بھارتی جارحیت: سندھ پولیس کو الرٹ رہنے کی ہدایت، چھٹیاں منسوخ
اشاعت کی تاریخ: 7th, May 2025 GMT
کراچی:
ملکی سرحدوں کی موجودہ کشیدہ صورتحال کے پیش نظر ایڈیشنل آئی جی کراچی نے پولیس کو ہر سطح پر الرٹ رہنے اور چھٹیاں منسوخ کرتے ہوئے تمام نفری کو ہیڈ کوارٹرز میں موجود رہنے کے احکامات جاری کردیے۔
ایڈیشنل آئی جی کراچی جاوید عالم اوڈھو کی زیر صدارت کراچی پولیس آفس میں ایک اعلیٰ سطحی اجلاس منعقد ہوا جس میں شہر میں امن و امان کی مجموعی صورتحال اور موجودہ سکیورٹی حالات کا تفصیلی جائزہ لیا گیا۔
اجلاس میں سرحدوں کی موجودہ کشیدہ صورتحال کے پیش نظر ایڈیشنل آئی جی کراچی نے پولیس کو ہرسطح پر الرٹ رہنے اور پولیس کی چھٹیاں منسوخ کرتے ہوئے تمام نفری کو ہیڈ کوارٹرز میں موجود رہنے کے احکامات جاری کئے۔
پولیس کے تمام افسران و جوان بازاروں، مارکیٹوں اور عوامی مقامات پر نظر رکھیں اور پیٹرولنگ میں اضافہ کریں۔شہر میں موجود اہم تنصیبات اور سرکاری و غیرسرکاری عمارتوں کی نگرانی میں اضافہ کیا جائے۔
اجلاس کے دوران افغان شہریوں کی واپسی سے متعلق اقدامات، کالے شیشوں اور جعلی و فینسی نمبر پلیٹس کے خلاف کارروائی، ایسوسی ایشن آف بلڈرز اینڈ ڈیولپرز (ABAD) سے متعلقہ معاملات، نادرن بائی پاس پر مویشی منڈی کی سیکیورٹی، اسٹریٹ کرائمز، منشیات فروشوں کے خلاف کارروائی اور منظم جرائم کے خلاف ٹاسک فورس کی تشکیل جیسے اہم امور پر تفصیلی تبادلہ خیال کیا گیا۔
ایڈیشنل آئی جی کراچی نے تمام افسران کو ہدایت دی کہ ان تمام امور پر فوری مؤثر اورٹھوس پیش رفت کو یقینی بنایا جائے اور پولیس کی کارکردگی میں مزید بہتری لانے کے لیے جامع اقدامات کیے جائیں۔ انہوں نے زور دیا کہ شہریوں کی جان و مال کا تحفظ، قانون کی عملداری اور شفاف انصاف کی فراہمی محکمہ پولیس کی اولین ذمہ داریاں ہیں جن پر کسی قسم کی غفلت یا تاخیر قابل قبول نہیں۔
.ذریعہ: Express News
کلیدی لفظ: ایڈیشنل آئی جی کراچی
پڑھیں:
اسلام آباد میں باجوں کی فروخت پر پابندی عائد
وفاقی دارالحکومت کی انتظامیہ نے جشن آزادی کے موقع پر باجوں کی فروخت پر پابندی عائد کردی۔
ڈپٹی کمشنر اسلام آباد نے اپنے بیان میں کہا کہ وفاقی دارالحکومت میں باجوں کی فروخت پر پابندی عائد کردی گئی ہے۔
انہوں نے کہا کہ پابندی کی خلاف ورزی پر اتنظامیہ کی جانب سے سخت قانونی کارروائی کی جائے گی۔
ضلعی انتظامیہ نے اسی کے ساتھ اسلام آباد کے تمام اسٹالز سے باجے قبضے میں لینے کا فیصلہ کیا اور اس حوالے سے ڈی سی اسلام آباد عرفان نوازمیمن نے تمام اسسٹنٹ کمشنرز اور مجسٹریٹس کو کارروائی کی ہدایت کردی۔
ڈپٹی کمشنر نے ہدایت کی کہ تمام افسران فی الفور فیلڈ میں نکلیں اور کاروائیاں یقینی بنائیں، جس ایریا کے سٹالز سے باجے برآمد ہوئے متعلقہ افسر ذمہ دار ہوگا، باجوں کے خلاف کاروائیاں یوم آزادی تک یومیہ بنیادوں پر کی جائیں۔
انہوں نے ہدایت کی کہ پابندی کی خلاف ورزی کرنے والوں کے خلاف سخت کاروائیاں کی جائیں۔
دریائے چناب میں ہیڈ خانکی پر درمیانے درجے کا سیلاب