بابا گورونانک کا 556ویں جنم دن، ننکانہ صاحب کے تعلیمی اداروں میں 3 روزہ تعطیل
اشاعت کی تاریخ: 1st, November 2025 GMT
بابا گورونانک دیو جی کے 556ویں جنم دن کی تقریبات کے سلسلے میں ننکانہ صاحب میں تیاریاں مکمل کر لی گئی ہیں۔
ضلعی انتظامیہ کے مطابق 4 سے 6 نومبر تک تمام سرکاری و نجی تعلیمی ادارے بند رہیں گے، جب کہ بابا گورونانک یونیورسٹی میں بھی 3 سے 6 نومبر تک تعلیمی سرگرمیاں معطل رہیں گی۔
ترجمان ضلعی انتظامیہ نے بتایا کہ تقریبات کے پیشِ نظر شہر کے کالجز بھی بند رکھنے کا فیصلہ کیا گیا ہے۔ چیف ایگزیکٹو ایجوکیشن شازیہ بانو اور یونیورسٹی انتظامیہ نے تعلیمی ادارے بند رکھنے کا باضابطہ نوٹیفکیشن جاری کر دیا ہے۔
یہ بھی پڑھیے: ننکانہ صاحب: سکھ جوڑے کی شادی کا اندراج ’سکھ میرج ایکٹ‘ کے تحت کردیا گیا
واضح رہے کہ بابا گورونانک دیو جی کے جنم دن کی تقریبات میں شرکت کے لیے بھارت سمیت دنیا بھر سے ہزاروں سکھ یاتری ننکانہ صاحب پہنچیں گے۔ پاکستان ہائی کمیشن نئی دہلی نے دو روز قبل بھارت سے تعلق رکھنے والے 2100 سکھ یاتریوں کو ان تقریبات میں شرکت کے لیے ویزے جاری کیے تھے۔
دورے کے دوران سکھ یاتری ننکانہ صاحب میں گوردوارہ جنم استھان، حسن ابدال میں گوردوارہ پنجہ صاحب اور نارووال میں گوردوارہ دربار صاحب کرتارپور پر حاضری دیں گے۔
چارج ڈی افیئرز سعد احمد وڑائچ نے سکھ یاتریوں کو خوش آمدید کہتے ہوئے ان کے لیے نیک خواہشات کا اظہار کیا۔ انہوں نے کہا کہ حکومتِ پاکستان سکھ برادری کے مقدس مذہبی مقامات کے دوروں میں سہولت فراہم کرنے اور بین المذاہب ہم آہنگی کے فروغ کے لیے پُرعزم ہے۔
یہ بھی پڑھیے: مہاراجہ رنجیت سنگھ کی برسی: مختلف ممالک سے سکھ یاتری ننکانہ صاحب پہنچ گئے
یہ ویزے 1974 کے باہمی پروٹوکول برائے مذہبی مقامات کے دورے کے تحت جاری کیے گئے ہیں، جس کے ذریعے دونوں ممالک کے شہری ایک دوسرے کے مقدس مذہبی مقامات کی زیارت کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابا گرونانک تعطیل سکھ یاتری ننکانہ صاحب.ذریعہ: WE News
کلیدی لفظ: تعطیل سکھ یاتری ننکانہ صاحب سکھ یاتری ننکانہ صاحب بابا گورونانک کے لیے
پڑھیں:
آل پاکستان2 روزہ سالانہ ختم نبوت کانفرنس آج شروع ہوگی
data-id="863a0a8" data-element_type="widget" data-widget_type="theme-post-content.default">
لاہور (آئی این پی ) عالمی مجلس تحفظ ختم نبوت کے زیر اہتمام آل پاکستان دو روزہ سالانہ ختم نبوت کانفرنس چناب نگر آج مورخہ 30۔اکتوبر کو مسلم کالونی میں مفتی محمد حسن لاہور کے درس قرآن سے بڑی عقیدت کے ساتھ شروع ہو چکی ہے ۔ملک بھر سے لاکھوں کی تعداد میں شمع رسالت کے پروانے، کارکنان ختم نبوت اور اسلامیا ن پاکستان شریک ہیں ملک کے طول و عرض سے کارکنوں کے بسوں، ویگنوں اور بڑی گاڑیوں پر مشتمل قافلے پہنچ چکے ہیں مسلم کالونی کی فضا نعرہ تکبیر اللہ اکبر اور ختم نبوت زندہ باد کے فلک شگاف نعروں سے گونج رہی ہے کانفرنس کے داخلی راستوں پرخوش آمدید کے استقبالیہ بینرز آویزاں ہیں۔پولیس انتظامیہ نے پنڈال کے ارد گرد ملحقہ سڑکوں کو خاردار تاروں سے بند کیا ہوا ہے اور سیکورٹی کے پیش نظر متعدد چیک پوسٹیں بھی قائم کردی ہیں رضاکاران ختم نبوت نے پنڈال اور اسٹیج کے ارد گرد سیکورٹی حصار بنارکھا ہے پولیس انتظامیہ اور قانون نافذ کرنے والے اداروں کے ایک ہزارسے زائدپولیس افسران واہلکار فول پروف سیکورٹی پر مأمورہیں داخلی مقامات پر واک تھرو گیٹس اور سی سی ٹی وی کیمرے شرکاء کی مانیٹرنگ کے لیے نصب ہیں مخصوص انٹری پوائنٹس، واک تھرو گیٹس اور فزیکل سرچنگ کے بعد شرکا کو قطاروں میں پنڈال جانے کی اجازت ہو گی عالمی مجلس تحفظ ختم نبوت کے مرکزی رہنماؤں مولانا عزیزالرحمن جالندھری،مولانا اللہ وسایا، مولانا محمد اسماعیل شجاع آبادی، مولانا قاضی احسان احمد،مولانا عزیزالرحمن ثانی،مفتی محمد راشد مدنی ،مولانا عبد الحکیم نعمانی اور کانفرنس کے عمومی نگران مولانا محمد انس اورمولانا توصیف احمد نے کہا کہ شرکاء کانفرنس کے لیے فری ڈسپنسری، ریسکیو 1122کی سہولت، کنٹرول روم، میڈیکل کیمپ، شکایات سیل،ٹریفک پلان، قیام گاہیں مہمانان خصوصی،انفارمیشن ڈیسک ،میڈیا سیل روم،نیوز ڈیسک ،سیکورٹی پلان کیمپ،فوڈ اینڈ واٹر سپلائی،رہائش اور استقبالیہ جیسے بیسیوں شعبوں کا قیام عمل میں لایا جا چکا ہے۔کانفرنس کی متعدد نشستوں سے قائد جمعیت مولانا فضل الرحمن پیر حافظ ناصرالدین خاکوانی، صاحبزادہ خواجہ عزیز احمد، خانقاہ سراجیہ کندیاں کے سجادہ نشین صاحبزادہ خواجہ خلیل احمد،جمعیت علما پاکستان کے صاحبزادہ مولانا ابوالخیرمحمد زبیر، مولانا اویس نورانی، خواجہ مدثرمحمود تونسوی، متحدہ جمعیت اہلحدیث کے مولانا سید ضیاء اللہ شاہ بخاری، نامور روحانی شخصیت مولانا قاضی ارشدالحسینی،میاں محمد اجمل قادری، مولانا محب اللہ خان لورالائی خصوصی شرکت فرمائیں گے۔ان کے علاوہ مولانا خواجہ عبد الماجد صدیقی، مولانا قاضی ظہور الحسین اظہر، مولانا پیر عبدالرحیم نقشبندی، مولانا زاہدالراشدی سمیت دیگر خطبا اور ممتاز علما کرام اور شعرا عظام خطاب کریں گے۔
دوحہ سے استنبول تک، پاک افغان مذاکرات کے پس پردہ سرگرم ابراہیم قالن کے بارے میں آپ کیا جانتے ہیں؟