کراچی: دو مبینہ پولیس مقابلوں میں 3 زخمی ڈاکوؤں سمیت 6 ڈکیت گرفتار
اشاعت کی تاریخ: 5th, May 2025 GMT
کراچی:
شہر قائد کے مختلف علاقوں میں دو مبینہ پولیس مقابلوں کے دوران 3 زخمی ڈاکوؤں سمیت 6 ڈکیت گرفتار کر لیے گئے، جبکہ پولیس نے ملزمان کے قبضے سے اسلحہ اور چوری شدہ مال برآمد کر لیا۔
نیو کراچی انڈسٹریل ایریا پولیس نے بشیر چوک صدیق آباد قبرستان کے قریب ایک مبینہ پولیس مقابلہ کیا، جس میں دو ڈاکو زخمی حالت میں گرفتار ہوئے۔
پولیس کے مطابق، فائرنگ کے تبادلے میں زخمی ہونے والے ملزمان کی شناخت فیاض اور رفیق کے نام سے کی گئی ہے۔
مزید پڑھیں: کراچی، کورنگی ڈھائی نمبر پر مبینہ پولیس مقابلہ، ایک ڈاکو ہلاک، دو زخمی گرفتار
پولیس نے گرفتار ملزمان کے قبضے سے تین پستول، ایک رکشا، موبائل فون اور ایک چھینی ہوئی موٹرسائیکل برآمد کی۔ زخمی ملزمان کو فوری طور پر عباسی شہید اسپتال منتقل کر دیا گیا۔
دوسرا پولیس مقابلہ کراچی کے علاقے پاک کالونی، پرانا گولیمار اور بے نظیر پارک کے قریب ہوا، جہاں ایک ڈاکو زخمی حالت میں گرفتار کیا گیا۔
زخمی ڈاکو کی شناخت زاہد شاہ ولد ادم، عمر 21 سال کے طور پر ہوئی۔ زخمی ڈاکو کو ایدھی ایمبولینس کے ذریعے سول اسپتال منتقل کر دیا گیا۔
پولیس کے مطابق، ملزمان مختلف وارداتوں میں ملوث تھے اور ان کے خلاف مزید تحقیقات جاری ہیں۔
.ذریعہ: Express News
کلیدی لفظ: مبینہ پولیس زخمی ڈاکو
پڑھیں:
کراچی: رینجرز و پولیس کی افغان کیمپ سپر ہائی وے پر کارروائی
— فائل فوٹوکراچی میں رینجرز اور پولیس نے افغان کیمپ سپر ہائی وے پر کارروائی کی ہے۔
رینجرز کے ترجمان کے مطابق کارروائی کے دوران ڈکیتی اور اسٹریٹ کرائم کی وارداتوں میں ملوث 4 ملزمان کو گرفتار کیا گیا ہے۔
ترجمان نے بتایا کہ گرفتار ملزمان سے اسلحہ، موبائل فون اور ایک پاسپورٹ بھی برآمد کیا گیا، ملزمان شہریوں سے موبائل فون اور قیمتی اشیاء کی لوٹ مار کی وارداتوں میں ملوث ہیں۔
کراچی کے علاقے گڈاپ ٹاؤن میں رینجرز اور پولیس نے انٹیلی جنس معلومات پر کارروائی کرتے ہوئے بدنام زمانہ ڈکیت افغان گروپ کے 2ملزمان کو گرفتار کرلیا۔
رینجرز کے ترجمان کے مطابق ملزمان نے چھینے ہوئے موبائل فونز کی خرید و فروخت اور اسلحہ سپلائی میں ملوث ہونے کا اعتراف کیا ہے۔
رینجرز کے ترجمان نے بتایا کہ ملزمان عادی مجرم ہیں اور ان کے خلاف تھانہ سائٹ سپر ہائی وے میں ایف آئی آر درج ہے۔
ترجمان کے مطابق گرفتار ملزمان کو مزید قانونی کارروائی کے لئے تھانہ سائٹ پولیس کی تحویل میں دے دیا گیا ہے۔
فرانس میں نمازی کا لرزہ خیز قتل، قاتل نے ویڈیو بناکر سوشل میڈیا پر شیئر کردی