردیوں میں پانی کی مقدار کم ہوتی ہے۔
شیراز میمن کا کہنا تھاکہ بھارت کو پانی کے ایشو پر مذاکرات کی میز پر آنا ہی پڑے گا، بھارت جانتا ہے کہ وہ معاہدے کو یکطرفہ ختم نہیں کر سکتا۔
سابق انڈس واٹر کمشنر کا کہنا تھا کہ حکومت کا اقوام متحدہ جانے کا فیصلہ بروقت ہے، بھارتی آبی جارحیت سے دنیا کو آگاہ رکھنا ضروری ہے۔انہوں نے کہا کہ بھارت اور پاکستان کے درمیان جنگ ممکن نہیں دونوں ایٹمی پاور ہیں، بھارت ہمارا ازلی دشمن ہے ورلڈ بینک سے رجوع کرنا ہو گا، ورلڈ بینک اور نیوٹرل ایکسپرٹ سندھ طاس معاہدے کے ضامن ہیں۔
سپریم کورٹ آئینی بنچ نے فوجی عدالتوں میں سویلینز ٹرائل فیصلے کیخلاف اپیلوں پر فیصلہ محفوظ کرلیا
مزید :
محمد اسحاق ڈار کا ڈیوڈ لیمی سے رابطہ، بھارتی پروپیگنڈے سے آگاہ کیا