علی پرویز ملک سے پاکستان کی ریفائنریز کے سی ای اوز کی ملاقات ، توانائی کے شعبے کو مضبوط بنانے پر تبادلہ خیال
اشاعت کی تاریخ: 5th, May 2025 GMT
اسلام آباد(اُردو پوائنٹ اخبارتازہ ترین - این این آئی۔ 05 مئی2025ء)پاکستان کی معروف ریفائنریز کے چیف ایگزیکٹو آفیسرز (سی ای اوز) پر مشتمل ایک اعلی سطحی وفد نے وفاقی وزیر پٹرولیم علی پرویز ملک سے ملاقات کی جس میں حکومت اور ریفائننگ سیکٹر کے درمیان تعاون کو بڑھانے، پائیدار توانائی کی فراہمی کو یقینی بنانے، ریفائنریز کی کارکردگی بہتر بنانے اور ریفائنریز کے اہم مسائل پر تبادلہ خیال کیا گیا۔
وزارت پٹرولیم میں ہونے والی اس ملاقات میں ریفائنریز کی اپگریڈیشن، ایندھن کے معیارات، اور پٹرولیم سیکٹر کو پاکستان کی معیشت میں زیادہ موثر بنانے کے لیے پالیسیوں جیسے اہم معاملات پر بات چیت ہوئی۔ وزیر علی پرویز ملک نے ریفائننگ انڈسٹری کی ترقی کو سپورٹ کرنے اور صارفین کے لیے سستی و پائیدار توانائی کی فراہمی پر حکومتی عزم کا اعادہ کیا۔(جاری ہے)
انڈیا کے ساتھ حالیہ کشیدگی کے تناظر میں، پاکستانی ریفائنریز کے سی ای اوز نے وزیر کو یقین دلایا کہ وہ پاکستان مسلح افواج کی ایندھن کی ضروریات پوری کرنے کے لیے مکمل طور پر تیار ہیں۔ انہوں نے زور دیا کہ تمام ضروری انتظامات، بشمول اسٹریٹجک ایندھن کے ذخائر اور بلا تعطل پیداواری صلاحیت، قومی دفاعی ضروریات کو کسی بھی صورت حال میں سپورٹ کرنے کیلئے موجود ہیں۔ وزیر ملک نے ریفائنریز کے پیشگی اقدامات کی تعریف کی اور شہری و فوجی دونوں شعبوں کے لیے توانائی کی سلامتی یقینی بنانے میں حکومت کی مکمل سپورٹ کا اعادہ کیا۔ وفاقی وزیر علی پرویز ملک نے کہا کہ ریفائنریز کے پاکستان کے توانائی سپلائی چین میں اہم کردار ہے،ہم اپگریڈیشن، ایندھن کے معیار کو بہتر بنانے اور طویل مدتی استحکام کو یقینی بنانے کے لیے سازگار پالیسی ماحول فراہم کرنے کے لیے کام کر رہے ہیں۔ یہ تعاون توانائی کی سلامتی اور معاشی ترقی کے حصول کے لیے نہایت اہم ہے، جو ملک کو مستقبل میں ایک مضبوط اور پائیدار پٹرولیم سیکٹر فراہم کرے گا۔ریفائنریز کے سی ای اوز نے وزیر کی سپورٹ کی تعریف کی اور اپگریڈیشن ، فائننشل اصلاحات میں حکومتی تعاون اور شعبے کے عملی چیلنجز پر تبادلہ خیال کیا۔ دونوں فریقین نے اس شعبے کو آگے بڑھانے کے لیے باقاعدہ مشاورت جاری رکھنے پر اتفاق کیا۔ وفد میں پاکستان ریفائنری لمیٹڈ کے سی ای او زاہد میر، پارکو کے منیجنگ ڈائریکٹر ارتضیٰ قریشی، اٹک ریفائنری لمیٹڈ کے سی ای او عادل خٹک، سائنرجیکو کے سی ای او عامر عباسی، اور نیشنل ریفائنری لمیٹڈ کے سی ای او اسد حسن شامل تھے۔ اس موقع پر سیکرٹری پٹرولیم مومن آغا، ایڈیشنل سیکرٹری ظفر عباس، اور ڈائریکٹر جنرل آئل عمران احمد بھی موجود تھے۔.ذریعہ: UrduPoint
کلیدی لفظ: تلاش کیجئے علی پرویز ملک ریفائنریز کے توانائی کی کے سی ای او سی ای اوز کے لیے
پڑھیں:
اسحاق ڈار کو جرمن وزیرخارجہ کا فون، علاقائی و عالمی امور پر تفصیلی تبادلہ خیال
اسلام آباد:نائب وزیراعظم اور وزیرخارجہ اسحاق ڈار اور جرمنی کے وزیرخارجہ یوہان ویڈیفل نے باہمی مفاہمت اور مشترکہ دلچسپی کے شعبوں میں تعاون کے فروغ کے لیے قریبی رابطہ برقرار رکھنے پر اتفاق کرتے ہوئے علاقائی اور عالمی امور پر تفصیلی تبادلہ خیال کیا۔
ترجمان وزارت خارجہ کے دفتر سے جاری بیان کے مطابق نائب وزیراعظم و وزیر خارجہ اسحاق ڈار کو جرمنی کے وزیر خارجہ یوہان ویڈیفُل کی ٹیلیفون کال موصول ہوئی، دونوں وزرائے خارجہ نے پاکستان اور جرمنی کے درمیان تعلقات میں مثبت پیش رفت کو سراہا اور باہمی تعاون کو مزید فروغ دینے کے عزم کا اعادہ کیا۔
دونوں رہنماؤں نے علاقائی اور عالمی امور پر تفصیلی تبادلہ خیال کیا اور اس بات پر اتفاق کیا کہ باہمی مفاہمت اور مشترکہ دلچسپی کے شعبوں میں تعاون کے فروغ کے لیے قریبی رابطہ برقرار رکھا جائے گا۔
انہوں نے آئندہ ہفتے اقوام متحدہ کی جنرل اسمبلی کے اجلاس کے موقع پر ملاقات کے لیے بھی اپنی آمادگی ظاہر کی۔
پانڈا بانڈز کے اجرا کیلیے اے ڈی بی اور اے آئی آئی بی کی ضمانتوں پر انحصار