ایشن یوتھ گیمز میں شرکت کے بعد پاکستان ریسلنگ ٹیم کا واپسی پر شاندار استقبال
اشاعت کی تاریخ: 31st, October 2025 GMT
بحرین ایشن یوتھ گیمز میں شرکت کے بعد پاکستان ریسلنگ ٹیم کا لاہور واپسی پر شاندار استقبال کیا گیا۔
حسن علی نے70 کلوگرا م کیٹیگری میں بیچ ریسلنگ میں برانز میڈل جیتا۔ عبدالرحمان 80 کلوگرام کیٹیگری مییں سیمی فائنل تک رسائی پانے میں کامیاب رہے۔
ریسلرز کو علامہ اقبال ایئرپورٹ پر ریسلنگ فیڈریشن حکام اور ساتھی ریسلرز کی جانب سے پھولوں کے ہار پہنائے گے۔
صدر ریسلنگ فیڈریشن ارشد ستار کے مطابق ایشین یوتھ گیمز میں برانز میڈل ملنا بڑی کامیابی ہے۔ حسن علی ان گیمز میں انفرادی میڈل جیتنے والے واحد پاکستانی ہیں۔
ارشد ستار نے کہا کہ حسن علی بہت باصلاحیت ریسلر ہیں، ان پر مزید محنت کریں گے تاکہ یہ مستقبل میں مزید اچھی کارکردگی دکھاسکیں۔
سیکرٹری ریسلنگ فیڈریشن اور کوچ انعام بٹ نے وطن واپسی پر حسن علی کی کارکردگی کو سراہا۔
ان کا کہنا تھا کہ حسن علی نے بحرین میں پاکستان کاجھنڈا بلند کیا، جس پر ہم سب کو فخر ہے۔
سیکرٹری فیڈریشن انعام بٹ کے مطابق عبدالرحمان نے بھی زبردست کارکردگی دکھائی، ایک پوائنٹ کی وجہ سے وہ برانز میڈل جیتنے سے محروم رہے۔
.ذریعہ: Express News
پڑھیں:
ٹی20 کرکٹ میں بدترین کارکردگی، آخری 25 میچوں میں بڑی ٹیموں کے خلاف پاکستان کے نتائج کیا رہے؟
گزشتہ چند برس میں ٹی20 کرکٹ کے میدان میں پاکستان کی کارکردگی تشویشناک حد تک تنزلی کا شکار رہی ہے۔ عالمی سطح پر مضبوط حریفوں کے خلاف پاکستان کی کامیابیوں کا گراف نہ صرف نیچے گیا ہے بلکہ اعداد و شمار ایک افسوسناک تسلسل کی نشاندہی کرتے ہیں۔
اعداد و شمار کے مطابق پاکستان نے بڑی ٹیموں کے خلاف آخری 25 ٹی20 میچوں میں صرف ایک کامیابی حاصل کی، جبکہ 24 مقابلوں میں شکست کا سامنا کرنا پڑا۔ تفصیلات کے مطابق:
بھارت کے خلاف آخری 5 ٹی20 میچوں میں پاکستان تمام میچ ہارا (0-5)۔
مزید پڑھیں: پاکستانی بیٹنگ لائن ریت کی دیوار ثابت، جنوبی افریقہ نے پہلے ٹی20 میں 55 رنز سے شکست دیدی
آسٹریلیا کے خلاف پچھلے 7 میچوں میں بھی نتیجہ یکساں رہا، تمام میچ ہارے گئے (0-7)۔
انگلینڈ کے خلاف حالیہ 5 مکمل ٹی20 میچوں میں بھی پاکستان کو کوئی فتح نصیب نہ ہوئی (0-5)۔
جنوبی افریقہ کے خلاف آخری 3 مکمل مقابلوں میں بھی پاکستان کامیابی حاصل نہ کر سکا (0-3)۔
نیوزی لینڈ کے خلاف 5 میچوں کی حالیہ سیریز میں پاکستان کو صرف ایک کامیابی (1-4) ملی۔
مزید پڑھیں: بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟
ان نتائج سے ظاہر ہوتا ہے کہ پاکستان ٹیم حالیہ برسوں میں عالمی معیار کی ٹیموں کے مقابلے میں مستقل مزاجی اور جیت کا جذبہ برقرار رکھنے میں ناکام رہی ہے۔
ماہرین کے مطابق یہ کارکردگی بیٹنگ میں غیر یقینی، بولنگ میں ناہمواری اور مجموعی ٹیم حکمتِ عملی میں خلا کی عکاس ہے۔ شائقینِ کرکٹ اب آئندہ سیریز میں بہتری کی اُمید لگائے بیٹھے ہیں۔
حالیہ اعداد و شمار اس بات کی طرف اشارہ کرتے ہیں کہ پاکستان کرکٹ ٹیم کو ٹی20 فارمیٹ میں اپنی پوزیشن بحال کرنے کے لیے بڑے پیمانے پر منصوبہ بندی، ٹیم توازن اور ذہنی مضبوطی کی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا انڈیا انگلینڈ بابار اعظم پاکستان پاکستان کرکٹ بورڑ جنوبی افریقہ سلمان علی آغا نیوزی لینڈ
وزیراعظم تین روزہ دورے پر کل سعودی عرب روانہ ہوں گے