عمران خان کو اڈیالہ جیل سے منتقل کرنے کا کوئی امکان نہیں: جیل ذرائع
اشاعت کی تاریخ: 10th, December 2025 GMT
data-id="863a0a8" data-element_type="widget" data-widget_type="theme-post-content.default">
بانی پاکستان تحریک انصاف (پی ٹی ائی) اور سابق وزیراعظم عمران خان کی اڈیالہ جیل سے منتقلی کے حوالے سے زیر گردش خبریں جیل ذرائع نے قیاس آرائی قرار دیتے ہوئے مسترد کر دی ہیں۔
نجی ٹی وی کی رپورٹ کے مطابق جیل حکام کا کہنا ہے کہ بانی پاکستان تحریک انصاف عمران خان اس وقت اڈیالہ جیل میں موجود ہیں اور ان کا مکمل خیال رکھا جا رہا ہے، پمز اسپتال کی پانچ رکنی ڈاکٹرز ٹیم نے حال ہی میں ان کا طبی معائنہ کیا، جس میں ان کی صحت کو مکمل طور پر درست قرار دیا گیا اور سکیورٹی کے ساتھ ساتھ کھانے کی مناسب سہولیات بھی فراہم کی جا رہی ہیں۔
ذرائع نے واضح کیا کہ بانی پی ٹی آئی کی جیل سے کسی اور مقام پر منتقلی کا کوئی امکان زیر غور نہیں ہے اور اس بارے میں کوئی فیصلہ نہیں کیا گیا۔ یہ وضاحت اس وقت سامنے آئی جب پچھلے دنوں خبریں گردش کر رہی تھیں کہ وفاقی حکومت عمران خان کو اڈیالہ جیل سے منتقل کرنے پر غور کر رہی ہے۔
وفاقی حکومت کے مطابق ملک میں بعض معاملات ایسے ہیں جہاں صورتحال انتہائی سنجیدہ ہے اور تحریک انصاف کے احتجاجی اقدامات ملک کو عدم استحکام کی جانب لے جا سکتے ہیں۔
وزیراعظم کے کوآرڈینیٹر اختیار ولی نے بھی اس ضمن میں کہا تھا کہ وہ چاہتے ہیں کہ قیدی کو اڈیالہ سے منتقل کیا جائے اور حکومت اس امکان پر سنجیدگی سے غور کر رہی ہے، تاہم جیل ذرائع نے اس قیاس آرائی کو بے بنیاد قرار دیتے ہوئے کہا کہ عمران خان اڈیالہ جیل میں محفوظ ہیں اور ان کی دیکھ بھال کا ہر پہلو یقینی بنایا گیا ہے۔
ذریعہ
ذریعہ: Jasarat News
کلیدی لفظ: اڈیالہ جیل جیل سے
پڑھیں:
نواز شریف این او سی لے کر گلگت بلتستان گئے، راناثنا
وزیر اعظم کے مشیر برائے سیاسی امور رانا ثنا اللّٰہ نے کہا ہے کہ نواز شریف گلگت بلتستان کے الیکشن کمیشن سے این او سی لیکر وہاں گئے تھے، کوئی حکومتی وزیر گلگت بلتستان نہیں گیا نہ کسی نے وہاں مہم چلائی۔
پروگرام آج شاہ زیب خانزادہ کے ساتھ میں بات کرتے ہوئے رانا ثنا اللّٰہ نے کہا کہ پی ٹی آئی کے چیئرمین گوہر خان گلگت بلتستان میں جلسے کر رہے ہیں، میٹنگز کر رہے ہیں انہیں تو کوئی نہیں روک رہا۔
رانا ثنا نے کہا کہ اگر بیرسٹر گوہر خان اجازت لیکر جا سکتے ہیں تو سلمان اکرام راجا کو بھی ایسا ہی کرنا چاہیے۔
انہوں نے مزید کہا کہ گلگت بلتستان میں پی ٹی آئی کا کوئی اُمیدوار مقابلے میں ہے ہی نہیں، وہاں صاف، شفاف اور کریڈیبل انتخابات ہونگے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ