جمعہ 9 مئی کو آزاد کشمیر، اسلام آباد اور پنجاب میں کیمبرج امتحانات منسوخ کرنے کا فیصلہ
اشاعت کی تاریخ: 8th, May 2025 GMT
سیکیورٹی کی موجودہ صورتحال کا جائزہ لینے کے بعد کیمبرج اور برٹش کونسل نے حکام کی مشاورت کے بعد جمعہ 9 مئی کو مظفر آباد، میرپور، اسلام آباد اور صوبہ پنجاب میں کیمبرج او لیول، آئی جی سی ایس ای، انٹرنیشنل اے ایس اور اے لیول کے امتحانات منسوخ کرنے کا فیصلہ کیا ہے۔
کیمرج کے مطابق یہ صرف تمام کیمبرج ڈائریکٹ اور برٹش کونسل اسکولوں کے لیے جمعہ 9 مئی کو ہونے والے امتحانات پر لاگو ہوتا ہے۔
پیر کو ہونے والے امتحانات کے لیے ہم اتوار 11 مئی کی شام تک اسکولوں کو آگاہ کردیں گے۔
کیمبرج کے مطابق ہم توقع کرتے ہیں کہ جمعہ 9 مئی کو پاکستان میں کسی اور جگہ پر ہونے والے امتحانات منصوبہ بندی کے مطابق آگے بڑھیں گے اگر سیکورٹی کی صورتحال میں کوئی تبدیلی نہیں آئی۔
اگر کوئی تبدیلی ہوتی ہے تو ہم سب کو اپ ڈیٹ رکھیں گے۔ جہاں امتحانات منسوخ کیے جاتے ہیں، ہم اپنی مہارت اور اچھی طرح سے قائم شدہ عمل کو اس بات کو یقینی بنانے کے لیے استعمال کرتے ہیں کہ ہم منصفانہ گریڈز دے سکتے ہیں تاکہ طلبہ ترقی کر سکیں۔
براہ کرم صرف کسی بھی سرکاری اپ ڈیٹس کے لیے کیمبرج اور برٹش کونسل پاکستان کے آفیشل پیجز کو فالو اور چیک کرتے رہی
.
ذریعہ
ذریعہ: Jang News
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی