لیفٹیننٹ کرنل ظہیر عباس طوری کے7 سالہ بیٹے ارتضیٰ عباس طوری کی نماز جنازہ ادا کردی گئی
اشاعت کی تاریخ: 7th, May 2025 GMT
فوٹو آئی ایس پی آر
لیفٹیننٹ کرنل ظہیر عباس طوری کے 7 سال کے بیٹے ارتضیٰ عباس طوری کی نماز جنازہ ادا کردی گئی۔
بھارتی فوج نے رات کی تاریکی میں بزدلانہ حملہ کرتے ہوئے آزاد کشمیر کے علاقوں کوٹلی، مظفر آباد اور باغ کے علاوہ مریدکے اور احمد پور شرقیہ میں شہری آبادی کو نشانہ بنایا تھا جس میں 2 مساجد بھی شہید ہوئیں۔
بھارت کے حملوں کے نتیجے میں 2 بچوں سمیت 26 پاکستانی شہید اور 46 افراد زخمی بھی ہوئے ہیں، بھارتی جارحیت میں پاک فوج کے لیفٹیننٹ کرنل ظہیر کا 7 سالہ بیٹا ارتضیٰ عباس بھی شہید ہوا، جس کی نماز جنازہ ادا کردی گئی۔
پاک فوج کے شعبہ تعلقات عامہ (آئی ایس پی آر) کے مطابق ارتضیٰ عباس طوری آزاد کشمیر کے علاقے داورندی میں بھارتی جارحیت میں شہید ہوا، نماز جنازہ میں صدر مملکت آصف زرداری، وزیراعظم شہباز شریف نے شرکت کی۔
آئی ایس پی آر کے مطابق نماز جنازہ میں آرمی چیف جنرل عاصم منیر، نیول چیف ایڈمرل نوید اشرف نے بھی شرکت کی۔
وزیراعظم شہباز شریف نے بھارت کی بلا اشتعال جارحیت کی مذمت کرتے ہوئے کہا کہ بھارت کا بچوں، خواتین، بزرگوں، معصوم شہریوں کو ٹارگٹ کرنا غیر ذمہ دارانہ اور بزدلانہ عمل ہے، بھارت کی بلا اشتعال جارحیت غیر انسانی طرز عمل کی بدترین مثال ہے۔
شہباز شریف نے کہا کہ ایسے غیر ذمہ دارانہ اقدامات بھارتی حکومت کی جارحانہ اور تکبر پر مبنی سوچ کی عکاسی کرتے ہیں، بھارت کے ایسے اقدامات علاقائی و عالمی امن کے لیے سنگین خطرہ ہیں۔
صدر مملکت آصف علی زرداری اور وزیر اعظم شہباز شریف نے کہا کہ بہادر مسلح افواج ہر محاذ پر بھارتی جارحیت کا جرأت مندی سے مقابلہ کر رہی ہیں، بہادر مسلح افواج بھارت کی جارحیت کا منہ توڑ جواب دے رہی ہیں۔
صدر، وزیراعظم نے کہا کہ بھارت کی بین الاقوامی قوانین اور انسانی اصولوں کی کھلی خلاف ورزیوں کا مؤثر اور فیصلہ کن جواب دیا جائے گا، اللّٰہ تعالیٰ بھارتی جارحیت کا نشانہ بننے والے شہداء کو جنت الفردوس میں اعلیٰ مقام عطا فرمائے۔
.
ذریعہ
ذریعہ: Jang News
کلیدی لفظ: بھارتی جارحیت شہباز شریف نے بھارت کی کہا کہ
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی