وزیرِاعلیٰ نے سندھ جاب پورٹل کا افتتاح کر دیا، ملازمتوں کا سلسلہ 15 روز میں شروع ہو گا
اشاعت کی تاریخ: 28th, October 2025 GMT
وزیرِ اعلیٰ سندھ مراد علی شاہ—فائل فوٹو
وزیرِ اعلیٰ سندھ مراد علی شاہ نے کراچی میں سندھ جاب پورٹل کا افتتاح کر دیا۔
اس حوالے سے منقعدہ تقریب سے خطاب کرتے ہوئے ان کا کہنا ہے کہ گریڈ 1 سے 5 کی ملازمتوں کا سلسلہ آ ئندہ 15 روز سے شروع ہو جائے گا۔
وزیرِاعلیٰ سندھ مراد علی شاہ نے اپنے خطاب میں کہا کہ سندھ جاب پورٹل کا افتتاح عوامی خدمت کی فراہمی میں ایک سنگِ میل ہے، یہ منصوبہ ڈیجیٹل تبدیلی، شفافیت اور عوامی با اختیار کا مظہر ہے۔
انہوں نے کہا کہ محکمۂ سائنس اینڈ آئی ٹی حکومت کا عملی و اسٹریٹیجک بازو ہے، سندھ جاب پورٹل مؤثر، جامع اور شہری مرکوز آئی ٹی سسٹمز کی بہترین مثال ہے، حکمرانی کو جدید خطوط پر استوار کر رہے اور عوامی خدمات تک رسائی کو آسان بنا رہے ہیں۔
وزیرِاعلیٰ سندھ مراد علی شاہ کا کہناہے کہ شہری و دیہی علاقوں میں عوامی سہولت کے پلیٹ فارمز متعارف کرا رہے ہیں، یہ محض آغاز ہے، سائنس اینڈ آئی ٹی ڈپارٹمنٹ ڈیجیٹل خدمات کے دائرے کو وسعت دے رہا ہے، ہم ایسے نتائج دے رہے ہیں جو عوام کی زندگیوں میں مثبت تبدیلی لائیں۔
یہ بھی پڑھیے سندھ ہائیکورٹ، صوبائی حکومت کو سرکاری ملازمتیں فراہم کرنے کی مشروط اجازتان کا کہنا ہے کہ ہم ایسا سندھ بنا رہے ہیں جہاں ٹیکنالوجی عوام کا حق ہو، ہمارا مقصد قابلِ رسائی اور با اختیار نظام بنانا ہے، آئی ٹی ڈپارٹمنٹ نے ایک بہترین پورٹل بنایا ہے، جس سے نوجوانوں کو شفاف اور میرٹ پر ملازمت ملے گی۔
وزیرِاعلیٰ سندھ مراد علی شاہ نے کہا کہ جب بھی ملازمت کا اعلان کرتے ہیں تو معاملہ عدالت تک چلا جاتا ہے، ہم آہستہ آہستہ نظام کو ڈیجیٹلائز کر رہے ہیں، ہم نے ملازمتوں کے لیے بار بار دستاویزات جمع کروانے، ٹیسٹ دینے کا نظام ختم کر دیا، تمام ٹیسٹ سکھر آئی بی اے لے گا، جو تمام ملازمتوں کے لیےکافی ہو گا۔
انہوں نے کہا کہ گریڈ 1 سے 5 کی ملازمتوں کا سلسلہ آئندہ 15 روز سے شروع ہو جائے گا، امید ہے کہ یہ پورٹل شفاف اور میرٹ پر ملازمت فراہم کرنے کا سبب بنے گا، یہ تاثر ختم ہونا چاہیےکہ سفارش کے بغیر نوکری نہیں ملتی۔
.ذریعہ: Jang News
کلیدی لفظ: سندھ مراد علی شاہ سندھ جاب پورٹل وزیر اعلی رہے ہیں ا ئی ٹی کہا کہ
پڑھیں:
وزیراعلیٰ سندھ کا ٹریفک ریگولیشن اینڈ سائیٹیشن سسٹم (TRACS) کا افتتاح — سندھ میں ڈیجیٹل شفافیت کی نئی مثال
وزیراعلیٰ سندھ سید مراد علی شاہ نے ٹریفک ریگولیشن اینڈ سائیٹیشن سسٹم (TRACS) کا باضابطہ افتتاح کر دیا۔ افتتاحی تقریب سے خطاب کرتے ہوئے وزیراعلیٰ نے کہا کہ یہ نظام سندھ میں ڈیجیٹل شفافیت، جدیدیت اور عوامی سہولت کی جانب ایک بڑا قدم ہے۔
مراد علی شاہ نے کہا کہ TRACS صرف ایک ٹیکنالوجیکل اپ گریڈ نہیں بلکہ شفاف حکمرانی، انصاف اور عوامی خدمت کی علامت ہے۔ ان کے مطابق، جدید ای-ٹکٹنگ سسٹم کے ذریعے انسانی مداخلت کم ہوگی اور ٹریفک خلاف ورزیاں اب جدید کیمروں کے ذریعے خودکار طور پر ریکارڈ کی جائیں گی۔
وزیراعلیٰ نے مزید کہا کہ “آج کے دور میں حکمرانی کو ہوشیار، مؤثر اور جواب دہ ہونا چاہیے۔ سندھ ایک بار پھر فخر سے سب سے آگے ہے، TRACS کے ذریعے شہریوں کی بہتر خدمت اور تحفظ کو یقینی بنایا جائے گا۔
انہوں نے بتایا کہ ابتدائی طور پر اس نظام کا آغاز کراچی سے کیا گیا ہے جہاں 200 کیمرے نصب کیے جا چکے ہیں، جبکہ منصوبے کے تحت یہ تعداد 12 ہزار تک بڑھائی جائے گی۔
مراد علی شاہ نے کہا کہ TRACS کو مرحلہ وار پورے سندھ میں توسیع دی جائے گی۔ شہریوں کی سہولت کے لیے TRACS مراکز قائم کیے گئے ہیں جہاں لوگ ای-ٹکٹ کی وضاحت یا اپیل کے لیے رجوع کر سکیں گے۔ احتساب کے عمل کو مضبوط بنانے کے لیے سِٹیزن-پولیس لائیزن کمیٹی (CPLC) کو بھی اس نظام کا حصہ بنایا گیا ہے۔
وزیراعلیٰ سندھ نے وزیرداخلہ ضیاء الحسن لنجار، آئی جی پولیس، ایکسائز، ٹرانسپورٹ، قانون اور محکمہ داخلہ کے افسران کو ان کی کاوشوں پر خراجِ تحسین پیش کیا۔
انہوں نے کہا کہ سنہ 1965 کے موٹر وہیکل آرڈیننس میں کی گئی ترامیم عوامی مفاد میں اہم قانون سازی ہے، اور یہ نظام سندھ کی سڑکوں کو محفوظ بنانے میں ایک تاریخی پیش رفت ثابت ہوگا۔
مراد علی شاہ نے اپنے خطاب کے اختتام پر کہاTRACS صرف پولیس کا نہیں بلکہ ہر شہری کی سہولت اور حفاظت کے لیے ایک اصلاحی قدم ہے۔ یہ سندھ میں شفاف حکمرانی اور جدید ٹیکنالوجی کے امتزاج کی علامت ہے۔ فخر کے ساتھ ہم تبدیلی کے اس سفر کا آغاز اپنے شہر کراچی سے کر رہے ہیں، اور پُرعزم ہیں کہ جلد اس کے ثمرات سندھ کے ہر شہر اور قصبے تک پہنچیں گے۔
سرفراز بگٹی کی درخواست پر محسن نقوی کا بُلٹ پروف گاڑیاں فوری بلوچستان بھجوانے کا اعلان