’ان جعلی نیوز چینلز کو نہ دیکھیں‘، انڈین یوٹیوبر دھرو راٹھی نے بھارتی میڈیا کا پردہ چاک کردیا
اشاعت کی تاریخ: 9th, May 2025 GMT
معروف بھارتی یوٹیوبر دھرو راٹھی نے بھارتی میڈیا کو تنقید کا نشانہ بناتے ہوئے ان کے جھوٹ کا پردہ چاک کر دیا جو سوشل میڈیا پر فیک خبریں پھیلا رہے ہیں۔
دھرو راٹھی نے گبر سنگھ نامی ایک ایکس اکاؤنٹ کی چند ٹوئٹس شیئر کیں جس میں وہ پاکستان اور انڈیا کے درمیان کشیدگی کے حوالے غلط خبریں رپورٹ کر رہا تھا۔ جس پر یوٹیوبر نے انہیں آڑے ہاتھوں لیتے ہوئے کہا کہ یہ ہے جو گوڈی میڈیا آپ کے ساتھ کرتا ہے۔
انہوں نے گبر سنگھ نامی شخص پر تنقید کرتے ہوئے کہا کہ اس بے وقوف کو دیکھو، جیسے کوئی فلمی ہیرو ہو جو خود اپنی فوج کی قیادت کر کے کل رات فتح حاصل کر رہا تھا۔
This is what Godi Media does to you.
Look at this idiot, he really thought as if he’s the hero in some Bollywood film personally leading the army to victory yesterday night.
???? pic.twitter.com/CpNSAMXgsF
— Dhruv Rathee (@dhruv_rathee) May 9, 2025
انہوں نے مزید کہا کہ جب آپ اے سی والے کمرے میں صوفے پر بیٹھ کر، سرحد سے سینکڑوں کلومیٹر دور، پاپ کارن کھاتے ہوئے جنگ کی جھوٹی خبریں دیکھتے ہیں اور اسے تفریح سمجھ کر بھارتی شہریوں میں غلط معلومات پھیلاتے ہیں تو یہ حب الوطنی نہیں بے وقوفی ہے۔
دھرو راٹھی ملسل اپنے ایکس اکاؤنٹ پر بھارتی میڈیا کا پول کھول رہے ہیں کہ کیسے وہ فیک نیوز پھیلاتے ہیں انہوں نے اپنے فالوورز سے درخواست کی کہ ان دھوکہ بازوں کو اپنے ایکس اکاؤنٹس سے بلاک کر دیں۔ اور ان جعلی نیوز چینلز کو دوبارہ کبھی نہ دیکھیں۔ ان کا کہنا تھا کہ یہ پیغام اپنے خاندان کے دیگر افراد کے ساتھ بھی شیئر کریں۔
Block these frauds from your Twitter accounts.
Never watch these fake news channels again. Share with your family members also.
Jai Hind ???????? pic.twitter.com/fha4gXQNQ4
— Dhruv Rathee (@dhruv_rathee) May 9, 2025
دھرو راٹھی کے علاوہ دیگر ہندوستانی صحافی بھی غلط خبریں پھیلانے پر بھارتی میڈیا کو تنقید کا نشانہ بنا رہے ہیں۔ بھارتی صحافی اشوک سوائن نے سماجی رابطے کی سائٹ ایکس پر ٹوئٹ کرتے ہوئے لکھا کہ بھارتی میڈیا بھارت کے عوام کا سب سے بڑا دشمن ہے۔
Indian media is the worst enemy of people of India.
— Ashok Swain (@ashoswai) May 9, 2025
واضح رہے کہ اس سے قبل دھرو راٹھی نے پہلگام واقعے پر مودی سرکار کو شدید تنقید کا نشانہ بنایا تھا اور بھارتی میڈیا کی دوغلی پالیسیوں کا پردہ چاک کیا تھا۔ انہوں نے بھارتی میڈیا کو بھی شدید تنقید کا نشانہ بنایا، اور اسے ’گودی میڈیا‘ قرار دیا، جو نفرت پھیلانے میں ملوث ہے۔
انہوں نے کہا تھا کہ پہلگام جیسے سیاحتی مقام پر جہاں بڑی تعداد میں سیاح موجود ہوتے ہیں، وہاں سیکیورٹی فورسز کیوں نہیں تعینات تھیں؟ اور زخمیوں کی منتقلی میں اتنی تاخیر کیوں ہوئی؟ ان تمام سوالات کو نظرانداز کیا جا رہا ہے۔
اس سے قبل دھرو راٹھی پلوامہ حملے میں بھی بھارتی حکومت کی ناکامی کو فیکٹ اینڈ فگرز کے ساتھ ثابت کر چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی میڈیا پاک انڈیا جنگ دھرو راٹھی
ذریعہ
ذریعہ: WE News
کلیدی لفظ: بھارتی میڈیا پاک انڈیا جنگ دھرو راٹھی تنقید کا نشانہ دھرو راٹھی نے بھارتی میڈیا انہوں نے
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ