سابق وزیراعلی پنجاب عثمان بزدار منظر عام پر، پاک فوج کے حق میں کیا کہا؟
اشاعت کی تاریخ: 9th, May 2025 GMT
پی ٹی آئی کے روپوش رہنما سابق وزیر اعلیٰ پنجاب عثمان بزدار بھی حالیہ پاک بھارت کشیدگی کے دوران سماجی رابطے کی ویب سائٹ ایکس پر اپنے تازہ پیغام کے ساتھ نمودار ہوئے ہیں تاہم اپنی اس حالیہ پوسٹ میں انہوں نے پاک فوج کی حمایت کا اعادہ کیا ہے۔
پنجاب کے ضلع ڈیرہ غازی خان سے تعلق رکھنے والے پی ٹی آئی کے رہنما اور سابق وزیر اعلیٰ پنجاب عثمان بزدار نے پاکستان زندہ باد کا ہیش ٹیگ استعمال کرتے ہوئے ایکس پر لکھا ہے کہ آج ہر پاکستانی ہماری مسلح افواج کے ساتھ کندھے سے کندھا ملا کر کھڑا ہے۔
Today, every Pakistani stands shoulder to shoulder with our armed forces.
— Usman Buzdar (@UsmanAKBuzdar) May 7, 2025
’معصوم شہریوں پر حملہ ہمارے عزم کا امتحان ہے اور انشاء اللہ ہم اسے وقار اور طاقت کے ساتھ پورا کریں گے، # پاکستان زندہ باد۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکس پنجاب سابق وزیر اعلیٰ عثمان بزدارذریعہ: WE News
کلیدی لفظ: ایکس سابق وزیر اعلی
پڑھیں:
پرتگال میں جائیدادیں، اربوں کی سلامی، خواجہ آصف کا بیوروکریسی پر سنگین الزام
وزیر دفاع خواجہ آصف نے دعویٰ کیا ہے کہ پاکستان کی نصف سے زائد بیوروکریسی پرتگال میں جائیدادیں خرید چکی ہے اور اب وہ شہریت کے حصول کی تیاری میں ہے۔
یہ بھی پڑھیں:زندہ قومیں اپنے محسنوں کی عزت کرتی ہیں، خواجہ آصف کا آرمی چیف کو فیلڈ مارشل بنائے جانے پر بیان
سوشل میڈیا پلیٹ فارم ایکس پرایک سخت بیان جاری کرتے ہوئے خواجہ آصف کا کہنا تھا کہ یہ بیوروکریٹس، جو اپنے وقت کے نامور اور بااثر افسران تھے، اربوں روپے کی کرپشن کر کے اب پُرسکون ریٹائرمنٹ کی زندگی گزار رہے ہیں۔
وطن عزیز کی آدھی سے زیادہ بیوروکریسی پرتگال میں پراپرٹی لے چکی ھے اور شہریت لینی کی تیاری کر رہی ھے۔ اوریہ نامی گرامی بیوروکریٹس ھیں ۔ مگر مچھ اربوں روپے کھا کے آرام سے ریٹائرمنٹ کی زندگی گزار رہیں۔ بزدار کا ایک قریب ترین بیوروکریٹ چار ارب بیٹیوں کی شادی پر صرف سلامی وصول کر چکا…
— Khawaja M. Asif (@KhawajaMAsif) August 5, 2025
وزیر دفاع نے مزید انکشاف کیا کہ سابق وزیراعلیٰ پنجاب عثمان بزدار کے ایک قریبی بیوروکریٹ نے اپنی بیٹیوں کی شادی پر صرف سلامی کی مد میں 4 ارب روپے وصول کیے۔
مزید پڑھیں:’اسٹاپ اسرائیل، فری غزہ‘، اسپین کی ویڈیو شیئر کرنے پر خواجہ آصف پر تنقید کیوں؟
خواجہ آصف نے سیاستدانوں کو نسبتاً کم بدعنوان قرار دیتے ہوئے کہا کہ وہ تو صرف ان بیوروکریٹس کا چھوڑا ہوا ’بچاکھچا‘ کھاتے ہیں کیونکہ ان کے لیے الیکشن لڑنا اور عوام میں جانا ضروری ہوتا ہے، اس لیے نہ وہ پلاٹ لیتے ہیں، نہ غیر ملکی شہریت۔
خواجہ آصف نے الزام لگایا کہ بیوروکریسی ہی دراصل پاکستان کی سرزمین کو پلید کر رہی ہے، اور اصل خرابی کی جڑ یہ طبقہ بن چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکس بیوروکریٹ بیوروکریسی پاکستان پلید خواجہ آصف سلامی عثمان بزدار وزیراعلٰی پنجاب
ترجمان سندھ حکومت گنہور خان اسران کا ایم کیو ایم رہنما خواجہ اظہار الحسن کے بیان پر ردعمل