بھارتی جارحیت: آزاد کشمیر میں ہونے والے نقصان کی تفصیلات سامنے آ گئیں
اشاعت کی تاریخ: 11th, May 2025 GMT
پاکستان اور بھارت کے درمیان حالیہ کشیدگی کے دوران آزاد کشمیر میں بھارتی فائرنگ سے ہونے والے نقصان کی تفصیلات سامنے آگئیں۔
اسٹیٹ ڈیزاسٹر مینجمنٹ اتھارٹی (ایس ڈی ایم اے) کی جانب سے آزاد کشمیر میں ہونے والے نقصان کی تفصیلات جاری کی گئی ہیں۔
یہ بھی پڑھیں بھارت کا مظفرآباد کی مسجد پر پہلا حملہ اور پاک فوج کے آپریشن کا نام ’بُنیان مَرصُوص‘، مماثلت کیا ہے؟
ایس ڈی ایم اے کے مطابق بھارتی فوج کی جانب سے کی گئی فائرنگ میں 31 افراد شہید جبکہ 123 زخمی ہوئے ہیں۔
ایس ڈی ایم اے نے بتایا کہ بھارتی جارحیت سے 287 مکانوں اور 21 دکانوں کو نقصان پہنچا۔
ایس ڈی ایم اے کے مطابق بھارتی جارحیت کے دوران جہاں شہریوں اور املاک کو نقصان پہنچا وہیں 22 بھینسیں بھی ہلاک ہوگئیں۔
واضح رہے کہ بھارت کی جانب سے پاکستان پر میزائل حملے کے وقت سب سے پہلا میزائل مظفرآباد کی مسجد میں داغا گیا تھا۔
یہ بھی پڑھیں بھارت کے اینٹی ایئرکرافٹ سسٹم ایس 400 کی تباہی پاک بھارت جنگ کا سب سے بڑا واقعہ قرار
پاکستان نے بھارتی جارحیت کے جواب میں بھرپور کارروائی کرتے ہوئے دشمن کو بھاری نقصان پہنچایا، اور اس دوران سب سے اہم بھارتی ایئر کرافٹ سسٹم ایس 400 کو بھی تباہ کردیا گیا، جو اس جنگ میں پاکستان کی سب سے بڑی کامیابی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد کشمیر نقصان بھارتی فائرنگ پاک بھارت کشیدگی پاکستان بھارت جنگ تفصیلات وی نیوز.ذریعہ: WE News
کلیدی لفظ: بھارتی فائرنگ پاک بھارت کشیدگی پاکستان بھارت جنگ تفصیلات وی نیوز بھارتی جارحیت ایس ڈی ایم اے
پڑھیں:
جنگی جنون میں مبتلا بھارت کی آبی جارحیت، گنگا معاہدہ معطل کر کے بنگلہ دیش کا پانی روکنے کی تیاری
پہلگام حملے کو جواز بنا کر جنگی جنون میں مبتلا بھارت نے پورے خطے کے امن کو خطرات سے دوچار کردیا ہے۔
سندھ طاس معاہدہ معطلی کے بعد اب بھارت نے بنگلہ دیش سے گنگا معاہدے پر نظرثانی کا فیصلہ کرلیا ہے۔
بھارتی میڈیا رپورٹس کے مطابق 1996 کا بھارت -بنگلہ دیش گنگا معاہدہ 30 سال مکمل ہونے پر 2026 میں ختم ہونے والا ہے“۔
گنگا معاہدے کی شق نمبر 12 کے مطابق اس معاہدے کی تجدید دونوں فریقین کی باہمی رضامندی سے کی جائے گی۔
بھارتی میڈیا کا کہنا ہے کہ گنگا معاہدے کے مطابق خشک موسم خصوصاَ فرکا بیراج کے اطراف میں پانی کی تقسیم کو منصفانہ بنانا تھا۔ بھارت نے بنگلہ دیش کو آگاہ کیا ہے کہ ترقیاتی ضروریات کیلئے زیادہ پانی درکار ہے۔
بھارتی وزارت خارجہ کے مطابق پہلگام حملے سے پہلے بھارت گنگا معاہدہ 30 سال بڑھانا چاہتا تھا، مگر حالات یکسر بدل گئے۔
بھارت کے یکطرفہ فیصلے پر بنگلہ دیش نے تشویش کا اظہار کیا ہے
جنگی جنون میں مبتلا بھارت کی آبی جارحیت جنوبی ایشیا میں ایک نئے بحران کو جنم دے سکتی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی