پچ سے متعلق غلط پیشگوئی پر ڈیوڈ وارنر نے شاہین کا مذاق اڑادیا
اشاعت کی تاریخ: 5th, May 2025 GMT
لاہور:
کراچی کنگز کے کپتان ڈیوڈ وارنر نے لاہور قلندرز کے قائد شاہین شاہ آفریدی کو ہلکے پھلکے انداز میں آڑے ہاتھوں لے لیا۔
اتوار کی رات قذافی اسٹیڈیم میں کھیلے گئے سنسنی خیز میچ میں کراچی کنگز نے 4 وکٹوں سے فتح حاصل کی۔ میچ کے بعد وارنر نے جہاں اپنی ٹیم کی جیت کی تعریف کی وہیں شاہین کی پچ سے متعلق پیشگوئی کو بھی مذاق کا نشانہ بنایا۔
وارنر نے مسکراتے ہوئے کہا کہ "شاہین نے کہا تھا کہ پچ اسپن کرے گی لیکن یہاں تین میچوں میں ایک گیند بھی نہیں گھومی۔ میں ان کی بات پر حیران رہ گیا تھا۔"
بارش کے باعث میچ 15 اوورز تک محدود تھا جس میں لاہور قلندرز نے 160 رنز بنائے۔ اوپنرز محمد نعیم اور فخر زمان نے دھواں دھار بیٹنگ کرتے ہوئے بالترتیب 29 گیندوں پر 65 اور 33 گیندوں پر 51 رنز کی اننگز کھیلیں۔
کراچی کنگز نے 168 رنز کا نظر ثانی شدہ ہدف تین گیندوں قبل ہی حاصل کر لیا۔ نوجوان بلے باز عرفان خان نیازی نے شاندار 48 رنز کی ناقابل شکست اننگز کھیل کر اپنی ٹیم کو فتح دلائی۔
لاہور نے اسپن کنڈیشنز کو دیکھتے ہوئے اسپنرز پر انحصار کیا مگر وارنر نے فاسٹ بولرز پر اعتماد برقرار رکھا جو ان کے حق میں گیا۔
وارنر نے کہا کہ "ہم نے اپنی حکمت عملی تبدیل نہیں کی اور بولرز نے کمال کر دیا۔ اب ٹیم میں مزید اسپنر کی گنجائش نہیں لگ رہی۔"
وارنر نے عرفان خان نیازی کی اننگز کو بھی سراہا اور کہا کہ "یہ ایک شاندار جیت تھی۔ عرفان کی اننگز نے ہمیں فتح دلائی۔ ہم نے اس پر اعتماد کیا تھا، اور اس نے آج اپنی کلاس دکھا دی۔"
اس کامیابی کے بعد کراچی کنگز پی ایس ایل 10 کے پوائنٹس ٹیبل پر 10 پوائنٹس کے ساتھ تیسرے نمبر پر آ گئی ہے، انہوں نے آٹھ میں سے پانچ میچ جیتے ہیں۔
کراچی کنگز اپنا اگلا میچ 8 مئی کو پشاور زلمی اور 10 مئی کو اسلام آباد یونائیٹڈ کے خلاف راولپنڈی میں کھیلے گی۔
.ذریعہ: Express News
کلیدی لفظ: کراچی کنگز وارنر نے
پڑھیں:
بی جے پی حکومت میں خواتین کا تحفظ مذاق بن چکا ہے، کانگریس
کانگریس نے اسطرح کے حالات پر اپنا افسوس ظاہر کرتے ہوئے کہا ہے کہ اڈیسہ میں خواتین کے خلاف جرائم تھمنے کا نام نہیں لے رہے ہیں، کچھ دنوں قبل پوری میں ہی 3 لوگوں نے ایک نابالغ بچی کا اغوا کر اسے زندہ جلا دیا تھا۔ اسلام ٹائمز۔ بھارتی ریاست اڈیسہ کے پوری ضلع میں گزشتہ دنوں ایک سیاحتی مقام پر ایک شادی شدہ جوڑے کے ساتھ بدمعاشی اور خاتون کی اجتماعی عصمت دری کا معاملہ سامنے آیا تھا۔ اس تعلق سے کانگریس نے بی جے پی حکومت کو ہدف تنقید بنایا ہے۔ کانگریس نے آج اپنے ایکس ہینڈل پر لکھا ہے کہ اڈیسہ کا جنگل راج، بی جے پی حکومت میں خواتین کی تحفظ مذاق بن چکا ہے، ضلع پوری میں ہوئی حیوانیت اس بات کا ثبوت ہے۔ واقعہ کی مختصر تفصیل پیش کرتے ہوئے کانگریس نے اپنی پوسٹ میں لکھا ہے کہ ضلع پوری ضلع میں شوہر-بیوی سیاحتی مقام پر گھومنے گئے۔ یہاں بدمعاشوں نے پہلے بغیر اجازت خاتون کی تصویر کھینچی، پھر خاتون کے ساتھ چھیڑخانی کرنے لگے، جب خاتون کے شوہر نے اس کی مخالفت کی تو بدمعاشوں نے شوہر کو یرغمال بنا کر خاتون کی اجتماعی عصمت دری کی۔
کانگریس نے اس طرح کے حالات پر اپنا افسوس ظاہر کرتے ہوئے کہا ہے کہ اڈیسہ میں خواتین کے خلاف جرائم تھمنے کا نام نہیں لے رہے ہیں، کچھ دنوں قبل پوری میں ہی 3 لوگوں نے ایک نابالغ بچی کا اغوا کر اسے زندہ جلا دیا تھا۔ وہیں بالاسور میں ایک 20 سال کی طالبہ نے شعبۂ صدر کے ذریعہ جنسی استحصال سے تنگ آ کر خودکشی کر لی تھی۔ اڈیشہ سے متعلق جرائم کے کچھ اعداد و شمار بھی کانگریس نے اپنی پوسٹ میں شیئر کئے ہیں۔ کانگریس نے بتایا ہے کہ اڈیسہ میں ہر دن 15 عصمت دریاں ہوتی ہیں۔ ریاست میں 40 ہزار سے زیادہ خواتین لاپتہ ہیں۔ عصمت دری کے خلاف آواز اٹھانے پر خواتین کی سماعت نہیں ہوتی۔ پوسٹ میں مزید لکھا گیا ہے کہ بی جے پی حکومت میں خواتین کا تحفظ محض انتخابی تقریروں کا حصہ ہے، حقیقت میں یہاں جرائم پیشے بے خوف ہیں اور خواتین خوف کے سایہ میں زندگی گزارنے کو مجبور ہیں جو کہ انتہائی شرمناک ہے۔
خیبرپختونخوا : فورسز کی کامیاب کارروائیاں، بھارتی پراکسی گروہ سے تعلق رکھنے والے 19 دہشت گرد ہلاک