پی ایس ایل: دلچسپ مقابلہ، کراچی کنگز نے لاہور قلندرز کو 4 وکٹ سے ہرادیا
اشاعت کی تاریخ: 5th, May 2025 GMT
پاکستان سپر لیگ (پی ایس ایل) سیزن 10 کے 24 ویں میچ میں کراچی کنگز نے لاہور قلندرز کو 4 وکٹ سے شکست دے دی۔
قذافی اسٹیڈیم لاہور میں کھیلے جا رہے میچ میں کراچی کنگز نے ٹاس جیت کر لاہور قلندرز کو بیٹنگ کی دعوت دی، 8 ویں اوور میں میچ بارش سے متاثر ہوا تو اسے 15، 15 اوورز تک محدود کر دیا گیا تھا۔
لاہور قلندرز نے فخر زمان اور محمد نعیم کی عمدہ بیٹنگ پرفارمنس کی بدولت مقررہ اوورز میں 8 وکٹ پر 160 رنز بنائے، ڈک ورتھ لوئیس میتھڈ کے تحت کراچی کنگز کو168 رنز کا ہدف ملا۔
کراچی کنگز نے مقررہ ہدف 3 گیندوں قبل 6 وکٹ کے نقصان پر حاصل کیا اور میچ میں فتح اپنے نام کر لی۔
کراچی کنگز کی طرف سے عرفان خان نے 21 گیندوں پر 48 رنز کی ناقابلِ شکست باری کھیلی اور ٹیم کی فتح میں نمایاں کردار ادا کیا۔
دیگر کھلاڑیوں میں سعد بیگ 25، ڈیوڈ وارنر اور ٹم سائفٹ 24، 24، محمد نبی 15 اور ونس 13 رنز شامل تھے۔
لاہور قلندرز کی طرف حارث رؤف اور ڈیرل مچل نے 2، 2 وکٹ حاصل کیں۔
اس سے قبل لاہور قلندرز کی پہلی وکٹ بارش سے بالکل پہلے گری، 7 اعشاریہ 5 اوورز میں فخر زمان اور محمد نعیم نے 90 رنز کی شراکت قائم کی، آؤٹ ہونے والے بیٹر نے 5 چھکے اور 6 چوکوں کی مدد سے 29 گیندوں پر 65 رنز کی باری کھیلی۔
فخر زمان 33 گیندوں پر 51 رنز بنا کر پویلین لوٹے، اُن کی اننگز 3 چھکوں اور 4 چوکوں سے مزین تھی، دیگر آؤٹ ہونے والے کھلاڑیوں میں عبداللّٰہ شفیق 18 رنز شامل تھے، باقی کوئی اور کھلاڑی ڈبل فیگر میں داخل نہ ہو سکا۔
کراچی کنگز کے عباس آفریدی نے 4، میر حمزہ، عامر جمال اور حسن علی نے 1، 1 وکٹ اپنے نام کی، ایونٹ میں عباس آفریدی کی وکٹوں کی تعداد 15 ہو گئی ہے۔
میچ میں لاہور قلندرز کی قیادت شاہین شاہ آفریدی جبکہ کراچی کنگز کی کپتانی کے ڈیوڈ وارنر کے سپرد ہے۔
اہم میچ کے لیے لاہور قلندرز کی ٹیم میں ایک تبدیلی کی گئی ہے، فاسٹ بولر ٹام کرن کی جگہ اسپنر رشاد حسین کو شامل کیا گیا۔
دوسری طرف کراچی کنگز کی ٹیم میں 2 تبدیلیاں کی گئی ہیں، فواد علی اور عمیر بن یوسف کی جگہ حسن علی اور سعد کو اسکواڈ کا حصہ بنایا گیا۔
Post Views: 2.ذریعہ: Daily Mumtaz
کلیدی لفظ: لاہور قلندرز کی کراچی کنگز نے میچ میں
پڑھیں:
لاہور سفاری زو میں شتر مرغ کے انڈوں سے ہیچنگ کا کامیاب تجربہ
لاہور:سفاری زو لاہور میں شتر مرغ کی افزائش نسل کے سلسلے میں ایک اہم سنگ میل عبور کر لیا گیا۔
سفاری زو میں انکیوبیٹر کے ذریعے شتر مرغ کے انڈوں سے کامیاب ہیچنگ کا پہلا تجربہ مکمل کر لیا گیا ہے۔ سفاری زو انتظامیہ کے مطابق اس کامیاب عمل کے نتیجے میں شتر مرغ کے دس صحتمند چوزے دنیا میں آئے ہیں جو اس نایاب پرندے کی مقامی سطح پر افزائش نسل کی جانب ایک بڑی پیش رفت قرار دی جا رہی ہے۔
انتظامیہ کا کہنا ہے کہ شتر مرغ کے انڈوں سے چوزے نکالنے کے عمل میں نمی کا بہت کم تناسب درکار ہوتا ہے، جس کے لیے خصوصی ماحول کی فراہمی یقینی بنائی گئی۔ انکیوبیٹر میں نمی کو کنٹرول کرنے، درجہ حرارت کو متوازن رکھنے اور دیگر تکنیکی تقاضوں کو مدِنظر رکھتے ہوئے انڈوں کی نگہداشت کی گئی۔
ابتدائی نشوونما کے دوران چوزوں کی دیکھ بھال کے لیے خصوصی ربڑ میٹس بچھائے گئے ہیں جبکہ معاون اشیاء بھی فراہم کی گئی ہیں تاکہ چوزوں کو کسی بھی ممکنہ نقصان سے بچایا جا سکے۔
انتظامیہ کے مطابق نومولود شتر مرغ کے بچے صحتمند ہیں اور بخوبی پل بڑھ رہے ہیں۔ چوزوں کی ہمہ وقت نگرانی کی جا رہی ہے اور ان کی بقا اور صحت مند نشوونما کو یقینی بنانے کے لیے ماہرین کی زیر نگرانی بھرپور اقدامات کیے جا رہے ہیں۔ زو انتظامیہ نے اس کامیابی کو جنگلی حیات کے تحفظ اور مقامی افزائش نسل کے پروگرام کی ایک بڑی کامیابی قرار دیا ہے۔
انتظامیہ کا مزید کہنا ہے کہ شائقین جنگلی حیات اب سفاری زو میں شتر مرغ کے ان ننھے چوزوں کو قریب سے دیکھنے اور ان کی اٹھکھیلیوں سے لطف اندوز ہونے کا موقع حاصل کر سکیں گے، جس سے عوامی دلچسپی اور آگاہی میں بھی اضافہ ہوگا۔
واضح رہے کہ نجی شعبے میں کئی برسوں سے شترمرغ کی کامیاب بریڈنگ کی جارہی ہے، چند برس پہلے تک پنجاب میں شترمرغ کے درجنوں فارم بنائے گئے تھے جن میں سے اب زیادہ تر بند ہوچکے ہیں۔
ایران پر اسرائیلی حملوں کی شدید ترین الفاظ میں مذمت کرتے ہیں، شہباز شریف