کبریائی صرف میرے رب کے لئے ہے۔ قرآن نے انبیا علیہم السلام اور غلامان مصطفی صلی اللہ علیہ وسلم کے لیے بھی عزت و وقار کا وعدہ کیا ہے۔ حدیث پاک کے مطابق جنت تلواروں کے سائے تلے ہے۔ مضطرب دلوں کو قرار آیا۔ پاکستان کے بدخواہ ایک بار پھر رسوا ہوئے۔مسلمان امن پسند ہوتا ہے۔ شر پھیلانے کے لیے ہتھیار نہیں اٹھاتا بلکہ شر پسندوں کا ہاتھ روکنے کے لیے شمشیر بکف میدان جہاد میں اترتا ہے۔ ازلی دشمن بھارت کے شر نے بالاخر پاکستان کو جنگی زبان میں جواب دینے پر مجبور کر دیا۔ دنیا شاہد ہے کہ بھارت کا جنگی جنون اور شر تمام حدیں پار کرتا رہا۔ اپنے سیاحوں کو دہشت گردی کے ڈرامے میں مار کر مودی سرکار نے سرحد پار دہشت گردی کا واویلا مچایا۔ نہ کوئی ثبوت نہ تحقیقات! زخمیوں کو طبی امداد دینے سے پہلے الزام پاکستان پہ لگایا۔ پاکستان نے شفاف غیر جانبدار تحقیقات کی پیشکش کی تو مودی سرکار نے جھٹلا دی۔ ایک ہی اصرار تھا کہ پاکستان کی اینٹ سے اینٹ بجانی ہے۔ سرعت سے درج کرائی گئی ایف آئی آر نے ڈرامے کا بھانڈا پھوڑ دیا۔ پاکستان نے پلوامہ ڈرامے کے تناظر میں فالس فلیگ آپریشن کو بھانپ لیا ۔ اس کے بعد جو ہوا وہ سب کے سامنے ہے۔ چھ اور سات مئی کی درمیانی شب چھ مقامات پر بھارت نے میزائل داغے۔ مساجد، محنت کش افراد اور پھول جیسے کم عمر بچے شہید ہوئے۔ صد افسوس کہ نام نہاد میڈیا اور آر ایس ایس کے نظریاتی حامیوں نے ان شہادتوں کا جشن منایا۔ بھارت کی یہ شقی القلبی دنیا نے دیکھی۔ حملوں کے مقامات پہ جانے والے صحافتی حلقوں کو کسی دہشت گرد کیمپ کے آثار نہیں ملے۔ اس رات ایک معاملہ بے حد انوکھا ہوا ۔پاکستان کو تباہ کرنے کے لیے آنے والے جدید رافیل طیارے اکھاڑے میں ناکارہ ثابت ہوئے ۔بنا سرحد پار کیے ہوئے ان طیاروں نے خیالی اڈوں پر حملہ کیا تو پاک فضائیہ کے شاہینوں نے پانچ طیارے گرا کر مودی سرکار کو ششدر کر دیا۔ ستم بالائے ستم ان میں تین جدید ترین رافیل طیارے بھی شامل تھے۔ یہ غیر متوقع ہزیمت مودی سرکار کو ہضم نہیں ہو پا رہی۔ میڈیا پر نفسیاتی جنگ چھیڑ کر مودی سرکار نے طیاروں کی تباہی سے توجہ بٹائی۔ تمام کھوکھلے دعوے بے نقاب ہوتے چلے گئے۔ بھارتی دانشور اور حکومتی نمائندے اس اعتراض کا جواب نہیں دے رہے کہ آخر جدید ترین رافیل طیارے پاک فضائیہ کے ہاتھوں کیوں زمین بوس ہوئے؟ ماضی میں یہ سوال گونجتا رہا کہ مودی سرکار نے کمیشن لینے کی خاطر ناقص ماڈل کا طیارہ لیا۔ اس وقت الیکشن کے دوران پلوامہ کا ڈرامہ رچا کر مودی سرکار نے توجہ پاکستان کے خلاف جنگی جنون کی جانب موڑ دی۔
پہلگام حملے کا ڈرامہ پلوامہ سے ملتا جلتا ہے۔ الزام پاکستان پر دھرنے کے بعد جنگی جنون کی آگ کو ہوا دی گئی۔ پاکستان نے ہر مرحلے پر سنجیدگی اور تحمل کا دامن تھامے رکھا۔ سات مئی سے نو مئی کے درمیان میزائل حملوں، ڈرون کی برسات اور بیلسٹک میزائلوں کے ذریعے سرحدوں کی پامالی نے پاکستان کے صبر کو آزمایا۔ پانی سر سے اونچا ہو گیا تو بہ امر مجبوری پاکستان نے دندان شکن جواب دے دیا۔پہلے جدید رافیل کی تباہی نے بھارت کی سبکی کروائی اور بعد میں غیر موثر ڈرون حملوں نے بھارت کو مایوس کیا۔ جمعہ اور ہفتے کی درمیانی شب ایئر بیسز پر حملے پاکستان کے لیے ناقابل برداشت تھے۔ قوم کا اضطراب بڑھ گیا۔ وعدے کے مطابق افواج پاکستان نے بھارت کو چھٹی کا دودھ یاد دلا دیا ۔جن ایئر بیسز اور عسکری تنصیبات پر پاکستان نے حملے کیے ان کی فہرست طویل ہے۔ بھارت کا مواصلاتی نظام اور سرکاری ویب سائٹس ناکارہ کر دی گئیں۔ 70 فیصد بجلی کے گرڈ اسٹیشن بند ہو چکے۔ عسکری ہیڈ کوارٹرز، میزائل سٹور، چوکیاں اور ایئر بیسز پاکستان کے میزائلوں کا نشانہ بنے۔ دستیاب اطلاعات کے مطابق جدید ترین ایس 400 میزائل سسٹم بھی تباہ ہو چکا۔ بھارت پاکستانی مجاہدین کے حملوں سے سکتے میں آ چکا ہے ۔خطے میں بالادستی کا خواب چکنا چور ہو چکا۔ خیالی دنیا میں تصوراتی کہانیاں گھڑ کر اپنی دہاک بٹھانے والا بھارت کسیانی بلی کی طرح کھمبا نوچ رہا ہے۔ رب کریم کی نصرت سے اس مرحلے میں پاکستان کا پلہ بھاری رہا۔ آگے کے مراحل پیچیدہ ہوں گے۔ بھارت کا مربی اسرائیل معاونت میں پیش پیش ہے۔ یہ معاملہ سادہ نہیں بلکہ بہت زیادہ الجھا ہوا ہے۔ اتحاد کی ضرورت پہلے سے زیادہ بڑھ گئی ہے۔ یہ عیاں ہو چکا ہے کہ پاکستان کی دفاعی صلاحیت اور جوہری استعداد دشمنوں کی آنکھوں میں کھٹک رہے ہیں۔ بنیان مرصوص کا پہلا مرحلہ طے ہوا۔ قوم متحد رہی تو دشمن کے مکروہ عزائم ناکام بنانے میں دشواری نہیں ہوگی۔ تاہم یہ طے ہے کہ پاکستان کا وجود بھارت اور اس کے سرپرستوں کے سینوں میں کانٹا بن کر کھٹک رہا ہے۔
ذریعہ: Daily Ausaf
کلیدی لفظ: کر مودی سرکار مودی سرکار نے پاکستان نے پاکستان کے کے لیے
پڑھیں:
غزہ نسل کشی پر مودی کی گہری خاموشی نے ہندوستان کا اخلاقی و سیاسی وقار مجروح کردیا، کانگریس
سونیا گاندھی نے کہا کہ مودی نے اسرائیل کیساتھ ساتھ ایک آزاد فلسطین کے تصور پر مبنی بھارت کی دیرینہ اور اصولی وابستگی کو ترک کر دیا ہے، جو ایک پرامن دو ریاستی حل کی حمایت کرتی ہے۔ اسلام ٹائمز۔ کانگریس پارٹی نے کہا ہے کہ غزہ میں اسرائیل کی نسل کشی بغیر کسی روک ٹوک کے جاری ہے اور بھارتی وزیراعظم نریندر مودی کی اس تباہی پر گہری خاموشی نے بھارت کے اخلاقی اور سیاسی وقار کو مجروح کر دیا ہے۔ کانگریس کے جنرل سیکریٹری (مواصلات) جئے رام رمیش نے اپنے ایک ایکس پوسٹ میں لکھا کہ امریکی صدر ڈونلڈ ٹرمپ نے ایران کے خلاف امریکہ اسرائیل جنگ کے حوالے سے جنگ بندی کا اعلان کیا ہے لیکن غزہ میں ابھی تک کوئی جنگ بندی نہیں ہوئی جہاں اسرائیل کی نسل کشی بلا روک ٹوک جاری ہے۔ جئے رام رمیش نے دعویٰ کیا کہ نریندر مودی کی اس تباہی پر خاموشی، جو گزشتہ اٹھارہ ماہ سے زائد عرصے سے فلسطینیوں پر مسلط ہے، گہری ہے اور اس نے بھارت کے اخلاقی اور سیاسی وقار کو مجروح کر دیا ہے۔
جئے رام رمیش کا یہ پوسٹ کانگریس پارلیمانی پارٹی کی چیئرپرسن سونیا گاندھی کے چند روز قبل دئے گئے اس بیان کے بعد سامنے آیا ہے، جس میں انہوں نے غزہ اور ایران میں اسرائیل کی تباہی پر بھارت کی خاموشی کو سخت تنقید کا نشانہ بنایا تھا اور اسے نہ صرف آواز کا نقصان بلکہ اقدار کو مجروح کرنا قرار دیا تھا۔ سونیا گاندھی نے اپنے مضمون "ابھی بہت دیر نہیں ہوئی کہ بھارت کی آواز سنی جائے" میں مودی حکومت پر الزام عائد کیا کہ اس نے اسرائیل کے ساتھ ساتھ ایک آزاد فلسطین کے تصور پر مبنی بھارت کی دیرینہ اور اصولی وابستگی کو ترک کر دیا ہے، جو ایک پرامن دو ریاستی حل کی حمایت کرتی ہے۔
انہوں نے اپنے مضمون میں، جو دی ہندو میں شائع ہوا کہا کہ نئی دہلی کی غزہ کی تباہی اور اب ایران کے خلاف بلا اشتعال جارحیت پر خاموشی ہماری اخلاقی اور سفارتی روایات سے ایک پریشان کن انحراف کو ظاہر کرتی ہے، یہ نہ صرف آواز کا نقصان ہے بلکہ اقدار کو مجروح کرنا بھی ہے۔ انہوں نے زور دیا کہ ابھی بہت دیر نہیں ہوئی، بھارت کو واضح طور پر بات کرنی چاہیئے، ذمہ داری سے عمل کرنا چاہیئے اور مغربی ایشیا میں کشیدگی کو کم کرنے اور گفت و شنید کی طرف واپسی کے لئے ہر ممکن سفارتی چینل کا استعمال کرنا چاہیئے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی