ن لیگ کا پی پی امیدوار کو ووٹ نہ دینے کا فیصلہ
اشاعت کی تاریخ: 28th, October 2025 GMT
فوٹو: اسکرین گریب
آزاد کشمیر میں ان ہاؤس تبدیلی کے معاملے میں مسلم لیگ (ن) کے اجلاس کی اندرونی کہانی سامنے آگئی۔
ذرائع کے مطابق آزاد کشمیر میں حکومت کی تبدیلی پر ن لیگ کی مشاورت مکمل ہوگئی، نئے وزیراعظم کےلیے پیپلز پارٹی کو ووٹ دینے سے انکار کردیا گیا۔
تحریک عدم اعتماد کا معاملہ الگ ہے اور قائد ایوان کا انتخاب الگ معاملہ ہے، حکومت کی تبدیلی کےلیے پیپلز پارٹی کا ن لیگ ساتھ دے گی۔
وزیراعظم آزاد کشمیر چوہدری انوار الحق نے استفسار کیا ہے کہ اگر نمبر گیم پوری ہے تو تحریک عدم اعتماد کیوں نہیں لاتے؟
ذرائع کے مطابق آزاد کشمیر اسمبلی میں قائد ایوان کے انتخاب کےلیے ن لیگ نے پی پی امیدوار کو ووٹ نہ دینے کا فیصلہ کیا ہے۔
اجلاس میں فیصلہ کیا گیا کہ پیپلز پارٹی سے آزاد کشمیر میں جلد الیکشن سے متعلق مشاورت ہوگی، سیاسی رابطہ کمیٹی نے آزاد کشمیر کی پارلیمانی پارٹی کو پیپلز پارٹی سے طے فارمولے پراعتماد میں لیا ہے۔
ذرائع کے مطابق اجلاس میں آئندہ کا سیاسی حکمت عملی پر بھی غور کیا گیا اور طے پایا کہ مسلم لیگ ن آزاد کشمیر میں نئی حکومت کا حصہ نہیں بنے گی۔
سیاسی رابطہ کمیٹی آزاد کشمیر کی قیادت سے سیاسی حکمت عملی سے متعلق تجاویز مانگ لیں، کمیٹی وزیراعظم شہباز شریف کو وطن واپسی پر بریفنگ دے گی۔
ذرائع کے مطابق اجلاس میں احسن اقبال، رانا ثناءاللّٰہ، وزیر امورِ کشمیر انجینئر امیر مقام، ن لیگ آزاد کشمیر کے صدر شاہ غلام قادر، راجا فاروق حیدر، پارلیمانی ارکان اور مرکزی عہدیداران میں سیکریٹری جنرل طارق فاروق، سینئر نائب صدر مشتاق منہاس نے شرکت کی۔
.
ذریعہ
ذریعہ: Jang News
کلیدی لفظ: ذرائع کے مطابق ا پیپلز پارٹی
پڑھیں:
نوجوانوں کو آسان اقساط پر الیکٹرک بائیکس اور ٹیکسیاں بلا سود دینے کا فیصلہ
صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیے جانے کی توقع ہے۔ اسلام ٹائمز۔ حکومت پنجاب نے نوجوانوں کو آئندہ مالی سال میں الیکٹرک بائیکس اور ٹیکسیاں دینے کا فیصلہ کیا ہے۔ آئندہ مالی سال میں 50 ہزار الیکٹرک بائیکس اور 5 ہزار الیکٹرک ٹیکسیاں بلاسود دینے کا فیصلہ کیا گیا ہے۔ ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔
پنجاب کے وزیر ٹرانسپورٹ بلال اکبر خان نے کہا کہ ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت دی جائے گی، رجسٹریشن سمیت دیگر مراعات بھی دی جائیں گی۔ صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیئے جانے کی توقع ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ