رافیل طیارے میں موجود بھارتی پائلٹس کی گفتگو بھی انٹرسیپٹ کی، ایئر وائس مارشل اورنگزیب احمد
اشاعت کی تاریخ: 9th, May 2025 GMT
پاک فضائیہ کے افسر کا کہنا ہے کہ رافیل طیارے گرائے ہی نہیں بلکہ اس میں بھارتی پائلٹس کی گفتگو بھی انٹرسیپٹ کی۔
پاک فضائیہ کے افسر ایئر وائس مارشل اورنگزیب احمد نے ڈائریکٹر جنرل (ڈی جی) انٹر سروسز پبلک ریلیشنز (آئی ایس پی آر) کے ہمراہ عالمی میڈيا کو بریفنگ دی۔
ایئر وائس مارشل اورنگزیب احمد نے بتایا کہ 6 اور 7 مئی کی درمیانی رات بھارتی حملوں کے خلاف پاک فضائیہ دو منٹ کے اندر سرگرم ہوگئی، بھارت سے ایک گھنٹے سے زائد ٹکراؤ کی صورتحال رہی۔
شہزاد اقبال نے اپنی گفتگو میں امریکی ٹی وی سی این این کی رپورٹ پڑھ کر بھی سنائی ہے، جس میں پاک فضائیہ کی کامیابی اور بھارتی فضائیہ کی نااہلی کا ذکر کیا گیا ہے۔
ڈی جی آئی ایس پی آر لیفٹیننٹ جنرل احمد شریف چوہدری نے بتایا کہ بھارتی حملوں میں کسی پاکستانی فوجی کی شہادت نہيں ہوئی۔
لیفٹیننٹ جنرل احمد شریف چوہدری نے بتایا کہ بھارت نے ننکانہ صاحب میں سکھوں کی عبادت گاہ پر حملے کی کوشش کی، بھارت نے 6 اور 7 مئی کی درمیانی شب پاکستان ميں متعدد جگہوں پر حملے کیے، جن میں معصوم شہری اور بچے شہید ہوئے، بھارت نے دو سال کے بچے کو شہید کیا، اس پر بھارتی میڈیا نے بھی جشن منایا۔
ڈی جی آئی ایس پی آر نے بتایا کہ بھارت آزاد کشمیر میں بھی شہریوں کو نشانہ بنا رہا ہے، ایل او سی پر شہری علاقوں کو نشانہ بنا رہا ہے، جبکہ ہم ایل او سی پر بھارت کے فوجی ٹھکانوں کو نشانہ بنا رہے ہیں، ہم نے بھارت کے بریگیڈ ہیڈکوارٹر کو نشانہ بنایا۔
.ذریعہ: Jang News
کلیدی لفظ: نے بتایا کہ پاک فضائیہ کو نشانہ
پڑھیں:
پاک بھارت جنگ کے دوران آٹھ طیارے مار گرائے گئے، امریکی صدر ٹرمپ کا دعویٰ
واشنگٹن: امریکی صدر ڈونلڈ ٹرمپ نے دعویٰ کیا ہے کہ پاک بھارت جنگ کے دوران آٹھ طیارے مار گرائے گئے تھے۔
امریکی صدر نے دنیا بھر میں اپنے تجارتی اور سفارتی اقدامات کا ذکر کرتے ہوئے کہا ہے کہ وہ بھارت و پاکستان کے درمیان جاری تنازعے کو ختم کرنے میں کامیاب رہے۔
ایک بزنس فورم میں انہوں نے بتایا کہ ان کے ہاتھ میں ایک معاہدے کی دستاویز تھی، جب انہیں خبریں موصول ہوئیں کہ “سات یا آٹھ طیارے مار گرائے گئے”۔
صدر ٹرمپ نے کہا کہ وہ اس معاہدے کو اس لیے رک گئے کیونکہ وہ نہیں چاہتے تھے کہ اس دوران دونوں پڑوسی ملک جنگ کی راہ اختیار کریں۔
انہوں نے مزید دعویٰ کیا کہ ان کے دباؤ کے نتیجے میں دونوں ممالک نے امن کی راہ اختیار کی۔
تاہم، بھارت نے ان الزامات کی تردید کی ہے اور کہا ہے کہ تنازعے پر کوئی تیسرے فریق کا کردار نہیں تھا۔
اڈیالہ جیل میں ڈاکٹروں نے بتایا تھا کہ پتے میں پتھری ہے، سرجری کیلئے ہسپتال داخل ہوں، شاہ محمود قریشی