’’پاکستانی تو سکون میں ہیں‘‘، شمالی علاقے میں موجود امریکی ولاگر کی ویڈیو وائرل
اشاعت کی تاریخ: 9th, May 2025 GMT
سکردو(نیوز ڈیسک)پاک بھارت کشیدگی کے دوران پاکستان کے شمالی علاقے میں موجود مشہور امریکی وی لاگر نے بھارتی میڈیا کی منفی رپورٹنگ کا بھانڈا پھوڑ دیا۔
صرف مودی سرکار ہی نہیں بلکہ بھارت کا گودی میڈیا بھی جنگی جنون میں مبتلا ہے۔ بھارت کے رات کی تاریکی میں پاکستان پر حملے کے فوری بعد پاک فوج کی جانب سے کرارا جواب ملنے پر بھارتی میڈیا اپنی ہزیمت مٹانے کے لیے منفی پروپیگنڈے پر اتر آیا ہے اور ایسی رپورٹنگ کر رہا ہے کہ جیسے پاکستان کے شہری شدید خوفزدہ ہیں۔
بھارتی میڈیا کے منفی پروپیگنڈے کا جہاں خود بھارت میں مذاق اڑایا جا رہا ہے۔ وہیں پاکستان کے شمالی علاقے میں موجود مشہور امریکی وی لاگر نے بھی ایک ویڈیو سوشل میڈیا پر پوسٹ کر کے بتا دیا کہ پاکستانی مطمئن اور خوش جب کہ وہ خود کو بھی پاکستان میں محفوظ تصور کر رہا ہے۔
سوشل میڈیا پلیٹ فارم انسٹا گرام پر معروف امریکی وی لاگر ڈریو بنسکی نے ایک ویڈیو پوسٹ کی ہے جس میں وہ بتا رہے ہیں کہ وہ پاکستان میں ہیں اور اس وقت کشمیر کے قریب شمالی علاقوں میں گھوم رہے ہیں۔
ویڈیو میں دیکھا جا سکتا ہے کہ بنسکی سڑکوں پر بے خوف گھوم رہے ہیں اور سڑکوں پر نکالے جانے والی پاکستان کے حق میں ریلیاں بھی دکھا رہے ہیں۔
اس موقع پر وہ مقامی لوگوں سے گھل مل رہے ہیں جب کہ دکھا رہے کہ بازار اور سڑکوں پر معمولات زندگی برقرار اور شہری بے خوف ہیں۔
بنسکی نے اپنی اس ویڈیو میں کہا کہ ’مجھے بہت سے لوگوں نے میسجز کر کے حال چال پوچھا، میں بتانا چاہتا ہوں کہ میں محفوظ ہوں اور یہاں لوگوں سے مل جل رہا ہوں‘۔
امریکی وی لاگر نے کہا کہ ’یہاں کے لوگ سکون سے بے پرواہ طریقے سے زندگی جی رہے ہیں، جیسا خبروں میں دکھایا جاتا ہے ویسا کچھ نہیں ہے‘۔
View this post on InstagramA post shared by Drew Binsky (@drewbinsky)
واضح رہے کہ منفی پروپیگنڈا دنیا بھر میں بے نقاب ہونے کے بعد اب بھارتی میڈیا خود اپنی پروپیگنڈا رپورٹنگ پر معافی مانگنے پر اتر آیا ہے۔
بھارتی ٹی وی چینل ’آج تک‘ نے معافی مانگی ہے، جس کی ویڈیو سوشل میڈیا پر بھی زیر گردش ہے۔ اس ویڈیو میں خاتون اینکر کا کہنا ہے کہ پچھلے 24 گھنٹوں میں کچھ ادھوری رپورٹس دکھائی گئی جس کے لیے معافی چاہتے ہیں۔
مزیدپڑھیں:پی سی بی کا پی ایس ایل کے باقی میچز ملتوی کرنے کا اعلان
ذریعہ: Daily Ausaf
کلیدی لفظ: بھارتی میڈیا پاکستان کے رہے ہیں
پڑھیں:
کراچی: صدر میں پولیس اہلکاروں کا بزرگ شہری پر تشدد، ویڈیو وائرل ہونے پر ملوث اہلکار معطل
کراچی:ایس ایس پی ساؤتھ مہظور علی نے صدر کے علاقے میں پولیس اہلکاروں کی جانب سے بزرگ ریڑھی والے پر تشدد کرنے کے واقعے کا نوٹس لیتے ہوئے ملوث اہلکاروں کو معطل کر دیا ۔ واقعے کی ویڈیو ایک شہری نے موبائل فون سے بنائی تھی جو سوشل میڈیا پر وائرل ہوگئی تھی۔
اس حوالے سے ترجمان ایس ایس پی ساؤتھ کی جانب سے جاری اعلامیے کے مطابق بدھ کو صدر تھانے کی حدود میں ایک واقعہ پیش آیا جہاں کچھ پولیس اہلکاروں کی جانب سے ایک ریڑھ والے پر مبینہ تشدد کیا گیا۔
ترجمان کے مطابق معائنے کے دوران ریڑھی والے کو راستے سے ریڑھی ہٹانے کے لیے کہا گیا جس پر اس نے بدتمیزی کی اور پولیس اہلکاروں کو نازیبا الفاظ کہے جس پر پولیس اہلکاروں نے جواباً مبینہ طور پر اس شخص پر تشدد کیا گیا۔
واقعے کی اطلاع ملتے ہی ایس ایس پی ساوتھ مہظور علی نے فوری نوٹس لیتے ہوئے واقعے میں ملوث اہلکاروں و پولیس افسر کو فوری طور پر معطل کر کے واقعے کی شفاف انکوائری کا حکم جاری کیا ہے۔
ترجمان کے مطابق ایس ایس پی ساوتھ نے واضح کیا ہے کہ قانون سے بالاتر کوئی نہیں اور ہر قسم کی کارروائی قانون کے دائرے میں رہ کر کی جائے گی ، کسی کو بھی قانون اپنے ہاتھ میں لینے کی ہرگز اجازت نہیں دی جائے گی چاہے وہ عام شہری ہو یا کوئی پولیس اہلکار و افسر، واقعے میں ملوث افراد کے خلاف انکوائری مکمل ہونے کے بعد سخت قانونی کارروائی کی جائے گی۔
پی ایس ایل 10: کوئٹہ گلیڈی ایٹرز کا اسلام آباد یونائیٹڈ کے خلاف ٹاس جیت کر فیلڈنگ کا فیصلہ