آئندہ چند دن میں بتائیں گے کہ کس طرح ملک کا دفاع کر سکتے ہیں،خواجہ آصف
اشاعت کی تاریخ: 9th, May 2025 GMT
اسلام آباد(ڈیلی پاکستان آن لائن)وزیر دفاع خواجہ آصف نے کہا ہے کہ افواج پاکستان ہر شعبے میں بھارت کا بھرپور مقابلہ کررہی ہیں،آئندہ چند دن میں بتائیں گے کہ کس طرح ملک کا دفاع کر سکتے ہیں۔
نجی ٹی وی چینل دنیا نیوز کے مطابق قومی اسمبلی میں اظہار خیال کرتے ہوئے وزیر دفاع نے کہاکہ چین کےساتھ روزانہ کی بنیاد پر رابطہ ہے،ہم عرب ممالک کے ساتھ مسلسل رابطے میں ہیں،ایران کے وزیر خارجہ دو روز قبل پاکستان آئے،اسحاق ڈار کا قطرسعودی عرب اور چین سے روزانہ رابطہ ہے،مولانا نے درست کہا سفارتی روابط مزید تیز ہونے چاہئیں۔
مدارس کا ہر نوجوان فوج کے ساتھ صف اول پر ہوگا، مولانا فضل الرحمان
خواجہ آصف کاکہنا تھا کہ صرف ایک دوممالک نے بھارت کی حمایت کی ہے،کچھ ممالک غیرجانبدار، باقی تمام پاکستان کے حامی ہیں،آج بھارت کے ساتھ اس کے قریبی اتحادی بھی نہیں ہیں،ان کاکہناتھا کہ پاکستان نے کسی سویلین علاقے کو نشانہ نہیں بنایا،پاکستان نے صرف ملٹری ٹارگٹ کو نشانہ بنایا ہے،پاکستان کے عوام آرام کریں، پاک فوج پاکستان کی حفاظت کررہی ہے۔
وزیر دفاع نے کہاکہ اس میں کوئی شک نہیں دینی طلبا ہماری دوسری دفاعی لائن ہیں،مدارس کے طلبا کو شہری دفاع کیلئے 100فیصد استعمال کیا جا سکتا ہے،ان کاکہناتھا کہ بھارت کی دفاعی قوت ہم سے کئی گنا بڑی ہے،ہم نے بھارت کے 5طیارے گرائے، یہ فضائی تاریخ کا منفرد واقعہ ہے،ہم نے بھارتی ڈرونز کو مار گرایا،خواجہ آصف نے کہا کہ قومی اتفاق رائےسےہم معاملے پر گفتگو کریں گے،وزیراعظم نے واشگاف انداز میں قومی اتحاد کا پیغام دیا۔
بانی پی ٹی آئی کی پیرول پر رہائی کی درخواست اسلام آباد ہائیکورٹ میں دائر
وزیر دفاع کا کہنا تھا کہ افواج پاکستان بھرپور کارروائیاں جاری رکھے ہوئے ہیں،افواج پاکستان بہادری سے بارڈرز پر ملک کا دفاع کررہی ہیں،ہم بھارت کو جواب دینے کیلئے 200فیصد تیار ہے،فوج کے پیچھے قوم سیسہ پلائی دیوار کی طرح کھڑی ہے۔
مزید :.ذریعہ: Daily Pakistan
کلیدی لفظ: خواجہ ا صف وزیر دفاع
پڑھیں:
پاکستان امریکا کے ساتھ بھی مضبوط ترین تعلقات چاہتا ہے: اسحاق ڈار
فائل فوٹونائب وزیراعظم اور وزیر خارجہ اسحاق ڈار نے کہا ہے کہ پاکستان امریکا کے ساتھ بھی مضبوط ترین تعلقات چاہتا ہے، ان تعلقات کو چین کے ساتھ پاکستان کی برادرانہ پارٹنرشپ کے لینس سے نہ دیکھا جائے۔
نیویارک میں پاکستانی امریکی کمیونٹی سے گفتگو کرتے ہوئے نائب وزیراعظم اسحاق ڈار نے کہا کہ حکومت نے پچھلی امریکی انتظامیہ پر بھی واضح کیا لیکن انہوں نے پاکستان سے رابطے نہیں کیے، موجودہ امریکی انتظامیہ پاکستان سے بات چیت کر رہی ہے۔
اسحاق ڈار نے کہا کہ 9 سال بعد پاکستان اور امریکا کے وزرائے خارجہ کی ملاقات ہوئی ہے، مارکو روبیو سے علاقائی اور عالمی امور پر بات ہوئی۔
انہوں نے کہا کہ پاکستان امن پسند ملک اور پُرامن بقائے باہمی پر یقین رکھتا ہے، بھارتی جارحیت کا منہ توڑ جواب دیا، ہم افغانستان کے خیر خواہ ہیں، ان کی ترقی و خوش حالی چاہتے ہیں۔
انہوں نے کہا کہ پاکستان نے رافیل طیارے گرا کر بھارت کے غرور کو خاک میں ملادیا، پہلگام واقعے کی آڑ میں بھارت نے جو اقدامات کیے ہم نے بھی ویسے ہی جواب دیا، سندھ طاس معاہدے کی معطلی پر ہم نے بھارت کیلئے اپنی فضائی حدود بند کی۔
اس حوالے سے امریکی محکمہ خارجہ کی جانب سے جاری کیے گئے بیان میں کہا گیا ہے کہ سیکریٹری خارجہ مارکو روبیو نے پاکستان کے مثبت کردار کو سراہا۔
اسحاق ڈار نے کہا کہ وزیراعظم شہباز شریف نے پہلگام واقعے پر بھارت کو عالمی تحقیقات کی پیش کش کی، ہم نے بھارتی پروپیگنڈےکو دنیا کے سامنے بے نقاب کیا، بھارت کی بوکھلاہٹ ابھی تک ختم نہیں ہوئی۔
اسحاق ڈار نے کہا کہ حکومتی کوششوں کی بدولت معیشت میں نمایاں بہتری آئی، ہم نےملک کو ڈیفالٹ سے بچایا، بیرون ملک مقیم پاکستانی ملک کا سرمایہ ہیں۔
نائب وزیراعظم نے کہا کہ جی ڈی پی گروتھ میں نمایاں بہتری آئی ہے، تمام عالمی مالیاتی ادارے پاکستان کی معاشی بہتری کے معترف ہیں، زرمبادلہ کے ذخائر میں مسلسل اضافہ ہو رہا ہے، ملک میں معاشی استحکام آچکا ہے۔
انہوں نے کہا کہ پی ٹی آئی کی حکومت مزید چھ ماہ رہتی تو ملک ڈیفالٹ کرچکا ہوتا، تحریک عدم اعتماد ایک مشکل فیصلہ تھا جو ہم نے ملک کی خاطر کیا تھا۔
نائب وزیراعظم نے کہا کہ پاکستان اس ماہ کیلئے سلامتی کونسل کی صدارت کے لیے منتخب ہوا، وزیراعظم شہباز شریف کی قیادت میں پاکستان سفارتی سطح پر بھی کامیابیاں سمیٹ رہا ہے، پاکستان دنیا میں تنازعات کا پُرامن حل چاہتا ہے۔
اسحاق ڈار نے کہا کہ کوئی غلط فہمی میں نہ رہے، عافیہ صدیقی پاکستان کی بیٹی ہے، عافیہ صدیقی کی رہائی کیلئے سر توڑ کوششیں کیں۔
یا تم رہو گے یا ہم، یا منزل پائیں گے یا سیاست کو خیر باد کہہ دیں گے، علی امین گنڈاپور