’چائے کی پیالی میں قسمت‘: چیٹ جی پی ٹی اب طلاقیں بھی کروانے لگا
اشاعت کی تاریخ: 11th, May 2025 GMT
یوں تو مصنوعی ذہانت ایک مفید ذریعہ ہے جس کی مدد سے انسان کی زندگی میں آسانیاں پیدا ہوئی ہیں لیکن اس ٹیکنالوجی کے کچھ مضمرات بھی ہیں۔ حال ہی میں اس ٹیکنالوجی کا ایک نیا روپ سامنے آیا ہے جس سے پتا چلا کہ یہ لوگوں میں طلاقیں بھی کروا دیتی ہے۔
یونان کے ایک عجیب و غریب کیس میں ہوا کچھ یوں کہ ایک خاتون نے مصنوعی ذہانت کا استعمال کرتے ہوئے اپنے شوہر کے مبینہ تعلقات کا پردہ فاش کرنے کے بعد طلاق کی درخواست دائر کر دی ہے۔
یہ بھی پڑھیں: کیا مصنوعی ذہانت انسانوں کی طرح فریب دے سکتی ہے؟
گریک سٹی ٹائمز کے مطابق خاتون نے ’ٹیسیگرافی‘ پر جدید طریقہ کار کے لیے چیٹ جی پی ٹی کی مدد لی۔ یہ کسی کے ماضی، حال اور مستقبل کے بارے میں اندازہ لگانے کا ایک طریقہ ہے جس میں اس شخص کی پی ہوئی چائے یا کافی کے کپ میں بچ جانے والی تلچھٹ کو دیکھا جاتا ہے اور اس سے کپ میں بن جانے والے مختلف نقوش سے مختلف مطلب اخذ کیا جاتا ہے۔ یوں سمجھ لیں کہ اس طریقہ کار میں چائے کی پیالی میں قسمت تلاش کی جاتی ہے۔
خاتون نے اپنے اور شوہر کی پی ہوئی کافی کی خالی پیالیوں کے تلے میں بننے والے نقوش اے آے چیٹ بوٹ کے حوالے کیے اور اس ’استاد‘ نے اپنی ’شاگردنی‘ کو کچھ ایسا بتایا کہ الامان و الحفیظ۔
مزید پڑھیے: ریڈیو اسٹیشن کی اے آئی ہوسٹ، سامعین کیسے سمجھے میزبان اصلی نہیں؟
12 سال سے زیادہ عرصے سے شادی شدہ اور 2 بچوں کی اس ماں نے اپنے اور اپنے شوہر کے کافی کپ میں بچ جانے والے نمونوں کی تصاویر اپ لوڈ کیں اور چیٹ جی پی ٹی سے ان کی تشریح کرنے کو کہا۔ اب اے آئی نے جو دعویٰ کیا وہ چونکا دینے والا تھا۔ اس نے خاتون کو بتایا کہ تمہارا شوہر ایک کم عمر خاتون کے ساتھ پینگیں بڑھا رہا ہے اور بس اب تمہارا گھر ٹوٹا ہی سمجھو۔
بوٹ نے یہاں تک بتایا کہ تمہارے شوہر کی خفیہ پارٹنر اس پراسرار عورت کا نام ’E‘ سے شروع ہوتا ہے اور وہ تمہارا گھر برباد کرنا چاہتی ہے جبکہ تمہارا شوہر بھی اس کے چکر میں پڑ کر تمہیں دھوکا دے رہا ہے۔
مزید پڑھیں: مصنوعی ذہانت سے تیارکردہ مواد پر امریکی اکثریت کا بھروسہ
خاتون کے شوہر نے ایک مقامی ٹیلی ویژن چینل سے بات کرتے ہوئے ان باتوں کو بے بنیاد قرار دیا اور کہا کہ جب اس نے پہلی مرتبہ بیوی سے وہ باتیں سنیں تو بہت ہنسا اور اسے ایک مذاق ہی سمجھا کیوں کہ ایسی کوئی بات تھی ہی نہیں۔
شوہر نے مزید بتایا کہ لیکن جب اس کی بیوی تو اس معاملے میں سنجیدہ نکلی اور وہ اے آئی کے مشوروں کو بالکل سجمھ رہی تھی لہٰذا اس نے کہا کہ مجھے چھوڑدو۔ اس نے اپنے بچوں کو بھی بتادیا کہ ہماری طلاق ہو رہی ہے اور پھر مجھے ایک وکیل کا فون آیا تب مجھے پتا چلا کہ معاملہ تو بیحد سنجیدہ ہے۔
خاتون نے باہمی علیحدگی پر غور کرنے سے انکار بھی کردیا جس دوران شاید اپنے فیصلے پر نظر ثانی کو موقع مل جاتا۔ اس نے صرف 3 دن بعد باضابطہ طور پر طلاق کے کاغذات پیش کردیے۔
یہ بھی پڑھیے: مصنوعی ذہانت کی دنیا میں چین امریکا کو پیچھے چھوڑنے کے قریب پہنچ گیا
شوہر نے یہ بھی دعویٰ کیا کہ اس کی بیوی ضعیف العقیدہ ہے اور اس طرح کی باتوں پر یقین کر لیتی ہے۔ اس نے مزید بتایا کہ ایک بار بیوی نے ایک نجومی سے بھی رجوع کیا تھا اس کی کی گئی پیشین گوئیوں سے اس کی توجہ ہٹنے میں تقریباً ایک سال لگ گیا تھا۔
شوہر کے وکیل کا کہنا ہے کہ مصنوعی ذہانت کی جانب سے بتائے گئے ’غیب کے حال‘ کی بنیاد پر عدالت میں کسی کے خلاف بیوفائی ثابت نہیں کی جاسکتی بلکہ اس کے لیے ٹھوس ثبوت درکار ہوں گے۔
مزید پڑھیں: ڈیپ سیک یا چیٹ جی پی ٹی، مصنوعی ذہانت کا کون سا ماڈل بہتر ہے؟
یہ کیس سوشل میڈیا پر بالخصوص یونان کے عوام میں خاصا مشہور ہوچکا ہے اور لوگ متجسس ہیں کہ اس معاملے کا نتیجہ کیا نکلتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چائے کی پیالی میں قسمت چیٹ جی پی ٹی چیٹ جی پی ٹی اور طلاقیں مصنوعی ذہانت یونان.ذریعہ: WE News
کلیدی لفظ: چیٹ جی پی ٹی مصنوعی ذہانت یونان مصنوعی ذہانت چیٹ جی پی ٹی خاتون نے بتایا کہ ہے اور اور اس
پڑھیں:
گلوبل آرٹیفیشل انٹیلی جنس گورننس انیشی ایٹو: ڈیجیٹل تہذیب میں قدیم مشرقی حکمت کی روشن خیالی
گلوبل آرٹیفیشل انٹیلی جنس گورننس انیشی ایٹو: ڈیجیٹل تہذیب میں قدیم مشرقی حکمت کی روشن خیالی WhatsAppFacebookTwitter 0 25 June, 2025 سب نیوز
بیجنگ ()
“سنان”، قدیم چین میں ایجاد ہونے والا ایک آلہ ہے جو جدید کمپاس کی ابتدائی شکل سمجھی جاتی ہے۔ اکتوبر 2023 میں ، چینی صدر شی جن پھنگ نےبیلٹ اینڈ روڈ سے متعلق بین الاقوامی تعاون کے تیسرے فورم میں گلوبل آرٹیفیشل انٹیلی جنس گورننس انیشی ایٹو پیش کیا ، جس میں مصنوعی ذہانت کی ترقی،سلامتی اور حکمرانی کے لئے قابل عمل تجاویز پیش کی گئیں ، جس نے جدید دور کے” سنان” کی طرح ڈیجیٹل دور میں عالمی تعاون کی سمت کا تعین کیا ہے۔
شی جن پھنگ نے “ریاست کی بنیاد عوام” کے روایتی چینی فلسفے کو مصنوعی ذہانت کی ترقی کے بنیادی اصول میں تبدیل کردیا ہے ، اور “عوام پر مبنی” حکمرانی کا تصور اور “اچھائی کے لئے مصنوعی ذہانت” کی سمت دکھائی۔ جو کہ ایک ایسا اخلاقی فریم ورک تشکیل دیا گیا ہے جس میں عوامی حقوق و مفادات کو اجتماعی فلاح و بہبود کے ساتھ مربوط بنایا گیا ہے۔
شی جن پھنگ نے چین کے روایتی سیاسی آئیڈیل “دنیا مشترکہ بھلائی کے لئے ہے” کو عالمی مصنوعی ذہانت کی حکمرانی کے نمونے میں تبدیل کردیا ہے ، ترقی پذیر ممالک کی آواز کو بڑھانے اور “انٹیلی جنس خلا” کو پر کرنے کی تجویز پیش کی ہے۔ اس تصور نے مغربی مرکزیت کی زنجیروں کو توڑ دیا ہے اور مصنوعی ذہانت کو تقسیم کی رکاوٹ کے بجائے انسانیت کے لیے مشترکہ ترقی کی سیڑھی بنا دیا ہے۔
شی جن پھنگ نےمصنوعی ذہانت کے “مکمل لائف سائیکل گورننس” یعنی ڈیزائن کے مرحلے میں “اخلاقیات کو اہمیت دینے”، تحقیق اور ترقی کے مرحلے میں “تکنیکی امتیاز کو ختم کرنے” اور اطلاق کے مرحلے میں “اچھائی کو ترجیح دینے” کا طریقہ کار پیش کیا،جس میں “انسان اور فطرت کے درمیان ہم آہنگی” کے روایتی چینی فلسفے سے استفادہ کیا گیا ۔ اس کے ساتھ ہی انہوں نے خطرے کی درجہ بندی کے نظام کے قیام کی وکالت بھی کی۔ اس طرح، حکمرانی اور ترقی کو باہم ضم کیا گیا ہے اور تکنیکی جدت طرازی اور خطرے پر کنٹرول میں توازن برقرار رکھا گیا ، جس سے جدید سائنسی اور تکنیکی حکمرانی کے لئے قدیم مشرقی حکمت کی گہری روشن خیالی کا مظاہرہ ہوتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیر اعظم نے ملک بھر میں بجلی کے اسمارٹ میٹرز جلد نصب کرنے کی ہدایت کردی پاکستان کا 9ہمسایہ ممالک سے تجارتی خسارہ 11ارب 17کروڑ ڈالر سے تجاوز کرگیا ایف بی آر کو امریکا اور چین سمیت دیگر ممالک کی درآمدات پر ٹیکس اور ڈیوٹیز نہ بڑھانے کی ہدایات جاری پاکستان اور امریکا کے درمیان تجارتی مذاکرات کامیاب؛آئندہ ہفتے معاہدے کی تکمیل پر اتفاق چین۔جنوبی ایشیا ایکسپو نے خطے کی خوشحالی کے لیے سنہری پل تعمیر کیا ، چینی میڈیا بین الاقوامی اقتصادی اور تجارتی صورتحال گہری تبدیلیوں سے گزر رہی ہے، چینی وزیر اعظم ایس سی او کے رکن ممالک کی سلامتی کونسل کے سیکرٹریوں اور وزرائے دفاع کے اجلاس میں سلامتی سے متعلق امور پر غورCopyright © 2025, All Rights Reserved
رابطہ کریں ہمارے بارے ہماری ٹیم
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی