این اے 251، نون لیگ اور پشتونخوا میپ ایک صف پر، جے یو آئی کے امیدوار کی حمایت
اشاعت کی تاریخ: 13th, December 2025 GMT
این اے 251 کے 22 پولنگ اسٹینشز پر ہونیوالی ری پولنگ میں جمعیت علمائے اسلام کے امیدوار کی حمایت کا اعلان کر دیا۔ عوام الناس کیجانب سے پشتونخوا میپ کی حمایت پر شدید تنقید کی جا رہی ہے۔ اسلام ٹائمز۔ حکومتی جماعت پاکستان مسلم لیگ (ن) اور اپوزیشن کی پشتونخوا ملی عوامی پارٹی نے بلوچستان سے قومی اسمبلی کی نشست این اے 251 کے 22 پولنگ اسٹینشز پر ہونیوالی ری پولنگ میں جمعیت علمائے اسلام کے امیدوار کی حمایت کا اعلان کر دیا۔ عوام الناس کی جانب سے پشتونخوا میپ کی حمایت پر شدید تنقید کی جا رہی ہے۔ تفصیلات کے مطابق پشتونخوا نیشنل عوامی پارٹی کے امیدوار خوشحال خان کاکڑ نے حلقے میں دھاندلی کے خلاف الیکشن کمیشن سے رجوع کیا۔ جن کی درخواست پر الیکشن کمیشن نے حلقے کے 22 پولنگ اسٹیشنز پر ری پولنگ کا اعلان کیا۔ اس سلسلے میں 18 دسمبر کو ری پولنگ ہوگی۔ پاکستان مسلم لیگ (ن) کے صوبائی رہنماء طورگل خان جوگیزئی نے ری پولنگ کے حوالے سے کہا ہے کہ پاکستان مسلم لیگ (ن) این اے 251 کے 22 پولنگ اسٹیشنز پر دوبارہ الیکشن میں جمعیت علماء اسلام کے امیدوار کے حمایت کا اعلان کرتی ہیں۔
دوسری جانب تحریک تحفظ آئین پاکستان میں شامل جماعت پشتونخوا ملی عوامی پارٹی کے مرکزی سیکرٹریٹ میں مرکزی جنرل سیکرٹری عبدالرحیم زیارتوال سے جمعیت علماء اسلام کے صوبائی امیر مولانا عبدالواسع کی قیادت میں وفد نے ملاقات کی۔ جس میں پشتونخوا ملی عوامی پارٹی نے 22 پولنگ سٹیشنز پر جے یو آئی کے امیدوار مولانا سمیع الدین کی مکمل حمایت کا اعلان کیا۔ پشتونخوا ملی عوامی پارٹی کے اس اقدام پر عوام الناس کی جانب سے جماعت پر تنقید کی جا رہی ہے۔ عوام الناس کا کہنا ہے کہ ایک طرف پشتونخوا میپ فارم 47 کے خلاف تحریک چلا رہی ہے تو دوسری طرف مسلم لیگ (ن) کے ساتھ ایک ہی صف میں کھڑی ہو گئی ہے۔ واضح رہے کہ پشتونخوا نیشنل عوامی پارٹی اور پشتونخوا ملی عوامی پارٹی دو الگ جماعتیں ہیں۔ پشتونخوا نیپ کے سربراہ خوشحال خان کاکڑ، جبکہ پشتونخوا میپ کے سربراہ محمود خان اچکزئی ہیں۔ پشتونخوا نیپ بعض اختلافات کے باعث پشتونخوا میپ سے الگ ہو گئی تھی۔ بعض تجزیہ کاروں کا خیال ہے کہ پشتونخوا میپ نے ذاتی اختلافات کی بنیاد پر خوشحال خان کاکڑ کی حمایت سے اجتناب کیا ہے۔
ذریعہ: Islam Times
کلیدی لفظ: پشتونخوا ملی عوامی پارٹی حمایت کا اعلان پشتونخوا میپ عوام الناس کے امیدوار کے 22 پولنگ مسلم لیگ ری پولنگ اسلام کے کی حمایت رہی ہے
پڑھیں:
پی ٹی آئی کا 20 دسمبر کو قومی کانفرنس بلانے کا اعلان
data-id="863a0a8" data-element_type="widget" data-widget_type="theme-post-content.default">
251211-01-14
اسلام آباد (مانیٹرنگ ڈیسک /صباح نیوز) پی ٹی آئی نے 20 اور 21 دسمبر کو اسلام آباد میں قومی مشاورتی کانفرنس منعقد کرنے کا اعلان کردیا۔ اپوزیشن اتحاد کے ذرائع کا کہنا ہے کہ پی ٹی آئی نے 2 روزہ قومی کانفرنس کے سلسلے میں پیپلز پارٹی سے رابطے کا فیصلہ کیا ہے۔ ذرائع اپوزیشن اتحاد کے مطابق پیپلز پارٹی سے رابطہ تحریک تحفظ آئین پاکستان کے پلیٹ فارم سے ہوگا‘ پیپلز پارٹی کو کانفرنس میں شرکت کی دعوت دی جائے گی۔ ذرائع کے مطابق مسلم لیگ ن کو قومی کانفرنس میں دعوت نہیں دی جا رہی ہے‘قومی کانفرنس میں سیاسی ڈائیلاگ کا راستہ نکالنے پر غور ہوگا۔ذرائع اپوزیشن اتحاد کے مطابق حکومت کو مذاکرات کے لیے محمود اچکزئی سمیت سیاسی رفقا کی بانی سے ملاقات کرانا ہوگی۔ تحریک تحفظ آئین پاکستان کا ہنگامی اجلاس محمود خان اچکزئی کی صدارت میں منعقد ہوا، اجلاس میں اڈیالہ جیل کے باہر عمران خان کی بہنوں پر مبینہ ریاستی تشدد کی شدید مذمت کرتے ہوئے مطالبہ کیا گیا کہ حکومت مذاکرات سے پہلے اسلام آباد ہائی کورٹ کے احکامات پر عمل کرے ۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر