پی ٹی آئی اور وفاق میں اختلافات شدید، اتوار کو پشاور میں سہیل آفریدی کا پہلا جلسہ، آگے کیا ہوگا؟
اشاعت کی تاریخ: 5th, December 2025 GMT
وزیراعلیٰ خیبر پختونخوا سہیل آفریدی جمعرات کو عمران خان سے ملاقات کیے بغیر نویں بار اڈیالہ جیل سے واپس لوٹ گئے، لیکن پاکستان تحریک انصاف کے مطابق اتوار کو پشاور میں سہیل آفریدی کا پہلا سیاسی جلسہ ہونے جا رہا ہے جس میں وہ آئندہ کے لیے لائحہ عمل بھی دیں گے۔
وفاق سے شدید اختلافات کے باوجود سہیل آفریدی جمعرات کے روز محکمہ خزانہ گئے، جہاں این ایف سی کی میٹنگ میں شرکت کی۔ این ایف سی میٹنگ کے بعد سہیل آفریدی اپنی کابینہ کے ممبران اور پارٹی رہنماؤں کے ساتھ عمران خان سے ملاقات کی غرض سے اڈیالہ جیل پہنچ گئے، جہاں ان کو عمران خان سے ملاقات کی اجازت نہ مل سکی۔
یہ بھی پڑھیں: عمران خان سے ملاقات: وزیراعلیٰ سہیل آفریدی کو اڈیالہ جیل جانے سے روک دیا گیا
سہیل آفریدی کا کہنا تھا کہ وہ وزیراعلیٰ بننے کے بعد نویں بار اڈیالہ جیل آئے لیکن ملاقات نہ ہو سکی۔ ’ایک صوبے کا منتخب وزیراعلیٰ جیل آ رہا ہے لیکن اسے ملاقات کی اجازت نہیں مل رہی۔‘
سہیل آفریدی نے نویں بار ملاقات نہ ہونے پر شدید غصے کا اظہار بھی کیا اور کہاکہ حکومت مستقل رہنے والی نہیں، ان کی حرکات یاد رکھی جائیں گی۔
وفاق اور خیبر پختونخوا میں دوریاں شدید، آگے کیا ہو گا؟پاکستان تحریک انصاف کے جیل میں قید بانی عمران خان سے ملاقات نہ ہونے پر سہیل آفریدی حکومت اور وفاق کے درمیان دوریاں مزید شدت اختیار کر گئی ہیں۔ وفاق کی جانب سے خیبر پختونخوا میں گورنر راج کی خبروں کی بھی بازگشت سنائی دے رہی ہے۔ جبکہ سہیل آفریدی بھی عمران خان کی رہائی کے لیے احتجاجی تحریک شروع کرنے کی تیاریاں کررہے ہیں۔
پی ٹی آئی کے اندرونی ذرائع بتا رہے ہیں کہ سہیل آفریدی کے وزیراعلیٰ بننے کے بعد پارٹی پہلے کی نسبت زیادہ فعال ہو گئی ہے اور احتجاج میں بھی تیزی دیکھنے میں آئی ہے۔ ان کے مطابق 7 دسمبر کو پشاور میں بڑا جلسہ ہونے جا رہا ہے جو سہیل آفریدی کا پہلا بڑا سیاسی جلسہ ہوگا۔
صدر پی ٹی آئی خیبر پختونخوا جنید اکبر نے تمام کارکنان سے اتوار کو ہونے والے جلسے میں بھرپور شرکت کی اپیل کی۔ ان کے مطابق پشاور کا جلسہ تاریخی ہوگا جس میں بڑی تعداد میں کارکنان اور سپورٹرز شرکت کریں گے۔
’اتوار کو پشاور میں بڑا جلسہ ہوگا، عمران خان کی رہائی کے لیے سب اس میں شرکت کریں۔‘
سہیل آفریدی کا پہلا جلسہ پشاور میں کہاں ہو رہا ہے؟پاکستان تحریک انصاف کے مطابق سہیل آفریدی وزیراعلیٰ بننے کے بعد ہی عوامی رابطہ مہم کا آغاز کر چکے تھے۔ چارسدہ اور کرک میں جلسے جبکہ آبائی ضلع خیبر میں جرگہ کیا تھا، لیکن 7 دسمبر کو پشاور میں پہلا بڑا جلسہ ہورہا ہے جس کے لیے تیاریاں جاری ہیں۔
جنید اکبر کے مطابق پشاور میں جلسہ اتوار کو حیات آباد میں واقع اسپورٹس کمپلیکس میں ہو گا۔
ان کے مطابق جلسے کا آغاز دن 12 بجے ہوگا، جس سے سہیل آفریدی کے علاوہ مرکزی اور صوبائی قائدین خطاب کریں گے۔
کیا سہیل آفریدی احتجاجی تحریک شروع کرنے والے ہیں؟پاکستان تحریک انصاف کے مطابق پارٹی قیادت اور سہیل آفریدی عدالتی احکامات کے باوجود بھی عمران خان سے ملاقات نہ ہونے پر شدید غصے میں ہیں، اور صوبائی حکومت اور وفاق کے درمیان دوریاں مزید شدت اختیار کر گئی ہیں۔
پارٹی رہنماؤں کے مطابق عمران خان کی رہائی کے لیے باقاعدہ احتجاجی تحریک چلانے کا کوئی حتمی فیصلہ نہیں ہوا، تاہم اس حوالے سے مختلف تجاویز زیر غور ہیں۔
ان کا کہنا ہے کہ صوبائی قیادت کی جانب سے احتجاجی تحریک شروع کرنے کی تجویز ہے، جبکہ عمران خان نے اس حوالے سے ذمہ داری محمود خان اچکزئی اور علاما ناصر عباس کو دی ہے، جس کی وجہ سے فیصلہ نہیں ہو پا رہا۔
سہیل آفریدی کی کوشش ہے کہ عمران خان سے ملاقات ہو تاکہ معاملات واضح ہو سکیں اور احتجاج کے حوالے سے براہِ راست ہدایت حاصل کی جا سکے۔
’سہیل آفریدی سخت دباؤ کا شکار، قانونی راستہ اپنانے کو ترجیح دے رہے ہیں‘سیاسی تجزیہ کار و صحافی عارف حیات کا ماننا ہے کہ سہیل آفریدی اس وقت سخت دباؤ میں ہیں اور احتجاج اور تصادم کے بجائے قانونی راستہ اپنانے کو ترجیح دے رہے ہیں۔
ان کا کہنا ہے کہ سہیل آفریدی کو اندازہ ہے کہ تصادم سے معاملات مزید خراب ہوں گے اور ان کی حکومت کو مشکلات کا سامنا کرنا پڑے گا۔
’سہیل آفریدی وفاق کے ساتھ معاملات درست سمت میں لے جانا چاہتے ہیں اور این ایف سی اجلاس میں شرکت بھی اسی کی ایک کڑی ہے، لیکن سیاسی معاملات پر شدید اختلافات برقرار ہیں۔‘
عارف حیات کے مطابق سہیل آفریدی کی جانب سے عوامی رابطہ مہم بھی جاری ہے، کارکنان بھی فعال ہو گئے ہیں اور اگر ان حالات میں احتجاج کی کال دی جاتی ہے تو بڑی تعداد میں لوگ نکل سکتے ہیں۔
کیا احتجاجی تحریک میں سندھ اور پنجاب سے بھی لوگ نکلیں گے؟تاہم ان کا کہنا تھا کہ اگر احتجاجی تحریک شروع ہوئی تو پنجاب اور سندھ سے لوگ نکلیں گے یا نہیں؟ یہ سوال اب خیبر پختونخوا کے لوگ کررہے ہیں۔
مزید پڑھیں: پی ٹی آئی صوابی احتجاج پر تقسیم، عمران خان کی بہنوں کی ہدایت تک موٹروے پر دھرنے کا اعلان
انہوں نے مزید کہاکہ حالات درست سمت کی طرف جاتے دکھائی نہیں دے رہے۔
’آج پھر عمران خان سے ملاقاتوں پر پابندی لگا دی گئی، اس سے دوریاں مزید بڑھیں گی اور حالات خراب ہوں گے۔‘
ان کے مطابق سہیل آفریدی تیاری کررہے ہیں اور اگر ان کی بات نہ سنی گئی تو وہ بھی احتجاج پر مجبور ہو جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاجی تحریک اڈیالہ جیل پاکستان تحریک پشاور جلسہ پی ٹی آئی خیبرپختونخوا عمران خان رہائی لائحہ عمل ملاقات وی نیوز.
ذریعہ
ذریعہ: WE News
کلیدی لفظ: احتجاجی تحریک اڈیالہ جیل پاکستان تحریک پشاور جلسہ پی ٹی ا ئی خیبرپختونخوا عمران خان رہائی لائحہ عمل ملاقات وی نیوز پاکستان تحریک انصاف کے عمران خان سے ملاقات سہیل آفریدی کا پہلا احتجاجی تحریک شروع کہ سہیل آفریدی خیبر پختونخوا کو پشاور میں ملاقات نہ ہو عمران خان کی سے ملاقات کی ان کے مطابق اڈیالہ جیل پی ٹی آئی اتوار کو رہے ہیں کا کہنا ہیں اور رہا ہے کے بعد کے لیے
پڑھیں:
دیوار سے لگانے کی کوشش کی گئی تو وفاقی بجٹ پاس نہیں ہونے دیں گے ؛ سہیل آفریدی
سٹی 42:سہیل آفریدی نے احتجاج کی کال دیتےہوئے کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔
وزیر اعلی کے پی فیکٹری ناکہ سے واپس روانہ ہو گئے ۔ وزیر اعلی سہیل آفریدی کی فیکٹری ناکہ سے روانگی سے قبل میڈیا ٹاک میں کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔2026-27کا بجٹ پیش کرنے جا رہے ہیں،مطالبہ کے کہ کے پی حکومت بانی کی ہے۔کے پی عوام نے بانی کو ووٹ دیا وہ انکو چاہتی ہے ۔کے پی عوام چاہے گی کہ بجٹ بانی کی خواہشات کے مطابق بنے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
بجٹ کے حوالے سے میری اور وزیر خزانہ سے ملاقات ہو تاکہ ان سے بجٹ کی اپروول لے سکیں۔ہم کل اسلام آباد ہائیکورٹ میں ایک پٹیشن دائر کرنے جا رہے ہیں،امید ہے اس دفعہ ہمیں ملاقات کی اجازت دی جائے گی،آج بھی بانی کی فیملی سے ملاقات نہیں ہونے دی گئی۔بانی نے کوئی جرم نہیں کیا،انکو اغوا کرکے ناحق قید رکھا گیا ہے۔
پنجاب کی جعلی حکومت،جیل انتظامیہ کی وجہ سے بانی کی آنکھ میں مسئلہ ہوا،عوام میں تشویش ہے کہ بانی کی ملاقات بند ہے،وہ اندر کیا کر رہے ہیں کہ تمام چیزیں روکی ہوئی ہیں۔یہ کیوں ملاقات نہیں کروا رہے،کے پی سے امتیازی سلوک کیوں کیا جا رہا ہے،میں نے ملاقات کا مطالبہ کرکےکوئی غلط ڈیمانڈ نہیں کی۔کے پی میں عوام نے بانی کو مینڈیٹ دیا یہ انکا حق ہے کہ بجٹ بانی کی مرضی کے مطابق ہو ۔ کے پی کا وزیر اعلی بانی تبدیل کر سکتے ہیں باقی کسی میں جرات نہیں،وہ ہلا بھی سکے ۔محسن نقوی سے ملاقات بیرسٹر گوہر کے کہنے پر ہوئی ۔افغانستان ہمارا برادر اسلامی ملک ہے،وہاں پر کیا انٹرسٹ ہو سکتا ہے اگر ہم ان سے لڑائی کریں ۔کسی کی خوشنودی کے لئے ان سے تعلقات خراب ہو رہے ہیں،
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بجٹ میں بانی کی ہدایات کو شامل کیا گیا ہے،سوشل ویلفیئرتعلیم،صحت کو شامل کیا گیا ۔بانی نے کہا تھا کہ جنگ کسی مسئلے کا حل نہیں پاکستان کو ثالثی کا کردار ادا کرنا چاہیئے
2026میں پاکستان انکے مشورے پر عمل کرتا ہے تو دنیا میں اسکی واہ واہ ہوتی ہے ۔ہر بندہ بولتا ہے کہ کرپشن ہو رہی ہے میں نے وزیراعلی کے دروازے کھلے رکھے ہیں کرپشن کے ثبوت لائیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ