وزیراعظم کچھ دیر میں قوم سے اہم خطاب کریں گے
اشاعت کی تاریخ: 10th, May 2025 GMT
اسلام آباد:
وزیراعظم محمد شہباز شریف رات 11 بج کر 05 منٹ پر قوم سے خطاب کریں گے۔
وزیراعظم ہاؤس کی جانب سے جاری اعلامیے کے مطابق وزیراعظم کا خطاب رات 11 بج کر 05 منٹ پر پاکستان ٹیلی ویژن پر نشر کیا جائے گا۔
اس سے قبل وزیراعظم نے ایکسپریس نیوز سے گفتگو میں بتایا تھا کہ وہ قوم سے خطاب میں جنگ بندی معاہدے کے حوالے سے تفصیلات رکھیں گے اور اعتماد میں لیں گے۔
.ذریعہ: Express News
پڑھیں:
وزیراعظم کا بھارتی جارحیت کا منہ توڑ جواب دینے پر آج یوم تشکر منانے کا اعلان
اسلام آباد:وزیراعظم شہبا شریف نے بھارتی جارحیت کا منہ توڑ جواب دینے اور آپریشن بنیان المرصوص کی کامیابی پر آج (اتوار) ملک بھر میں یوم تشکر منانے کا اعلان کردیا۔
وزیراعظم شہباز شریف نے کہا کہ یہ دن اللہ رب العزت کے حضور سجدہ شکر بجا لانے، افواج پاکستان کی بے مثال بہادری کو خراج تحسین پیش کرنے اور پوری قوم کے حوصلے اور وحدت کو سراہنے کے لیے منایا جائے گا۔
انہوں نے کہا کہ آپریشن بنیان المرصوص نے دشمن کی جارحیت کو مؤثر اور بھرپور جواب دیا اور پاکستان نے ہر محاذ پر برتری ثابت کی، ہم اس کامیابی پر اللہ تعالیٰ کے شکر گزار ہیں، جس نے ہمیں سرخرو فرمایا۔
وزیراعظم کا کہنا تھا کہ دشمن کی جارحیت کے باوجود پاکستان نے صبر و تحمل کا مظاہرہ کیا لیکن مکمل تیاری کے ساتھ اپنے دفاع کو یقینی بنایا۔
شہباز شریف نے کہا کہ قوم بالخصوص علمائے کرام کل پورے ملک میں اجتماعی دعاﺅں اور نوافل کا اہتمام کریں، اللہ تعالیٰ کا شکر ادا کریں اور شہدائے اور غازیوں کے لیے خصوصی دعائیں کریں۔
وزیراعظم کا کہنا تھا کہ افواج پاکستان کی قربانیوں کو کبھی فراموش نہیں کیا جا سکتا، قوم ان کے شانہ بشانہ کھڑی ہے۔
گورنر پنجاب کامیاں منظور مانیکا کی پیپلز پارٹی کیلئے خدمات کا اعتراف