لاہور؛ بیوی اور بیٹی کے سر کے بال کاٹنے والا شخص گرفتار
اشاعت کی تاریخ: 12th, May 2025 GMT
لاہور:
بیوی اور بیٹی پر تشدد اور سر کے بال کاٹنے والا درندہ صفت شخص گجر پورہ پولیس کے شکنجے میں آگیا۔
ایس پی سول لائنز چوہدری اثر علی کی سربراہی میں گجرپورہ پولیس نے کارروائی کی۔
ایس ایچ او گجر پورہ ذکاء کے مطابق سفاک ملزم ارشد خان نے اپنی بیوی اور بیٹی کے قینچی کے ساتھ سر کے بال کاٹ دیے، ملزم ارشد خان بیشتر اوقات اپنی بیوی اور بیٹی کو تشدد کا نشانہ بناتا تھا۔
ملزم ارشد خان اپنی بیوی اور بیٹی کو ڈرا دھمکا کر رکھتا، متاثرہ خاتون نے شوہر سے چوری چھپے بچ کر تھانہ میں پہنچ کر قانونی کارروائی کی درخواست دی۔
ایس ایچ او نے بتایا کہ گجر پورہ پولیس نے درندہ صفت ملزم ارشد کے خلاف مقدمہ درج کر کے پابند سلاسل کر دیا۔
ایس پی سول لائنز چوہدری اثر علی نے ایس ایچ او گجر پورہ ذکاء اور پولیس ٹیم کو شاباش دی اور تعریفی اسناد دیے۔ انہوں نے کہا کہ عورتوں کے اغواء، تشدد اور حراساں کرنے والے ملزمان کسی رعایت کے مستحق نہیں۔
.ذریعہ: Express News
کلیدی لفظ: بیوی اور بیٹی گجر پورہ
پڑھیں:
کراچی، سکھن کے قریب پولیس مقابلہ، ایک ڈاکو زخمی حالت میں گرفتار، ایک فرار
کراچی:شہر قائد میں سکھن کے علاقے میں سوڈا فیکٹری کے قریب پولیس اور ڈاکوؤں کے درمیان مبینہ مقابلے کے نتیجے میں ایک ڈاکو زخمی حالت میں گرفتار کر لیا گیا، جبکہ اس کا ساتھی موقع سے فرار ہو گیا۔
پولیس کے مطابق فائرنگ کے تبادلے کے بعد گرفتار ملزم کی شناخت شاہ محمد کے نام سے کی گئی ہے، جس کے قبضے سے اسلحہ اور موٹر سائیکل برآمد ہوئی ہے۔
زخمی ملزم کو فوری طور پر طبی امداد کے لیے اسپتال منتقل کر دیا گیا، جبکہ فرار ہونے والے ساتھی کی تلاش اور واقعے کی مزید تفتیش جاری ہے۔
خلا میں عسکری کشیدگی میں اضافہ ہوا ہے، فرانسیسی فوجی جنرل کا انتباہ